Texts
Return to list | edit | delete | Create a new | history | Statistics | ? Help
Kasken ruado
Kasken ruado
Livvi
Kotkozero
Kaskeh
näh sanon .
Kudai on bohatembaine , sanommo , spravnombaine , jo se menöw ennepäi , da se vịiberiw parembažen da zaimiw enämbäžen .
A kewhü tulet , sanommo : sidä pidäš , tädä pidäš , a vie tua pidäš , da vie hebo pidäš .
Hänele jo puwttuw posl’edn’oi sie mua .
Bohattu l’eikkai , kasardi paloloi , kül’vi aijoin aijal .
Kewhü se külväw i jäl’l’es .
Jo kai hänel’e kazvaw jo helpombaine korzigo i jüvägo , sanommo .
I keriäw jo tože samoi häi müöhembäh : hänen tabuaw vihmu , hänen šaižu , hänen kai .
A bohattu ?
Häi vuvven aiven ruadaw da vie ruadajua pidäw .
A kewhü se vie hänele [bohatale ] menöw ruadamah .
Vot kewhü se aiven i jäl’l’el’e jiäw , aiven häi oigiel bokal rambuaw .
A bohattu vai nowzow da nowzow , nowzow da nowzow .
A sinä se , kewhü , aiven sidä bohattua kuokit : omua se pidäš ruadua , a hänel pidäw pervoi očeret’ pomogie , äskin i el’ät , sanommo .
Puwtui omal ijäl ruadua kaskie .
Ezmäi pidäw kaski eččie , sit pidäw kasardua , sit pidäw l’eikata .
Ezmäi pidäw vot keviäl , kui lumi l’ähtöw , pidäw vierdiä .
Sit pidäw kündiä da viä kahtelegi kerrale pidäw kündiä , da sit pidäw astoija .
Da sit vie pidäw seiväs suaja , aijastu , vie ümbäri vet pidäw aidua panna , püstiä , eiku žiivatat süödäš .
Aidua et pannuh , ga paši borodoi dai stupai domoi .
Pelvas ezmäžikse kül’viä pidäw .
Sit jo roih kagrale , sit ozrale , a sit jo rugehele , sanommo .
Kai neče pidäw ruadua ...
A ku adral künnät : täs nostat – täh püstät , täs nostat – täh püstät , da vie ähkiäw täh l’ewgah pialuksel .
Sinul ei piä ni itkuw , muga küw n’äl’et l’ähtietäh .
Heitä ruado , päččiniekku tuatto oli .
Minun jätti nengomannu kündämäh : ka kačo midä käit ruatah .
A häi vai sie vel’l’en kel’e vai pajua annettih , päččiniakat .
Da vie heil’e rüwppü annettih .
A minä tiä kuival kokoil hirnakoiče hevon kel’e .
Mägräd’d’ärves olen kazvanuh dai täh ...no kuolendua ei sua tiediä , kuh kuolen .
Tädä , kačo , puwtui dobrua .
Kasken ruado
Livvi
Kotkozero