Texts
Return to list | edit | delete | Create a new | history | Statistics | ? Help
Kun olet dorogašša...
Kun olet dorogašša...
Karelian Proper
Tolmachi
- Kun
olet dorogašša da hyvä hebon’e , pane ohjakšet šebäzeh , kiärieče tuluppah i magua .
Nu jogo hebozella oma taba , on sluhmannoida , on laiskua hevos’t’a .
Tätä šanel’i : ka meilä ol’i gn’iedan’e boikoi kun piil’i , val’l’aššat a hiän koččiw kahella jalgua .
Ohjakšie et kergie panna , ohjakšitta i lähtöw hyppiämäh .
On i potiččua hevos’t’a .
Ol’i ka kyläššä yhеllä izännällä žemmuon’e hebon’e .
Hiän tahto vain kohennaldua šl’ejua , a hebon’e potkai l’ewgah i tappo .
A kun vielä ol’i meilä hebon’e čiganoilda oššettu , n’in ka muasl’enčana čuravolla istuočemma myö lapšet regeh , n’in ei kehtua hypätä , ruošalla pidäw höšt’iä .
Omah pihah doijimma , omah zavulkah i vedäw .
Gos’t’ih nagol’e heboz’ella ajeldih , hot’ kymmen’ellä viršalla , hot’ kuwvella .
Ka mamman čikko miehellä ol’i Nazarovašša , nu ka svajakakši mužikat oldih .
Miän läht’iet’t’ih gos’t’ih šin’n’e Talvimiikkulalla , tuldih voskalla a sidä vihma l’ien’i , kaikki šubi i šulai .
Kaikki lumet šulai .
Midä täššä talvie vuottua ?
Äijägo aigua pidäw viet’t’iä .
Šiel’dä Kurginalla t’el’egällä läht’iet’t’ih .
Vier’issällä n’in Tolmaččuh ajeld’ih .
Tätä šanow : pidäw ajua Vier’issällä , oštua sn’iit’t’ie , hyviä kalua .
A kun muasl’enčakši , n’in heboz’ie šyöt’el’l’etäh kagralla , varuššetah hyvät val’l’ahukšet , vaškizet , töppähät näissä .
Töböl’it vielä ripahutetah voskalla tagah päit’ , našein’ikat vain čilahellah .
Kun olet dorogašša...
Karelian Proper
Tolmachi