Texts
Return to list | edit | delete | Create a new | history | Statistics | ? Help
Praznikad, verod, puheged, keitmine, kodiradod
Praznikad, verod, puheged, keitmine, kodiradod
Veps
Central Eastern Veps
- Midä
Vederistmile tehtihe ?
- Vederistmäd čaptihe proluban g’ogele . Proluban čapetas , potom proluban vereile tehtas ristan , ristan čapetas , tuleb pap’ pagastaupäi , služib , služban služib , a potom ristan kül’betab , ristan kül’betab konz , ka rahvaz zavot’t’as kül’ptakse i ottas veden kodihe , nece nazįveiše ristvezi .
- Midä tehtas nečüu ristveduu ?
- Ristveduu pezetadas erasti lapsid’ . Konz lehmäd kanttas , ka lehmid’ pezetadas .
- A min täht lapsid pezetadas ?
- A en teda , min täht pezetadas lapsid .
- A midä sv’atkoiden tehtas ?
- A sv’atkoiden tehtas – kudesoikš kävutas . Sädasoi , ken sädasoi čomihe , a ken sädasoi ripakoihe .Vot i kävutas besedoidme derüun derüunähä .
- A ristoid tehtas ?
- Ristad tehtas – ottas kaks’ puikošt , haugeitas ühten puikoižen , toižen pandas neche pazaižehe . Nece nazįveiše rist .
- Kut tijou živatoid ümbärtas ?
- Živatoid ümbärdoudas G’urginpejan kevädou .
- Ken ümbärdab ?
- Ižand ümbärdab . Pandas kaurigan liibäd seglha , pandas g’umaleižen seglha , tohusen kädehe i proidub koume kerdad ümbri živatoiš .
- A sanub midä-ni ?
- Entä , midä sanub .
- A paimen muga ümbärdab ?
- A paimen muga ümbärdab , mugažo liibädme , tohustme .
- Konz ümbärdab ?
- Konz ezmäižen kerdan mecha kükseškab , siloi ümbärdab kaikid živatoid derevenskijoid .
- Min täht ümbärtas ?
- En teda , min täht ümbärtas .
- Midä tehtas , konz živat kadob ?
- Živat konz kadob , siloi pandas gostincad .
- Kuna pandas ?
- Gostincad vedas mecha .
- Midä pandas gostincoihe ?
- Gostincoihe pandas liibäd kaks’ kromašt , čapetas kahtes kaurigaspei , pandas solad väheižen , pandas saharad , pandas čajud , pandas tabakod , pandas spičkad , potom käroutas ripakoižehe i vedas mecha , ripputadas oksaižele . Nu i ken paneb , ka nece kumardelese koumhe bokha .
- Sanub midä-ni ?
- En teda , midä sanub .
- A lüudub lehm-se ?
- Lüudub lehm . Lehm siloi lüudub .
- A ristoid tehtas ?
- A ristad tačetas , siloi mugažo lüuduse lehm . A ku iile živatad hengiš , kudamale pandas ristad , siloi mecas pahoi sur’ tullei libub .
- A ristad kuna pandas ?
- A ristad tesaroihe tačetas . Mugažo kahtes puikeižespäi tehtas ristad , tačetas tesaroihe .
Puheg prizoraspäi .
Lähten mina uksespäi ukshe ,
veraišpäi veraihe ,
lagedaha püudho , vihandaha normhe .
Lagedas püudos , vihandas normes
om koume-ühcad velled .
Koume-ühcou vel’l’uu
om koume-ühcad taugad .
Pusktas i amptas prizoran i prikosan ,
raffan ugovoran .
I očiššaju i izbavl’aju
mina rababožjad mladencad
neciš prizoraspäi i prikosaspäi ,
raffan ugovoraspäi , hahkiš süumiš ,
mustiš süumiš , rusttiš süumiš ,
vauktiš süumiš , iknha kactiš ,
sauman taga vardjoičijoiš ,
tul’l’oižnenan ,
kahtes devočkeižes ,
očiššai i izbavl’ai mladencad
tämäs päiväspäi ,
tämäs časuspäi , tämäks igaks kaikeks , amin .
- Kut hernehpirgad tehtihe ?
- Hernehpirgad , todas lunt , pandas hernehjauhod , pandas solad , pekstas kuni ii libu padas . Konz padas libub , ka siloi pandas necen načinkan korele , pandas päčhe i paštas olanjad , neciš tahthaspäi , hernehjauhos .
- Midä pašttas ?
- Pirgad da olang’ad .
- Min täht lunt pandas ?
- En teda , min täht lunt paneltihe . Sepäta pašttihe , lumou pekstas , hüväd tegesoi .
- A kut tijou har’gad tehtas ?
- Har’gad tehtas . Pandas rugan päčhe , sulatas , potom sidotas sugasid tukun .Necen rugan hiittas päčišpäi .Valatas sugasiden keskhe necen rugan i tegese har’g .Har’gas iile hitrostid tehta .Necou har’gou püuhän pühketas .Gäl’gmäižehe kerdha konz pühketas , necou har’g’ou .
- Kut tijou pästred puutihe ?
- Püuhän tapetas , tapmen alle langetas pästred . Nened pästred ottas priheižed , kandištas püudho i ottas siibhad kädehe , konz pästred palaškatas , ka nene pästred prihaižed töugutadas i sanutas : «Udou vodou necen pitte püuvaz kazgaha !».
- I kazvab ?
- Kazvab .
Puheg purendaspäi .
Puren mina necen purendan i häkutesen ,
ezmeižuu hambhou puren ,
tagaižou hambhou tačin tehe tropatomha ,
soho samlotomha , merhe pohjatomha ,
tatatomaks , mamatomaks ,
rodutomaks , plodutomaks i
tämäks igaks kaikeks .
Pähuden purendan , har’goižiden purendan ,
nižaižiden purendan , vacaižen purendan ,
nabaižen purendan ,
g’ougaižiden purendan ,
kandoižiden purendan mladencau [nimi ] i
očišajin’ i izbavl’ain’ neciš purendaspäi
i häkutusespäi
tämäs päiväs , tämäs časus igaks kaikeks ,
amin’ .
- Kut purendan abutadas ?
- Purendan abutadas : Kanou iile maidod , kukoil iile munad , kives iile g’urid , sormes iile imed (nimed ), muga iileiž nečou mladencau necida purendad . Kaik .
Praznikad, verod, puheged, keitmine, kodiradod
Veps
Central Eastern Veps
Праздники, обряды, заговоры, кулинария, хозяйственные занятия
Russian
[