Texts
Return to list | edit | delete | Create a new | history | Statistics | ? Help
Kui nahkua pieksetäh
Kui nahkua pieksetäh
Livvi
Kotkozero
Vähäžel el’l’endän
tämän dielon ...
Kožownas nahkua luajittih puoli vuottu .
Nahku ezmäžikse kastetah , livotetah vedeh , stobi oliš märgü .
Sit pannah izvestih .
Izviestis joga päiviä pidäw händu liikuttua , kuwn verdu liikuttua : sit karvu l’ähtöw , liikkuw karvu i l’ähtöw .
Karvu pidaw ajua : moižet on veičet luajittu , karvan ajetah iäre .
Sit toine čura pidaw kiändiä .
Ollow lihua jiännüh sie n’ülgijes , net pidäw sežo ajua puhtahakse , mäzritä pidäw .
Sit jo pidäw panna händü parkivedeh .
Sie pidiä pidäw kuvvet suwtkat vaiku , parkivies .
Sežo l’ekahutella pidäw joga päiviä .
Sit pidäw panna l’eibäh .
Ühten nahkan kohtah obščoih pidaw olla kaksi funtua , sit kaikile koskeh odnovremenno .
L’eibü pidäw ennepäi varustua , muigei stobi olis , ülen muigei .
Jawhos luadie muijotus .
Sit hänes on op’at’ taki kuvvel suwtkat , sie l’eiväs .
Sit pidäw ottua sie i pidäw panna jo parkih , šuanah , enzikierdu kuluh parkih .
Ei parkivedeh , a kuivu parki külviä šuanas ei sangieksi , stobi toine nahku ku piäl’e roih šuanas , ga ei kasaiččižiheze toižeh nahkah , olis’ eriže .
Sidä piätäh kuw sit parkis .
Sit sie otetah , sit jo pannah toine parki kulun kere da uvven segai .
Tože sih luaduh .
Sit sidä pietäh kaksi kuwdu .
Konzu on pandu , se mustetah .
Sit se ühtes ollah , ga mustetah , konzu kudai nahku pidäw nostua , kudai pidäw järilleh panna vie kolmandeh parkih , libo nel’l’ändeh sie , kolmandeh , nel’l’ändeh ei pie .
A sit se , ezmäine nahku l’ämmäl t’oktil voitah , mäzrüčura .
Ei se , kudamas olihäi sie villat piästettü iäres , a mäzrüčura voitah .
Sit toine nahku pannah müös piäl’l’e sih : hüö ollah märrät nahkat .
Opät’ toine mugaže voitah piälpäi , mäzrüčura l’ämmäl t’oktil , ei hiilaval .
Hiilaval voit poltua nahkan , a l’ämmäl .
Sit nahkua možbut’ sie kerävüw kümmene libo kaksikümmen , kolmekümmen , kai ollah piäl’ei .
Sit hüö ollah suwtkat lattiel .
Sit heidü suwtkien peräs nostetah kuivah tänne .
Riputetah libo puwloil libo nuoril , mil tahto sie ülähän , kai eriže ollah toine toižes , ei olla ühtes , erize štobi oldaš .
Sit sie kuivetah hüö nedäli libo kaksi sie .
Heidü eihäl kuivata moižes räkes , a l’ämmin pomeščenii moine on .
Kuivetah , sit heidü ruvetah pehmittämäh .
Sie on moine luajittu , vrod’e stuwlat sanommo , hüö on randu i toine nenga vastai , vot tak [ozuttaw ] kakras ku käzi rowno : tämä on krugloi i tämä krugloi , nengoine keskuččaine on .
I stanku neče on pohjas sih kiinitettü , stobi ei l’ekkuš ni kunne .
Sit on pitkü vuagu moine , možbut’ metrii puoli kolmattu , sežo šuorei , hüvä .
Üksi agju pannah kiini mih tahto : libo muah , libo sih [lattieh ] sarual , kuz pehmitetäh .
Üksi značit pidäw täs käzil nahkua sidä , a toine painaw sidä toižel agjal .
Nahku se hüvin pehmitetäh , i kai nenga nahkat , mi on nahkua , pehmitetäh sie .
Häi roih pehmie , jo nügöi gu korvah i vie .
Jo nahkat ollah valmehet , jo voijah izändäl’e zdaija .
Tulow izändü poluččimah .
Sie on puwhižet pluaškat pandu .
Üksi pluašku sih nahkah jiäw , a toine on ičel , ižändäl , jesli minä zdaičiin , minul se koiš i on .
Tulen nahkua eččimäh , sie on sadoi da kaksiisadoi paloi kožownikal , minä oman l’övvän : ahah , pädi pluašku – se on minun .
Sih on luajittu ogalašet : kedä kohti , kedä viäräh .
Pluaškan piäh on nuaražet sivottu .
Häi on hallattu , hallennut puoli , palaine , se minul on , sit ogalaine on nenga , sih čökkiät – pädöw .
Vieras ollow , se ei päi : ogal ei kohti mennüh : libo tänne l’üöw , libo nenga l’üöw , a on minul nenga l’eikattu .
Sie ičei l’eikkuaw kožowniekku , pluaškan andaw minule ühten , a toine se nahkah roihezen .
Oman l’övvät seičas ...
Birku se on jo toižeh luaduh , se on mi tahto nelličuppuine .
Vot sit jo nügöi nahkan sen polučit .
Sit johäi hänes luajit suappaidu , libo midä tahto , sitgo nahkas sinä luajit pohjua , sitgo per’odua .
Midä müö nahku on : ollow raviembi nahku , ga sitgii andaw pohjua .
Selgüpuoles otetah ezmäžikse pohjua , peräpuoles – per’odua , a dostali , se siärekse otetah .
Tämä jo bokku neče on hoiskembi , sit otetah siärdü .
Vot sih luaduh nahku viiltäh .
Häkin da l’ähtemän nahkas luajitah enämbüöl’l’eh pohjua .
Se jo nügöi piäksetäh toižeh luaduh , puhtahas l’eiväs piätäh aiven pohjunahku .
I leibü luajitah , nenga sanommo , leiväkse , a häi on ruazmoi moine muigei .
Sil ajaw karvan , nahkan nostattaw ül’en sangiekse , pohjakse luadiw .
Kui ollow turbonow , sit häi azettuw ičepäivil’l’eh normal’noikse .
Sangiekse jiäw , hoikakse ei mene , se pohju .
Pohju se vaigu roih häkin nahkas da sit l’htemän , a l’ehmän nahkas jo ei rod’ei pohjua .
Hebožen nahkua sežo piäksetäh , sit roih i per’odua i pohjua , vai toštu luaduw pohjua .
Sit roih mäčinpohjua , a toštu sanotah volapohjakse .
A tämä on mäčinpohju – hevonnahkas dai toižen žiivatan nahkas .
Vaigu häkis roih vola , da siten l’ähtemän nahkas .
Se puhtahal l’eiväl pidäw ruadua , sih ei päi muw .
Lambahan nahkua luajittih jo erähäh luaduh , jesli turkikse .
A luajittih i suappainahkakse händü , siärikse , libo mi‿tahto sie hienombi , kindahikse sanommo .
Kažinnahkua libo sie jänöinnahkua piäksettih sidä sie jo erähäh luaduh , no sidä minä jo en malta sanua .
Kui nahkua pieksetäh
Livvi
Kotkozero