Texts
Return to list | edit | delete | Create a new | history | Statistics | ? Help
Minun eländäh näh
Minun eländäh näh
Livvi
Vidlitsa
Minä
menin An’n’ulah .
Müö elimö puolen kolmattu vuottu minun mendüü .
Elaigu oli hüvä .
Oli kaksi heboo , oli viizi lehmää (vijenden minä vein ), seičče hengee lammastu , vie oli počči , n’elli vazaa .
Sit d’älles sidä aigaa menimö kommuunah .
Kolme vuottu , onnaako , elimö kommuunas .
Pereidimö kolhoozah .
Siä annettih meile lähtemü tineh .
Minun ižändü gu ülen hüvin raadoi , sit d’äl’l’es sidä lähtemää annettih meile lehmü , a lähtemü annettih ižändän vel’l’el – Pešal .
Müö d’o perehtüimmö , lastu d’o kerdüi vägi tukku , lastu seičče .
Üksi kuoli voinan zavodindaa vaste .
Meile pidi lähtiä evakuaciah .
Lehmü vai puutui keral i počči dai net mennes pidi hävittää .
Lomut kai sih d’äädih .
Olimo , evakuacias Vologodskois oblastis .
Otettih ižändü armiah .
Minä d’äin üksinäh kuvven lapsen ker , nuorembi d’äi kuuzikuuhine , vanhin – kümmene vuodine .
Iče minä raavoin kolhoozas kon’uhannu .
Omaa emmo tiedänüh ni kedä .
A sit saimo tijjustaa müö rodit’el’at d’o martal , a aprel’al d’o ajoimmo sinne , maijal puutuimo d’o tiloilleh , sih samazeh Vologodskoih oblastih .
Siä tožosti raavoin kolhoozas : kezät ogrodas oovoššii kazvatin , a talvet kladovois sortirofkal .
Muga minä lapsii sod’eržin .
Siä olimo puoli nel’l’ättü vuottu .
Sit roodina väl’l’endettih , tulimo evakuacias kodih .
Minul oli ižändü armias , ga autoi minuu , d’oga kuudu tüönzi d’engaa vizinsavoin rublin .
Vie kodih tulduu tüönzi .
Kolhoozas minä en voinuh leibii lähtijes poluččia , minä net kodih tulduu i polučin .
Siä tuli minul sada kaksikümen kiloo ruistu .
Gosudarstvas päi minä net omas kolhoozas polučin , da vie kolmesadaa kiloo kartohkaa .
Kodih tulduu sih samazeh kolhoozah vstupimos .
Enzimäzen talven kačoin l’ähtemii keväessäh .
Keväel muutuin poččiloi kaččomah .
Sorok p’aatoil vuvvel pervovo aprel’a ižändü kuoli .
Enämbää ei roinnuh hänes abuu , vai penziän polučin lapsil sada vizikümen rubl’ää .
Sit vie kanoi kačoin puolentostu vuottu .
Minul vie počin poigu premiruittih , da vie kukki da kana .
Poččiloil minä lähtin ääreh , voimatuin .
Sil talvel en minä äijää raadanuh .
Fevralis kačoin lambahii .
Tuodih ülen huonot , üksikai päästih net .
Lambahat zdaičin , tossu pään dojarkakse puutuin .
Dojarkannu raavoin mennüt keväen maijas tämän vuvven fevralissah .
Minun eländäh näh
Livvi
Vidlitsa