Texts
Return to list | edit | delete | Create a new | history | Statistics | ? Help
Lašta kyl’vet’t’i buabo
Lašta kyl’vet’t’i buabo
Karelian Proper
Tolmachi
Kylyh
käwn’diä pidäw t’ied’iä , mahtua männä da i läht’ie mahtua .
Toko kuin mänet kylyh , pidäw jo olla iččiellä tože čistoina i pidäw bluasloven’n’anke männä , tallata oigiella jallalla kynnykšeštä piäl’ičči , da i šanuo ves’ma jo armahazešti : kylyn izän’däzet , kylyn emän’däzet , ottakkua milma omakši .
Da i rubiet ka pez’iečemäh .
A kuin vielä naizet keräwvytäh da äijän naista toko , i on naizella t’iijät kuin d’ielat .
Ennen toko šanottih , što ka šovat , tullah šovat , rivut , da što pidäw t’ietä , štobi ei ševottua , što pidäw tolkuija hos’s’en : oletgo šie čistoi ?
Mie vet en ole čistoi , pidäy šanuočie da ei pie yheššä peššä , vain ugod’ie peššä konža ollah molemmilla rivut piällä .
A to toko šanotah : ševotah rivut .
Vain ševotah , jo i viikokši n’e jo rivut i läht’ietäh ribajamah , jo viikon yl’en šie et i l’iene čistoi , nagol’e l’ienet marawdunnun .
I nagol’e ves’ma vardeil’iečettih kylyh män’dyöh , što pidäy t’ietä kuin männä i šielä tolkuiččiečie kuin olla i kuin i läht’ie , äššen šie l’ienet ožakaš kylyštä läht’iessä .
En’n’ein toko kylyh kuin mändih , da vielä kuin ken , kellä oldih nämä rivut il’i že ka hot’ roženča , n’in ...
- Konža voičči roženčalla kylyh läht’ie ?
Roženčalla voičči männä ...kerdah voičči männä .
No vain roženčalla ei voinun löwlyö luwva , n’ikonža ei voi , i kellä hot’ i rivut piällä ollah , šillä ei n’ikonža ei pie luwva löwlyö , a to šiwla nagol’e rubiew n’iinže palamah šiämi , što viikon rubiet nagol’e rivut nämä ribajamah , dai verellä tulomah i ves’ma l’inöy šiwla jygie , ves’ma ei pietytä viikon .
Kuin ševondua pidäw vardeija toin’e toizen , n’iin i löwlyö luondua pidäw vardeil’iečie , äššen lähet šie normal’noi kylyštä , a ei n’in šiwlaš l’ienöw jygie viikon jäl’geh kylyö .
I lapšie toko kuin tuwvah , on i lapšinke tullah kylyh , n’in n’ikonža ei anneta kellä on rivut piällä il’i ka že šuaduoh roženča , n’in iče n’ikonža ei kyl’vetä lašta , žentän štobi hiän ew čistoi .
Näillä šanotah , što šie et ole čistoi , ew šiwn d’iela , šie ed’embiänä ole čistoiloista .
I n’iin nagol’e i vardeil’iečettih .
Aivin , štobi ken on čistoi , n’iillä vain annettih lapšie peššä i kyl’vet’t’iä .
Šuaduoh nagol’e viid’ih kylyh lapšie , i muamonkena i lähtöw buabo .
Buabo ottaw lapšen , a roženča , muamo , jäl’l’es’t’i s’iiz’imanke , štobi ei händäh šuwveldais’ , nagol’e s’iiz’imanke kävel’dih roženčat kylyh .
S’iiz’imanke mänöw i šielä hiän vain omua iččiedä i t’iedäw , ei jo i kasaiččieče lapšeh , n’iin kun’i ei buabo lašta kyl’vetä da peže , hiän i istuw uglazešša , ei zavod’i i riiččiečie , vuottaw konža lapšen otetah .
Pežöw buabo da šidä bluasloviw , štobi tullah ottamah lašta , što čistoi ois’ i ottaja , äššen i lapši l’ienöw čistoi i ožakaš .
Pidäw nagol’e t’ied’iä kuin hänenkena , što ei pie ...
Ken on vain čistoi , n’in i lapši l’iew viikon , ei l’ienöw čistoi , dai ei l’ie ožakaš , a kuin kaikki kuin šuaw luad’ie kuin pidäw , n’iin lapši ves’ma väl’iän spruaviečow i čist’iečow , i l’iew ves’ma hyvä lapši .
Rubiew hiän jo l’ihaz’ie laškomah i väl’iän rubiew hiän jo i kažvamah lähtöw .
A muamolla lapšen n’ellä kymmen’dä päiviä ei anneta lašta peššä , i nagol’e hiän jo muijen jäl’geh pez’iečow , što hiän ei ole nagol’e čistoi , što hän’ellä nagol’e pidäw olla vain muista muwtettuna .
Nagol’e uglašša i issu , jäl’l’ičekši vain vuota jäl’gimäz’ie löwlylöidä i jäl’gimäz’ie vez’ilöidä , mi jiäw .
I šidä kuin jo n’ellä kymmen’dä päiviä proid’iw , jo roženča čist’iečow , jo hiän jo i l’iew muijen muon’e i hiän rubiew jo i omua lašta iče jo kylvettämäh , pežemäh , jo i kaikki l’ienöw jo hänelläh ves’ma jo i hyvä ičelläh el’iässä , i hiän jo rubiew jo raduičemah , što jo i mie muijen muozekši piäz’iin .
- Pid’i mahtua peššä lašta ?
Lašta tože pid’i mahtua peššä i t’ietä kuin hänenkena , midä šanuo .
Pid’i nagol’e ...
Buabo ottaw hän’en da bluasloven’n’ankena da mol’itvat hänellä , omat i mol’itvat ollah lašta kyl’vet’t’iässä .
I šidä lapšen kuin ed’izeh , ottaw vaššan da ris’t’iw vaššalla kolme kerdua lapšen , a šiidä i zavod’iw kyl’vet’t’iä .
A šidä kyl’vettäw , pežöw , a šidä jäl’l’ičekši i valaw kyngäštä , ved’en laškow lapšen piähyöh , štobi kyn’gäštä virdais’ hänen piähyöh i piäštä yl’či valais’ , kyngäštä kaiken lapšuon .
A šidä jäl’l’ičekši ottaw , imel’däw piälakkazen , tukkazet piälakkazella dai randah i šyl’göw žen , štobi häneh n’i mi ei tartuis’ , štobi hiän l’ieni’is’ čistoi lapši , šel’gien’e i valgien’e , štobi häneh n’imityš šuwdeluš ei tartuis’ , n’i muijen kačahuš ei tartuis’ i l’ieniis’ hiän kun taivaškivyt .
A šidä hiän ottaw muamon čistoin šovan da ed’ipuolella helmalla i pywhkiw i šanow : kuin tädä šobua n’iken ei nähnyn pid’iäs’s’ä , n’iin i tädä lapšutta n’iken ei nägiis’ šuwvelešša , i ole šie kaiken aijan kun ...
Lašta kyl’vet’t’i buabo
Karelian Proper
Tolmachi
Баня, родильная обрадность
Russian
-