Texts
Return to list | edit | delete | Create a new | history | Statistics | ? Help
Endine svuad’bo. Sijan kačondu
Endine svuad’bo. Sijan kačondu
Livvi
Syamozero
Sijua
kaččomah käwdih .
Heimokundu käwdih : diädin tuli , Krisun n’eveskü da sid i Peša-diäd’än tuldih da sit prikazal , se on prikazal , d’o nügöi .
Dälgimäi miän nügöi sanottih , a ennen «sijua kaččomah », livvikse ga sijua kaččomah , a prikazal käwdih .
Muuz jo tiettäz elaigu , hoz i vuoht’ärviläizet tuldih diädinäd da diäd’ät , Ofon’an elaigu ga , kaikkie tobdin on .
Kui gostitetah , priglasitah kui , kui otetah , a sit sija .
Sijan kačondu on se kaikkii vuažnoin dielo , kaikkien vuažnoin aigu , midä sit tvorieteh , kui svuad’ba se zavodieteh , a se on prikažindu : se svuad’ba ku luvatanneh iel’l’eh ga , sit sijan kačondas , prikažindas roih iel’l’eh svuad’ba .
A ku ei voidane sobie (sie libo lahd’oi , libo annandoi , libo midä sie ženihöin čuras kozitah ) nu sit prikazal ollez i svuad’bu eroitetah – tullah ga , ewlo kelloloi vembelis : d’o ei roite svuad’bua .
A ku svuad’bu roiteh , sit kelloloiz ajetah , sit kellot vembelis , sijua kaččomas päi ku tullah .
Meijän ei pidänüh hevol kävvä , vai kui tuldih Vuoht’ärves päi , d’o kui svuad’bu oli lujattu , ga kellos tuldih , a üksi taloi keskie oli : omah kül’äh menin ga sid i .
Konzu kui l’ähtiettih ottamah , tulemah ruvettih , üksi taloi keskie , meih sinne tullah .
Sid olgie varustettih kül’äh , kaikkeh kül’äh , heijän pihas päi da miän pihassah , olgie čurah-toizeh dorogan , olgie .
Ottajat ku ruvettih tulemah , sid olled viritettih .
(A se n’eisstola on , sid n’eidized ümbäri meiz istutah da pajatetah ).
Sid minä kaččomah kai menin peräčupun ikkunah kui ollet paletah , keskučaz astutah , ned ottajat tullah , astutah .
N’eveskäl , sil minun käl’ül , rozovoi villaine paikku piäz oli , ezmäizen kerran pani paikan piäh , üksikird’aine paikku oli tobd’u , hüvä paikku – kolme lowkkuo paloi paikkah .
Muga olgiloiz niis küvendü l’ükkiw , küvendü – sit täwdenäh , muut sovat ei muga varattu : küvendü oli ga , toko pühkitäh kübeniä , toko pühkitäh , a neveskäl kolme lowkkuo paloi , toko musteli !
Požuarassah ei (laskieta ), ottajad ned astutah , a sit sammutellah lumeh topčitah niidü , nenii olgiloi , štobi sammuttaz iäre .
Požuarua ei , požuarassah ei laskiettu , a miän oli äijü olgie .
A sid ...ženihiä pidäw kaččuo .
Vie kol’čaine on käiz n’evestäl venčah niškoi , a Vas’al eulluh kol’častu , Vas’al oli vie minun kol’čaine , ukol minun .
Minul oli kaksi , üksi minul , a toine pidi ukol andua .
Sit ku tulemah ruvetah , sit pidäw l’äbi kol’čaizes kaččuo ženihiä nečiz ikkunas , l’äbi kol’čaizes pidäw kaččuo .
Minul käskiettih kaččuo l’äbi kol’čaizes .
En tiije mikse se käskietäh kaččuo , ved minä sidä primiettiä en tiije .
Sanotah rubiew parembi kundelemah akkua , kui l’äbi kolčaizes näit ženihän ga , läbi kol’čaizes ilmua ei äijiä nävü !
A astujad nävütäh , täs kačot nenga ga , nävütäh astujad dai kai da ženihü , muut se nävüttaheze libo äldähez , a ženihü se pidäw vai nähtä , se pidäw vai nähtä , l’äbi kol’čaizes pidäw kaččuo .
Pandih pieluksil .
Pieluz n’evestän , kudai l’ähtöw priduanoikse , sil pieluksel .
Konzu kui otandustola on sid ewle , ewle , kuni vai ei n’evestä roite ženihän kädeh .
A ženihän kädeh ku roiteh , sid d’o pieluksel istutah .
Venčas konzu proijit , sid venčas päi kui tulet , d’o pieluz on varuksis suuresčupuz lawčal : istoi sih , n’evestän da ženihän sija se on pieluksel .
Pieluksed oldih enne ei nengoized , a suuret , kahten muattavat , ei oldu n’elličuppuizet .
Nengoizii i olluh , ei ennen n’elličuppuizii pieluksie .
Sit pieluksel istutetah , siit stolan tagan on pieluz d’o valmehekse , se vai ku n’evestän pielus , n’eidizen pielus , ei ženihän , a n’evestän .
Venčal l’ähtet kui ga , pieluz on kreslois sie , venčal kävvez on pielus perzien ual .
Sit pieluz d’öngöi sarail päi otetah valmehekse dai kowhotellah , puistellah , dai d’öngöi on stolan tagan lawčal pielus , d’o vai d’aksattoz da menet pieluksele istumah .
D’o nügöi vai ku tullah ottamah da sid vuidaijah , vuidačuz on , vuidaijan kui , sid enämbi d’o n’evestän čuraz ei äijie kačahtetahez .
Sid d’o ženihän čura , sid d’o ženihü nenga viettäw venčal matkuat , ei laskieta nikedä rinnale , keskiči , keskiči nikedä ei laskieta .
Endine svuad’bo. Sijan kačondu
Livvi
Syamozero
Старинная карельская свадьба. Смотрины места замужества
Russian
(