Texts
Return to list | edit | delete | Create a new | history | Statistics | ? Help
Külän časoune
Külän časoune
Ludian
Southern Ludian (Svjatozero)
Küläz oli
meil časoune , ainos sih kävuttih meidem muštamah dai endevahnaz dai kai vahnad i nuored i kai igän kaiken , kuni ei hävitettü časounat .
Mändäh nuoret , storožat zvoniu , pappid ielnu [= ei olnu ].
Siit kerävütäh sigä : kengi molih , kengi midägi virkkau , ei virketä .
Oli storožannu enzimäi Ondr’ovan Vas’a oli , siid Vas’a se kuoli .
Siid oli Mačči , Mačin d’älgeh oli St’opin D’eša .
Siit St’opin D’eša lähti iäre , ku lähti sinnä d’o neččih kolhozuoih da kai ei rubennu häi .
Siid Ontuoi oli .
Se oli moine starikke , udaluoi starikke oli .
Mänöu kirikköh , časounah , zvoniu , siid malittut panou sigä miitutte hänele , armiis kous sluužii .
Jekorouskuoit [jekorouskuoit ~ georgijeuskuoit ] kristat siid miitutte sigä panou .
Akuoile huvä mieles : Ontuoi malittut panou .
Siit ku lapsi (minuv ) mänöu sinnä , rubetah midä šuhetammah libo iäres staruuhad ajetah : ”Mängäd iärez , mängäd iäres !
Štobi midä t’üö siid mešaitte meil !”.
A üks oli neičükke , ainoz häi l’uubii hebol ajata [ajata ~ ajada ], D’el’akse kirguttih , Tereńt’evän D’el’a , hebuoil ajelou , kai nu , ainoz hebuoid l’uubii käveltä .
Uste tüöndeli , tüöndeli časounaz , edelleh d’ärilleh tüöndeli , tüöndeli , kirgu : ”Foo , fuu ”.
Ku akad davai hänte čakata , provodittih iäre časounas lähti .
Nenit sanov : ”Vie tüötäh ”, sanou : ”Časounah lapsid vai meid riähkih kaimatah ”.
A ken starikke l’uubii , ka kävüttih .
A ken ei l’uubinu , ka sanou : ”Ka emme midä müö časounah mäne .
Druk mi kadogah , sit sanotah vargasti časounas mintahto ”.
Rugan Peššad ainoz muštelttih ”End’o ”, sanou : ” lähte igässäh ”.
A siid d’o d’älgele rodiiheze , kačo , enzimäi еi olnu papiit , pappi tulou vai ku pruaznikas pruaznikkah .
Kouz on pruaznikke , časounah sih zvoniu da storožan ker kävüu da d’eńgad muanittau .
Da ottau , da lähtedäh iäre .
Siid d’o d’älgele oli , [Nemende ] poige rodiiheze .
En tiä , oligo pappi humalas dai storoš se , lähtedih časounaspiäi , rubeži pappi küläd müöti kävelemmäh .
A Kindahan oli mužikke , pruaznikal Pelduoižis Kevädd’ürgi oli , davai .
Ehtii taluois toižes proidii , kolmandes pappih ku tartui : ”Sinä ”, sanou : ”Midä kävelet , darmojede , küläd müöti da soberid da ristitüižid vahnuoid niärittelet ”, sanou .
Pappih käzin , papil riäsäs seet [seet = siit ] trässiu .
Pappi ni midä virka ei iäre kirguu , storos se sanou : ”Olgat päivilleh !”.
” Ei minule päivilleh ! D’ärveh lükäidän necen ”, sanou : ”Papin anda siga , loppih hot’ hänen kuru ”, sanou : ”Papiit štobi ei oliiš ”.
Siit St’opispiäi akad ned Pühärven hüpnittih da otettih pappi kun sinnä pirttih [pirttih = perttih ] piäzi iäre .
Eikä mužikke hänen trepainnuiš , d’ärveh vedämäz oli pappil [pappil = papil ] hengi pakkunuiš .
Külän časoune
Ludian
Southern Ludian (Svjatozero)
Деревенская часовня
Russian
[
«