Texts
Return to list | edit | delete | Create a new | history | Statistics | ? Help
Lähiküliden eläjiden nimet
Lähiküliden eläjiden nimet
Ludian
Southern Ludian (Svjatozero)
– Midä
rodu eli Čarniemez , muštadgo ?
Ka tožo , eli (muštan vähäižel kouz minä d’o kačo mänin heile miehele ) ka nu muga kalat suadih da hresjansvat , peldod vähäine niitetäh da külvetäh da üks oli vel’l’este kaks oli Fed’a da Semuoi .
D’agettiheze ühtel lehme toižel lehme da siid hebuoi miehele vai siid eletäh .
– Kui heidän rodud sanottih ?
A muid rodud eini olnu .
Sižär oli heil sigä Sürd’äz miehel oli , Sepän se ...ei Sepän , nu Sepän Ignat’ouna se tütär se , vahnemme (vahnemme ~ vahnembe ) minum muatuškad oli Sürd’äs miehel Trikus .
Sem muštan tožo .
Vastai kävüimme gostih da kai a muid ei olnu .
Vie eräz oli sizär da lidaz (lidaz ~ lidnas ) oli miehel , entiä miittumal , sidä en nähnü .
Dašaks kirguttih ...muatuškan sizär , lapset kävüttih meile sih minud enzivuoded ol’d’i gostih .
A en tiedä kel oli miehel .
Se oli nuorin sizär , lähti kuharkuoimah lidnah da siid sigäi miehele mäni , tägä , Petrovskuoil .
– Keda rodud eli sigä Čarniemez ?
Sepinät .
– Sepinät ?
Sepinüöikse kirguttih .
– Kaks vel’l’ste ?
Kaks vel’l’este oli , Fed’a da Semuoi , Sepinüöikse kirguttih .
– A midä rodud eli Sürd’äs ?
Sürd’äz oli .
– Pühärves ?
Pühärven Sürd’äz oli Trikuks kirguttih , tožo bedn’akat .
Oša se sie oli miehel , Trikuit tožo kaks vel’l’est oli Fed’a da Vas’a , Oša se oli Vas’al miehel .
Nu da lapset kačo rodittiheze muid ielnu roduvehid ni kedä .
Bedn’akat , toko ainos salvettih da nenile bohatuoile niitettih da muga elätettih lapsit .
– Nu midä rodud oli Püharves , pogostal ?
Miitutte rodud ?
– Kedä rodud eli ?
Se Sepinüöiden vai ei , vai kaikki ?
– Kaikkid !
Nu ka kaikkid oli siid oli bohatuoid dai keuhid oli dai kaikkied (kaikkied ~ kaikkid ) oli .
– Sano famil’aid ?
Sanottih ol’d’ih Balahonovad , Ort’uoin ol’d’ih , Fal’kinan ol’d’ih , Demeššinäd ol’d’ih .
Nu siid enen oli , ned ol’d’ih bohatembad vähäšte nečen Veškel’sküöid ol’d’ih Remutorat .
A bedn’akuoid oli : oli Petrakovan St’opa oli , siid e On’ka oli , net Petrakovat , bedn’akuoit .
Nu siid oli Vasil’ei Pavlovan Fed’a , Devs’ejevad ol’d’ih tože ei bohatat , nu siid oli nenis , Barduoiniemez elettih , Paušuoin D’ešan , F’odoran .
Muštan ned ol’d’ih vie kirikös storožannu ol’d’ih .
Kai d’o zavodiin käveltä häi , neidižed ol’d’ih ühtez neidiščimme , ühtes kävelimme pruaznikuoil , kai aijan .
Nu a siid e siga kačo Mois’s’ain ol’d’ih , Pešin ol’d’ih , siid nečen Dutikovad ol’d’ih , kai ülen äijäm muštan niilüöid Püharven nenit .
– Nu a kedä eli Lidžmis ?
Lidžmiz eli tožo Zaharovad elettih , siid elettih Lidžmil , oi , vai oliiš sanodaem mušta , Savas’s’anad elettih , siid eli Nazar’ein elettih , Akiman taluoi oli Lidžmil .
Tožo pruaznikuoile kävüimme sviižuoile , sinnä gostitettih .
Siid (nečenn ei sua kaikkid muštada ) Kudr’ašovad ol’d’ih .
Em vuoi kaikkid muštada .
Sinnä kävuimme , äj oli .
A nügü kačo unohtin , em voi muštada kaikkid rodovehte .
Tožo mänet , ka gostitettih , ühtez kävelttih Lidžmin net neidiščimme brihaščimme kai pruaznikuoile .
Siid oli Buharčče St’opikse kirguttih .
Vähäižel häi torguii vie pruaznikuois , kouz midägi kanfettad da niittid da l’entočkad da kai .
Buharčakse kirguttih St’opin taloluoil sigä Lidžmil .
A kaikkit nu oli küläz mouže kolmekümen taluoit k ei sua kaikkid muštada , net muštan , kudamad on .
– Muštadgo , kedä eli Hedotištos ?
Hedotištoz elettih Sem’onovad , bohatt oli se Sem’onovat , kuulužad ainos forsunad da kai Sem’onovat nu da .
Sigä Nazar’ein tožo elettih da siid neče eli ...
Oi , kui sanotah d’oi em voi , em voi muštai eräs , Nazaŕein taluoin sen enohüvin .
Piiriččü Mačakse (Mačakse ~ Mat’akse ) kirguttih , tožo sid eli häi Hedotištoz i Palatezd’ärvez eli , Palatezd’ärvez oli kodavävünnü , nu a nečiz oli männü Hedotištospiäi .
Sinnä mani se Piirič Mat’aks kirguttih , Isakan Mat’a da Piirič Mat’a da a (se ainoz Piirič Mat’t’ad minä muštelen ), meil bokkperttid azetti .
Da siiten nenid azui ikkunpielid da uksit pani da kai Piilič (Piilič ~ Piirič ) Mat’a .
Se oli Hedotišton eläi .
Nu a Kikiz oli pieni küläine tožo ei loiton Hedotištos .
Sig ol’d’ih Maksimovat da üks pošči taluoi oligi ...Maksimovad da toin oli oi ...Savas’s’anakse tožo kirguttih en tiä kui sigä , sidä taluoid emmušta .
A sih oli Maksimovah männü , minä muštan meiden küläs , Ošakse kirguttih Arhipan Oša , sit Kikiz oli miehel .
Kaks taluoid oli .
– Nu a Präkas kedä eli ?
Präkäs kač oli meil ku lähin oli kai muštan .
Eli enzimäi Mačč eli , Gamam Mačči , siid eli Savan Il’l’e , siid eli Savan Peša , net kai vel’l’eksed ol’d’ih ühtes .
Siid eli Paušin Iivan , Kondruoin Peša , Kondruoin Ondrij eli .
Sepän Vas’an el’ettih hüö ei d’agettuhes , üks taluoi oli , a Paušin d’agettiheze .
Oli kolme vel’l’este nel’l’ , d’agettiheze; kaks vel’l’este ühtez ele (ele ~ eli ), kolmaiž vel’l’ež lähti eriže .
A siid oli Lekki , se mäni miehele , Iudišnäks kirguttih , Sürd’äz otettu en tiä kunna .
Ondrii , Puavil da sid Miša elettih , Ondrii da neč oli Ivdišnän mändih (bielombiin ), d’iäi üksin elämäh .
A Miša da siit Puavil lähtedih , osobi elettih .
Puavil oli Poštaz nainnu , F’odorovna oli mučuoinnu , nel’ last oli .
A Miša oli Sepäz nainu oinas küläs Präkäs .
– Kuibo oli heil familii ?
Kel , Sepät ?Vel’l’il ?
Ka nene ol’d’ih , kui heit sanotah , F’odoro ei F’odorovakse , entiä kui oli familii sen muštan .
– Nu kui heidän rodut sanottih ?
Ke Paušši , Pavlovi , vod zapomnila , Pavlovikse sanottih , se Paušin Pavlovi , nu dai Iivanad dai kai .
Da siid oli Serguškan Iivan , Serguškan D’ohor oli , tožo bedn’akad elettih .
Siid oli vie Art’uoin starikk eli emmušta miituin oli , tüttärid daa poigid muštan , a starikan sen d’ oli pitke moine , kuz oli nainu sid em mušta .
Nečikse kirguttih Art’uoikse Biel’kinäkse .
Art’uoin Vas’a , Art’uoin Vas’a .
Enämbi ni olnu ei taluoid , ned ol’d’ihgi Präkäs .
– A Melličäs ?
Mel’l’ičäs tožo ...
Kačo ku müö sinnä kävüime harvah , muštan ol’d’ih D’evs’ejeväd , da siiten , nahkat hüö ku piestih , D’evs’ejeväd .
Da siid Danilan Osippe oli , da siid Danilan Vas’a оli .
Nüg ei äijäd ni taluoid olnu kolme vai nel’l’ , entiä mi oli net , ned muštan .
– Simaništos ?
Simaništoz oo , em mušta kaikkit , Simaništoz muštan vai oli Larionovad ol’d’ih , siid oli Peša , nu siid oli Il’l’am Mikittü , sem muštan .
Siid oli Čuurukaššalit kirguttih , tožo pereh suuri , äi neidište brihat .
Üks oli poige nainu Kaškanas , toin oli nainu nečis Paulas (Paulas = Palvas ?), ned muštan eno hüvin .
Nu siid Ar’um Il’l’e oli , siid oli , Törön ol’d’ih , Tinačovad ol’d’ih , ned muštan eno hüvin .
Siid oli Kostin taluoi , Kostin taluoih vie müö kävüimme gostih da kai ühtez olimme .
A erähit , suuri külä , ei sua kaikkid muštai .
A kudamad muštan ka net sanon kaku točno kai ol’d’ih .
Sid Kandibinan (Kandibinan ~ Kanderinan ?) Iivan oli vie sigä ühtes poščišto kävelimme .
Niimägez nainu oli .
Akal oli Oksen’n’e nimi , ühtez neidištimme , Kand’erinan Iivanan , siit kačo häi kuoli vot .
– Nu ä Vašakas kedä eli ?
Vašakaz eli , oli Pedrin taluoi , siid oli Kažin D’änüöin , D’er’emöväd ol’d’ih , Trofiman ol’d’ih .
Siid oli vie Mokin taluoi sigä oli , Mokin taluoiks kirguttih .
Nu a sit tägä entiä kedä oli Kohtpeldos sigä , üks se Vašakk oli , ka Kohtpeldokse kirguttih .
Larikse kirguttih da kai .
Nu a sigä eisua kaikkid muštai ku virstad on kuuz da seiččei kümmene kesket ka .
Erähid muštad , a erähid ei sua nit .
– Nu a kedä muštad eli Kaškanas ?
Kaškanaz eletti , Bajarin , siid elettih Rodionovat , sit nene elettih Možaalinat , siid elettih vie Turkinat .
Siid vie ol’d’ih bohatuoikse kirguttih net , oi kui ?
Emvoi sidä sanat (sanat = sanoda ?) nu Rodionovat sanuoin ?
Emvoi sidä muštai kedä sanottih sig ol’d’ih Bajarid da kai , prikaššikat seižottih .
Niilülöil (niilülöil = niilüöil ) vie müö podvodad vedimme sinnä kävüimme Kaškanah , nu a muštada em voi kaikkit famil’uoid loittuoine om matke ka pitke .
– Nu muštele , kedä eli endevahnas Priäžäs .
Priäžäz eli endevahnas muštan elettii , ol’d’ih Habukan , siid ol’d’ih Larin .
Tožo Priäžäs kävüin neičükännü pruaznikuoile .
Siid muštan , siid oli Mit’uoin taluoikse kirguttih Ondrii oli sigä da entiä toižel mi vel’l’el oli .
Siid oli Stoikin Akiman taluoi , Petunovan oli , Siškinan oli , siid oli Krilovuoiden taluoi , kai ned muštan .
A siid d’o tännä lähtede , Petrovskuoilepiäi suuri külä , siit Savas’s’anan ol’d’ih , Nazarein ol’d’ih , Zajecovan ol’d’ih .
Ned d’o minum muštamah bohatad butto kaku d’o moižed e keuhälištöd ei ni čitaittu , ned bohatad .
Siid ol’d’ih Filimonovat , Kuz’m oli Šinduoin .
Nu a siid d’o tännä lähted vie lidnahpiäi ka oli nečen Pedrin Van’an , Harittanan Lukan kodi .
Sida n’ečen oli ...Šmuran kodi oli , siid Velislajevan oli , Hot’ein oli .
Äijäm muštan a kaikkid ei sua muštuoittai Priäžäs siit .
– Niimäges kedä eli ?
Niimägez oli , Prokun taluoi , siid oli kolme vel’l’este .
Siid oli Platuoin D’eša , siid oli Mokin taluoi , siid oli D’evs’ain taluoi , siid Lobin oli da Pirduoin taluoi .
Nu enämbäd vähäi oligi , ei suuri külä oli .
Ka net točno muštan kai eno hüvin bohatištot .
– Nu viego muštat kedä Kindahaz eli ?
Kindahaz vähäm muštan .
Kindahaz muštan vaiku oli Maksiman taluoi da sit Stafein taluoi .
Nu da siid oli Fen’a-t’otkakse kirguttih , sidä tožo emmušta da siid nečen oli , Tiitan D’uakuoikse kirguttih , Tiit , Tiitte , poig oli , D’uakuoi .Ned hüvin muštan .
– Nu a Riiselgäs kedä eli ?
Riiselgäs kävüimme sinnä niituile ,ka kai muštan , oli Osipan taluoi , siid oli Bobakse kirguttih , Ignuoin taluoi .
Smislovad ol’d’ii , siid oli Lukin D’oška , siid Ontuoin taluoi oli .
Siid oli L’evuoin taluoi tožo , kolme vel’l’est oli : Semuoi , D’uakuoi , Iivan ol’d’ih .
Net kai ühtes .
Nu enämbäd eini olnu , pieni oli .
Ontuoin taluoi se Karpan Peša oli sigä nainu , muštan .
Ei äijad ni taluoid olnu .
– Nu a toižis külis midä vie emme maininnu ?
Ka loitoks sinnä minä kačo Nuožarveh en kävünü entiedä .
Proidiin vai k ühten kieran , nu a ed häi sigä kolmekümen virstad on kesket .
Ka kuz on miittumad oldah taluoid da kai , a kudamad oli täs Siidniemez da kai da Simaništuois ka net , kävüimme vastai da pruaznikuoile ka net kai muštan taluoit .
– Siidniemes kedä eli ?
Siidniemez elettih , Räbin eli , siid eli Hot’ukke eli , Mačin Semuoi eli .
Siid Mikitün taluoil Ontipan ol’d’ih , nečen oli , oi Abrum Miša , siid oli D’en’oška , net kai muštan , Mačin Iivan oli , Hur (t )inad ol’d’ii tožo , kolme vai ńel’l’e vel’l’este lienov olnu .
– A Hris’s’anas kedä eli ?
Hris’s’anas tožo vähäm muštan , Širokinan taluoin vai muštan , da siid Ar’t’uoikse kirguttih , Ar’t’uoin akke , ned muštan; Ar’t’uoin akkad daže nägin .
A Širokinan ned ol’d’ih tožo bohatat , ka hüö sinnä ...
Kouz muga vähäižel tuldah , muud emmušta ni kedä .
– Kaigo küläd d’o mainičimme , kudai lähižed ?
Ka lähižet kai .
A Nirkas vie kač oli se Savuoin taluoi , sinnä müö podvodad vedimme kävüimme .
Seižottih nene prikaššikad da kai podvodat .
Suavuoin taluoi oli da siit e nečen oli Onekäks kirguttih , emvoi sidä Bajarid , Bajarid ol’d’ih Kaškanas , a siid oli ...
Ülen äijäл emmušta kaikkit taloluoit Nirkas .
Kaks taluoid muštan kuz ned ol’d’ih , seižottih prikaššit (prikaššit = prikaššikat ) müö sinnä gruuzud vedimme , sih zdaičimme .
Loitoks om mändä k et kaikkid mušta .
Lähiküliden eläjiden nimet
Ludian
Southern Ludian (Svjatozero)
Имена жителей окрестных деревень
Russian
[
[