Texts
Return to list | edit | delete | Create a new | history | Statistics | ? Help
Endine svuad’bo. Vie n’eičutkül’üh näh
Endine svuad’bo. Vie n’eičutkül’üh näh
Livvi
Syamozero
N’eičutkül’ü on
.
L’ämmitetäh kül’ü n’eidized i , hallot tuvvah .
Ei d’o käil sua katkua , da ni käil katkotud hallot eulla , kirvehel l’eikotud ollah .
Minä ičegi l’ämmitin , dai sidä kül’üvirtü itkin minä , minä olin , kül’üvirtü itkin .
I nügöi maltan , en d’o rubie briilumah , nagretah , toizes pertis on , on , kül’üvirren minä maltan , pitkü , kai kui itkie .
Sit kai hallot kui itkie , ga pitkü on : "Halguo , kačo emmo l’ämmittänüh peigoized ni pedäjäizil halgoizil , ku ei rodieta sinulle ...".
(Vuota nenga davai sanojen , sanojen sanon ).
Püördünüot , (?) toimmo viernoid viestizet ,
Kuldoi kassoin kandajad lämmittelimmö
Läwlemäizeni l’ämmät kül’üizet ,
Dostal’n’oit , posl’edn’oit kül’üizet
Sinun valgejien valdaizien olles .
Emmo l’ämmitel’l’üh , leinäizeni , leppäizil halgoizil :
Ku ei rodiete ilmoin livutettuloin keskeh mendüw
L’einanaluized elaigaizet .
Emmo l’ämmitel’l’üh kurd’aizet ni koivuizil halgoizil :
Ku ei rodiete ilmoin kuvamien keskeh mendüw
Kručinanaluized elaigaizet .
Emmo l’ämmitel’l’üh , kurd’aizeni , kuuzizil halgoizil :
Ku ei rodieta ilmoin kuvamien keskeh mendüw
(Toizen kerran sanon tädä "kručinanaluizil ").
Menimmö , kuldoi kassoin kandajat ,
Soberimmokseh üksih sodaizih ,
Menimmö üheksiz merüizis piäliči ,
Kümmenenzil merüizil .
Kümmenenzil merüizil oldih tundo-spuassaizen
Tuluizien ajetud vessel’äd vezihagoizet .
Toimmo , vierdünüöd , vesselie vezihagoizie ,
Kurd’aizet , kanzan kädüizil katkoksendelimmo ,
Anna roiteh ilmoin kuvamien keskeh mendüä
Kummakkembad elaigazet .
Sie oldih üheksien merüizien tagan
Kolme ičerodinnuttu rotniekkastu
Sie toimo sinun valgei valdaizie pestä
Vesselie vedüizie .
Ezmäizes rotniekkaiziz oldih vaskized listaized livailtud ,
Vaskizet kruškaizet kumailtut .
Emmo otelluh ni niiz rotniekkaiziz vesselie vedüizie :
Ku ei rodieta ilmoin vualimien keskeh mendüü
Vahingon aluizet elaigaizet .
Toizez rotniekkaizez oldih hobjaizet kruškaizet kumailtu
Hobjaized listaizet livailtu .
Emmo otelluh ni niiz rotniekkaizis vesselie vedüizie :
Ku ei rodieta ilmoinaigomien keskeh mendüü
Huolenaluized elaigaizet .
Kolmanded rotniekkaized oldih kuldaized listaizet livailtut ,
Kuldaizet kruškaizet kumailtut .
Ottelimmo vierdünüöd niiz rotniekkaizis
Vesselie vedüizie sinun valgejie valdaizie pestä :
Anna roitah ilmoin kuvamien keskeh mendüü
Kummakembat elaigaizet .
(Vot kül’üvirrez on nämät sanat ).
Vai kui n’evestä kül’üh ku rubiew menemäh sid n’eidized mennäh .
Vezi on d’o luajittu , l’ämmin vezi , sid n’eidizet sil’mät pestäh .
Sid n’evestä sit pezieteh da külvieteh da sid n’eizkül’ü .
Kai pürrittäw : "L’äkkiä , l’äkkiä , l’äkkiä pezettö sil’mat , l’äkkiä ühtez minun kel , läkkiä pezettö kai !"
Pürrittäw n’evestä , el’etäh ku hüvin , hos kudamas kül’äz n’eidizet kačo ühtez el’etäh da hüvin ga , hüvän elaijan täh vai , nu hüvä elaigu se kai muga , pagin menöw sen hüvän elaijan täh .
Ježeli ei hüvin el’ettäz ga , ole hos kus , ga miksebo pidäs .
Hüvin tütöt el’etäh hüvin kui ga , sen täh .
Endine svuad’bo. Vie n’eičutkül’üh näh
Livvi
Syamozero
(
Старинная карельская свадьба. Ещё про девичью баню
Russian
(
(