Texts
Return to list | edit | delete | Create a new | history | Statistics | ? Help
Endine svuad’bo. Kizat
Endine svuad’bo. Kizat
Livvi
Syamozero
Kizua : kadreli , länsi , ristukondru .
Ristukondrua tožo Suojärvil kizattih ga
, tiä kizattihgi d’älgimäi .
Semmoiset kizat : bes’odah ku mened , ezmäizikse sowdin .
Sowdin vediä pidäw : käveltih täz lattiel .
Briha zavodiw sowdinan vediä , sid n’eidizel pidäw briha ottua , kenen otat sowdinah , kenen ottanet , sit se roiteh sinä illan sinun puaru , da sidä l’uubid vikse , sit se briha ottua sowdinah .
Sit sowdin veitäh , sit kizuamah , velgoi maksamah .
Se roiteh ku velgu , sowdinah ku ottaw .
Sit velgu maksetah , da sidi kizatah üksikai kai aigu sit , ken vällinäine on , a ken puaroin kel , ga sid istutah lauččoi müö , briha da n’eidine istutah lauččoi müö bes’odois , semmoized bes’odat .
A kezäl kui d’armanku , ga pihal .
Simananpäivü konzu oliga , Simananpiän oli Ol’koilaz d’armanku , a tossupiän simananpäiväs tiä , täs küläs , pogostuküläs , tossupiän simanas .
Kaksi päiviä pruaznuittih ühtend’ütüi , kui simananpiän , mugai tossupiän .
Ei niken nikunne pošti l’ähtenüh , ku kel ei lienne kiireh äijäl olluh , kaksi päiviä pruaznuittih simananpäiviä .
Ga sid omah kül’äh annettih vahnal brihal .
Ei enämbi sanua annettu valdua sanua .
Taloi , üksi taloi keskie , kolme taloidu i oli , riädükkäi olimmö , minä n’okal , toizel n’okal menin .
Uuzi kodi oli d’o luajittu , nostettu oli jöngöi ühteh tukkuh , vai kui eulluh muas’terdettu da ni päččilöi eulluh , da ni ikkunoi da nimidä , vai kui nostetu oli , seinäd oldih .
A sid minun mendüü uuzi kodi valmistettih .
Muite minä , hoz Ofоn’an Vas’a se vahnu briha oli dai , üksikai häi oli briha ewlluh paha , vinan duou oli , d’uomari oli nu toriz eulluh .
Niidü , sidä sluavua ei olluh , što häi on kus tahto pahal tolkul , ei olluh .
Saldatannu sluužinnuh oli .
Niidü minä nimidä en , anna oli midä tahto .
Ga pereh oli suuri !
Eruomaz oldih , hoppu , hopunalaine pereh oli .
Nuorembi velli oli nainnuh ennen .
Lastu oli jo nügöi nuorembal vel’l’el , minä konzu menin ga , viizigo liennow olluh; üksi Okki , toine Paša , kolmas ...Peša , D’ohor , Mappi .
D’o oli lastu , viizi lastu oli d’o minun mendüü .
Nu a sit sanomah ruvetah , Vas’a se sanow , briha , vahuu briha hoz oli , minun ukko se , vahnu briha ga : "Nengostu perehtü süöttämäh emmo rubie , iäreh eruommo ".
Da sit kümmene n’edälie minun mendüü oldih ühtez dai erottih .
Tata da mama , buat’ušku da muatušku miän kel l’ähtiettih , nelli hengie rodih pereh .
A küdü se , veikoi , oman perehen kel .
Meidü bokkupertih , mustu päčči oli , pertih , uuzi kodi oli valmistamattah , pertiz oli mustu päčči , veikkoidu bokkupertih , meidü mustah päččih .
Mama ei l’ähtenüh bokkupertih .
Bokkupertis oli valgie päčči , ga ei tobd’u perti olluh .
Sit kodi valmistettih , uuzi kodi , uuzi kodi l’ähti erotez Vas’al , vahnembal vel’l’el sil , a nuorembal d’äi kulu kodi , se huonuksed dai kodi .
Sit kodi valmistettih da sid uudeh kodih el’ämäh menimmö .
Venčal olimmo da sit proijittih net tervehtüsstolad da kai , sit püörittüizil .
Ga omas kül’as ku oli dielo , ga ei loitokse kävvä pidänüh , olimmo , omas koiz olimmo üödü .
Endine svuad’bo. Kizat
Livvi
Syamozero
Старинная карельская свадьба. Танцы (‘игры’)
Russian
[