Texts
Return to list | edit | delete | Create a new | history | Statistics | ? Help
Minä kačoin melliččee
Minä kačoin melliččee
Livvi
Tulmozero
Jovensun melliččee minä
kačoin kaheksatostu vuottu .
Vanhu melliččüniekku Jegorov Ivan tämä kuoli , meni rattahah tricat’vos’moil vuvvel .
No mel’l’üččü seizomah jäi , melliččüniekkaa kolhozas täs ei ollut mostu .
Sit minä melliččee rubein kaččomah .
Minä kačoin kaheksatostu vuottu ühteh palah .
Gu nügöi täs solhozu stuppih , sit levitettih eeres , kivet alah tüöttih , kai riičittih , melliččü enämbee ei raa .
No konzu meil melliččü raadoi , raadoi hüvin : meni sada kiloo čaasus ruistu .
Konzu meil kivi raadabo , jawhoo , sit müö pahmahat , petkelet , značit , nostammo üläh , sit ei survo : kahtu kerras ei ratas keendännüh , ei olluh voimaa muga : veziratas oli pieni , ei muga suuri olluh , vezi ewllut peeliči menii , a alači menii oli .
Sit , konzu oli jawhomistu , müö krugom sutkat jawhotimmo mierol jawhomistu , üöt-päivät pidi jawhottaa , postojanno kivi raadoi .
A konzu ewle jawhomistu , tüönämmö pahmahat survomah üökse sie .
Kačot on vähä jawhomistu , päiväs mennäh jawhomizet lopuškat i tüönnät kai kaheksan petkeldü survomah üökse .
Survoo šipakkoh , ravieh survoo , hüvin , kergie vai kirvota petkel .
Toiči sie murenoo ratas tämä , kudai kivee püöritteebo .
No , a sit remontu pidee pidee .
Kembo tuloo kohendamah ?
Ičel pidee , iče i pie remontaa !
Muis et äijee triebuiče .
Nenne peigalot , seeret , lipat , rattahat – kai , midä tuli , panin iče mondu kerdaa .
Podjom on kudai nosta pahmastu , petkeldü , se on podjom , a liippu on vezirattahas , on nenne lavvat pandu , ne ollah liipat , niih vein panoo , išköö liippah , značit .
Sit kai ratas krugom on liipatettu , kahtu vaaksaa väli i liippu .
Plotin eullut lähil , meil pidi melličäs päi kävvä vägi palal , sada metrii , plotinas päi vein laski kuurah , kanaavah .
Konzu salbaat vereen – enämbee ei raa melliččü , vereen avaat , vein lasket – raadabo .
Minä kačoin melliččee
Livvi
Tulmozero