Texts
Return to list | edit | delete | Create a new | history | Statistics | ? Help
Voinan aigah
Voinan aigah
Livvi
Kondushi
Elän
minä Kard’ažis .
Voina načnih , minul otettịh poijan armijah i ižändän otettih armijah .
Jäin minä viijen lapsenke .
Siit müö ainos rịaduimmo kolhozịa , Pellol päi oli rịatuttai meil .
Ainos : "Rịadagịa , rịadagịa , l’eivät keriämitiö , siit l’ähemmö [evakuacijah ] kai l’eibinke ".
Ainos meidö ei tüöndänö , müö tahtuimmo ennepäi l’ähtie , ga häi ei tüöndänö .
Siit müö l’ähtiimö – d’o ambumah ruvettịh rinnal täs , suwrel dorogal .
Srịas’ti rodih d’o l’eikata , rinnal oldịh d’o nemme suomet .
Siit meidö tüöttih meččäh .
L’ähtiimmö müö lapsienke meččäh : eigo hebuo , eigo ni mid’ä .
Lapsinke kandamokseh , l’ehmästö sinne veämmö meččäh .
Mečäs rodih vihmo .
Lapset pienet , eigo sobịa , eigo ni midä .
Lapset minul kül’mettih , kahtei zabol’eitiiheze .
Siit üön magaimmo .
Huondeksel suomet tavattih mečäs meidö .
Tuodih kodih järilleh : "Voitto koiš el’iä ".
Siit otettih meidö sinne Anukseh veettih .
Lapset minul ei vuija .
Kuwnilas müö üön magaimmo .
Kuwnilas päi sit perevedittih meidö ...äijän ül’en perehtö veettih : eigo ollo kunna mịata viärdä , eigo ni midä .
Minul lapset ei vuija .
Üön müö hundeksessah magaimmo .
Siiten hundeksel minä l’ähtiin fat’erịa ičele eččimäh .
L’övviimmö fat’eran .
Fat’er vilo .
Ühten lapsen minä sịatiin bol’niččah , bol’niččah lapsi sinnä i kuol’e .
Sinnä üksi i kuol’e , a toine zabol’eiččih .
Toine ei l’ähtenö bol’niččah , fat’erale kuoli sih .
Sit müö sie rịaduimmo kolme vuotto .
Sit meidö sie oslobodittih , meijän tuldih kodih .
I siit müö tuliimmo järilleh omah täh sijah , Konduih .
Kai meil sie oldih muretut .
Tuliimo – heinie oli polvessah , tapettuw tävvet hierut viruttih .
Pertit kai muretut : eigo ikkunuw , eigo lagie , eigo lattielui , eigo ni midä .
Tuliimmo juwri vihmul , eigo i kunna mịata ole viärdä , eigo ni midä .
Siit mečäs päi kannuimmo ikkunịa da iče kui puwttuw nalịadiimmo da rubeimmo el’ämäh da kolhozịa rịadamah .
Kuokal kartohkuw kaivuimmo , labjul nosteliimo celinuw : eigo hebuw ollo ezmäžikse kolhozas , eigo ni midä , ičeväil künniimmö .
Kai pereživiimö , nügü parem rodih kolhozas .
Nügü rịadan ogorodnicanno , n’elle vuotto jo .
Toiženke susetkanke kahtei rịadammo , kazvatammo kapustuw .
Voinan aigah
Livvi
Kondushi