Texts
Return to list | edit | delete | Create a new | history | Statistics | ? Help
Suad’iba
Suad’iba
Karelian Proper
Tolmachi
Ajettih
suattoloiks’i , šidä suataijah , annetah , šil’mät ris’s’itäh , kiän is’kietäh .
Šidä it’kietäh šiinä , šidä i läht’ietäh kod’ih .
Suatot kod’ih , a andilaš jiäw vielä suwtkiks’i kolmiks’i , ka .
Kylyn lämmit’et’t’ih , kylyn pihalla , kun’i andilaš kyl’böw , virtä lawletah šiinä , tuwvah l’eibiä palaz’ie , šiinä šyömmä .
Šidä venčalla šuatetah , tuaš it’kietäh venčalla šuattuas’s’a .
Šidä l’iew suad’iba .
Suad’ibah tullah šiinä kaikki kanža , murginoijah , šidä virtä lawletah , ših d’engua pannah lawlajilla purdiloh , šielä äijä keräwdyw .
Ka n’e d’engat tytöt i juamma , a brihat i šanotah : nän’n’it ...nän’n’it lunnaštakkua .
Brihoilla nän’n’ilöis’tä annetah d’engua .
Kai brihat tuwvah , viinua juwvah; d’eskat , nämä nän’n’ilöis’tä polučittih .
Viinua juwvah , a meilä purdiloh d’engua pannah , ka juatah da i ...
- Kuin toko šuor’iečetah suad’ibakši ?
Suad’ibakši hyviin šuwr’iečetah , hyviin , hyviin .
- Kuin ?
Ka pannah sver’ez’it sat’inatten , l’ibo šulkuo kellä on , kellä midä on .
A brihalla tože kellä midä on , šidä i pannah .
- A andilaš ?
A andilaš , kellä on , n’in kukat pannah , kellä ewle , n’in paikka piäššä .
Miwla zborn’ikan šivottih enžimäzeštä päiväštä (смеется ).
Šuattamah ruvetah andilašta tänne venčalla , n’in druwškat annetah d’engua .
Šiir’iehäzet ymbär’i stolašta männäh , lapšet .
Druwška kopeikkaz’ie jagaw , piädä har’juaw andilahalda , tukat har’juaw .
Andilaš it’köw , hiän d’engua andaw andilahalla .
Šidä otetah andilahan da läht’ietäh venčalla ajamah .
Kor’ja on vielä zaimittu , ei lašše kor’jah andilašta .
Tuaš pidäw kor’ja lunnaštua .
Šidä ka lunnaštaw kor’jan , d’engua andaw .
Nu , andilaš istuočow kor’jah , da i läht’ietäh ajamah .
Tullah šieldä venčalda , männäh da šuwr’itetah hyviin talošša .
Kukat pannah andilahalla , ribajaw s’ietka .
Venčaiččow pappi , pannah stuwl’illa käz’ipaikat , kolme stuwlua .
Venčiket piäh , kol’čazet , pappi smen’iw kol’čazet .
Moržiemen oman ottaw šulahazella , šulahazen moržiemella kol’čazen .
Venčaijah i läht’ietäh kod’ih ajamah .
Tullah , n’in vaššatah ozralla , kyl’vetäh tulduoh , šidä obrazoinke vaššatah andilahan da šulahazen , istuočetah i ruvetah juomah da šyömäh .
Andilahan issutetah obrazan alla , obrazat šeinällä pandu .
Huinuon piäštä otetah , avatah .
A šidä ka i kaikki kanža i keräwvytäh , kuin jo avatah moržiemen da huinuon otetah piäštä .
Kaikin kanža ka istuočetah ymbär’i stolašta .
- Mi on tämä huinu ?
Huinu , šuwri paikka .
Šidä käz’ipaikan i annetah , kuin huinuon awuaw .
Šidä luokšitah d’engua lattiella : soruo , soruo äijä , soruo äijä !
Pywkimäh rubiew , d’engua nagol’e i luokšitah , d’engua i luokšitah .
Lähtöw huomnekšella nuor’i moržien kaivoilla , männäh korvuo kumuamah .
Hiän tuaš paikan luow .
Kylyh läht’ietäh , kylyn kartalla tuaš käz’ipaikan luow , lunnaštua karta .
Venčällä läks’i , rubei kengiečemäh , bot’ikke ei mäne jalgah , d’engua panow , toizella tuaš , i toin’e ei mäne , i toizella bot’ikalla d’engua panow , ka i kengiečöw moržien , heidä ei malta jallaččiten , što lunnaštakkua .
Lahjotah , käz’ipaikat annetah i paikkaz’ie annetah akkaz’ila , muwda mi .
Muamolla annetah käz’ipaikan šuwremman da buat’kolla šovan oššetah , navolla käz’ipaikan i kyvyllä lahjotah , kaikki lahjotah .
Moržien i šulahan’e issutah r’innan , täššä šulahan’e , tällä istuw suaha , moržien keššeššä , ka šillä suahalla paikan toko i annetah suahuimua , a druwškalla käz’ipaikan .
A pert’ih druwška ed’izeh tulow da oviloida pergaw pl’et’illä ris’s’ikkeh .
Druwška ed’izeh aštuw , on kakši druwškua , ei n’in kolme .
Ka pl’et’illä i pergaw oviloida , kynnyks’ie , kaikkie druwška nagol’e ed’izeššä , a andilaš jäl’l’es’t’i , kaikki nämä suad’iboveh venčašta jäl’l’es’t’i tullah .
Ka , tulow , tuaš pl’et’illä lawčat kaikki , ka i issuttaw druwška lawčalla hiäten .
Šidä ka kužel’l’a lähtöw , tuaš pl’et’illä šuattaw ubornoih .
Laškow kaikki , höštäw hiät i laškow ubornoih .
Pl’et’illä , šuattamatta ei voi .
Ihen ka midä luwvah , ved’eh luwvah , vähägö kyn’n’yks’illä pannah , harpuattihen .
I šiinä ka , ken t’iedäw , n’iin pannah iččieštä ymbär’i živoida artut’t’ie , da ka kudamidägi , ka ken t’ieži midä .
Ol’iin suad’ibašša , miutta suad’ibah ei läht’ietty .
Ka pangua Palaš-čikkuo suad’ibah , a šinne mie lähen .
Mie lahjomah šielä en rubie n’ikedä .
Män’imä sundukoinke (смеется ).
Ei ruveta muilla lahjomah .
Ei mahu sundukka aittah .
Suatat , mahuttakkua kuinbut’ .
Mahutettih , mie ves’ma hyvän käz’ipaikan buabolla lahjoin .
I sundukan pr’iimit’t’ih (смеется )...
Milma tuldih suataimah , da mie i otkažiin , en tahton läht’ie miehellä .
Šidä tul’i Ivo-vel’l’i da i šanow : midä työ että lähe , tuamuon’e talo , tuamuon’e briha , että lähe miehellä .
Nu jo i šuoriečiin , a to en i kuččun suattoloiks’i ed’izeh .
Šidä ka i kučuttih suattoloiks’i , da jo i läks’iin miehellä .
Venčällä ol’imma vel’l’enkena , i Lomuh ed’izeh läks’imä suad’ibah .
Šidä miwn suad’iba ol’i n’ed’el’in jäl’geh .
Gotoviečima , kuin kerdah mie miehellä män’iin i vel’l’i naičči .
N’iin kerdah suad’iboida et luaji .
Šidä venčaiččiečima da n’ed’el’in ol’iin koissa , varuštuačiin .
Šidä i miun suad’iba rod’ih , ka kizaimma suad’ibat .
Ajel’ima noilla hyvillä sankoilla .
Mie tul’iin miehellä , hebozet hyvät , sankat bumbenčuz’inkena , čurajima nagol’e i muasl’enčana ol’ima čurahemašša Kozlovalla , nuoret , Nato-čikko i Pet’a-vel’l’i i myö ka nellän keššä nagol’e gos’t’iloih ajel’ima .
Suad’iban proid’ihuoh myöššyt’t’el’iečennät l’ietäh .
Lähemmä ed’izeh moržiemen taloh .
Šielä gos’t’imma yön , maguamma šielä .
Šidä toiz’ih taloloih , ših roduh mänemmä .
Moneh ...Kaikkeh roduh .
Nagol’e heboz’illa i ajelemma .
Šidä tullah muasl’enčalla ottamah , l’iew muasl’enča .
Šiel’dä päin tullah tože myöššyt’t’el’iečemäh i kaikkie roduo myöt’en ka i kävelläh .
Yks’i gos’t’ittaw , ket suad’ibašša ollah , i toin’e ottaw gos’t’ittaw , moneh taloh : viid’eh , kuwdeh taloh nogol’e kävel’d’ih gos’t’iloih .
Konža tytön taloh männäh , brihan taloh , brihan taloh männäh , on bohatat buitto , pr’iduan’eida kaikilla äijiin , kaikella rovulla lahjottih .
Enžimäz’ih , kun männäh : ken täššä talošša on vanhiin ?
Enžimäz’ičči jumalapaikat , šiidä ka käz’ipaikat riputettih kaikkih .
Šiidä i ruvetah ka tuatolla , muamolla i kaikella rovulla lahjottih lahjoida , hyvie lahjoida lahjottih , ka .
Tuow l’ehmän moržien pr’iduan’ieks’i , lambahan , mašinkan i eluo äijän tuow , torvie äijän ves’ma .
Ken on bohatta , n’in on äijä torvie hänellä i vuatetta ves’ma äijä , pal’tot hyvät i jallaččie äijä , i kaikkie ves’ma äijän tuow .
I ožutellah , kiit’t’el’iečetäh , šanotah : ka miän moržien toi ves’ma äijän pr’iduan’eida , eluo äijän toi , bohatta moržien .
Sundukat tuwvah yheššä kuin suad’iba , n’in yheššä i tuwvah sundukat .
Ka tämä kanža , kanža tulow , a myödämän’ijät , a myödämän’ijät ollahgo brihašta päin al’i tytöštä päin ?
En muissa , en muissa (смеется )...
Kanža on brihašta päin , a myödämän’ijät tytöštä päin , myödämän’ijät tytöštä päin .
Ruvetah kaččomah jo suad’iban proid’ihuoh , tullah sus’iedat moržienda kaččomah päivällä i ruvetah pr’iduan’eiloida ožuttamah , kiit’t’el’iečetäh : ka miän moržien toi äijän pr’iduan’eida , yl’en äijän , yl’en bohatta moržien .
Šidä (шепотом ) druwškago lähtöw al’i ei ?
Druwška i lähtöw viemäh muata , toizeh pert’ih složitah muata .
Enžimäz’iks’i kuin buitto jo složitah mestan .
Šielä on lapšie , ka tyttöz’ie .
Männäh lapšet , post’el’in zaimitah .
Nuoret männäh , a nämä , heilä on vyödä oššettu , l’ibo midä , ka lahjotah buitto : pidäw post’el’i lunnaštua (смеется ).
Tyttözet n’e nowššah , a nuoret laškiečetah na mesto , ka .
Brihan rodu keräwvytäh .
Moržien rubiew pywhkimäh latetta , hyö nagol’e d’engua luokšitah .
Sor’itah .Ka hiän buitto d’engua , d’engat keriäw .
Nu , pert’in pywhkiw , šidä ka ruvetah nämä pohmel’iečemah omat .
A muwda ...
Läht’ietäh vettä kandamah .
En’n’ein oldih vet’ korvot , korvolla kannettih vettä .
Šulahan’e ottaw korvon , a moržien korennan , da i läht’ietäh .
Tuwvah vettä korvon , pert’ih tuwvah , ruvetah kuadamah , šez’ih buitto abuh mänöw kuadaja .
I tuaš käz’ipaikka pidäw lahjuo l’ibo hot’ piäh paikka , ka (смеется ).
Naverno štuk tr’iccet’ ol’i käz’ipaikkua , kaikki käz’ipaikat män’d’ih lahjoih : män’i bohattah roduh , pid’i kaikki lahjuo , kaikki rodu pid’i lahjuo , ka , kaikki rodu lahjuo pid’i .
- Kuin männäh kodavävykši ?
Nu kodavävykši ka mänöw valmehella kod’illa , valmehella kod’illa ka mänöw , privualakši buitto , da .
Žen muon’e popad’iw , n’in juomar’i , paha , n’in händä n’ikuin et hyväkši vie .
Männäh , n’iin i briha mänöw , n’iin i kodavävykši mänöw , što ei pidäis’ srojiečie , valmeheh kod’ih .
Bohattah viid’iw männä , n’iin šanow , ka ei pie i srojiečie .
Ka šielä i eläw ...
Suad’iba
Karelian Proper
Tolmachi
Свадебная обрядность
Russian
-
-
-