Texts
Return to list | edit | delete | Create a new | history | Statistics | ? Help
Vejenizän’däh tože pidäw t’ied’iä...
Vejenizän’däh tože pidäw t’ied’iä...
Karelian Proper
Tolmachi
- Vejenizän’däh tože
pidäw t’ied’iä , mahtua kuin podoid’ie , osobenno ...
S’orovno hot’i virdavez’i , hot’i šeizoja vez’i , s’orovno , i šeizoja vez’i tož on pattie , vähägo on vigahis’t’a šeizojista vez’ilöis’tä .
Toko šanotah , miwla ol’i že d’ielo , što miwla nagole šanottih , što ka mie kuin läz’ewvyin , što bruwdun šeizoja vez’i šiwla on , šanow , izän’dä gor’ewtettu ...
Mie toko i duwmaičiin , štobi hot’ ollow i tože ...
A šidä ol’iin vielä toizen t’iedäjän luo , tuaš hiän šeže šidäže i šanow , što , šanow , on šiwla šeizojašta veještä vijalla , što on ves’ma , šanow , miän bruwdulla pattie vejenizän’dä , pidäw t’ied’iä , mahtaw kuin podoid’ie bruwdun luo , da pidäw läht’iessä prosken’ie nogole pakota , a to i yl’en rahvaš läz’ewvytäh toko , ken milläigi .
N’iinže i virdavejet ollah , tože ves’ma ollah hyö kallehet i pidäw mahtua hiän luo tože i podoid’ie .
Hyö ollah ves’ma jo pattiet .
Vain kun et ugod’i , n’ii i hiän šilma makšuačow šiwnkena , i šen jäl’geh kodvah rubiet muistamah i stradaimah .
A pidäw tože t’ietä , mahtua jogohizen luo , vejen luo i mečän ižännän luo tože pidäw t’ietä kuin , meččäh mänet , n’iin štobi ei gor’ewttua tože , kävel’et pidäw kaikki t’ietä , štobi ei vain missä koh hairahtua kuin n’ibud’ pahoin šanoin .
A šidä i läht’iessä pidäw , lähet n’iin pidäw kumarduačie da i šanuo : ”Pros’t’i milma meččän’e , možot millä i gor’ewtiin ”.
N’iin že i vez’ilöil’dä .
Hot’ pežemäh mänet , al’i vettä ottamah juodavakši , al’i midä .
Nagole blahosloven’n’anke pidäw männä , podoid’ie .
I pidäw i läht’iessä kumarduačeldua : ”Passibo šiwla , vejenizän’dä , elä gor’ewvu .
Engo millä mie obied’iin ”.
I kaikki .Nagole pidäw yl’en t’ietä i mahtua .
- A kun midä n’ibud’ l’iew , kuin piäššä voit ?
- On äijäšt’i läz’itäh vejen täštä vigahizešta , i pidäw lahjua šin’n’e tože laškie .
T’iedäjät kuin t’ietäh toko .
Ol’i miwla tože vetten , n’iin miwla ka ando l’entua .
L’entua ando miwla , valgieda l’entua ka mittai ka näin šyl’ellä , kolme šyl’dä ando .
”I ka tämä , šanow , šie l’enta , šanow , ka šez’ih i kaivozeh , šanow , i lašše .
I pidäw , laššet dai ...
Mänet , šanow , kun kaivozen luo , n’iin šie , šanow , šano vain ka näin : Vo imja otca i sina i svjatago duha .
A ”amin ” elä šano , ei voi ”amin ” šanuo .
N’iin že i , šanow , laššet dai n’iin že i läht’iessä , šanow , elä hairaha , konža , šanow , kun mänet , podoid’i kaivozen luo , tämä šano ...
Šidä , šanow , kun laššet lahjan hän’ellä vejenizännällä , šidä tuašen , šilloin vain , šanow , ”amin ” šano , žen jäl’geh , läht’iessä jäl’l’ičekši .
Da i pakkuot pros’ken’ieda : ”Pros’t’i , mie šiwn gor’ewtiin .
Ota šie omaš hyvyöt , anna miwla oma t’ervehyš ”.
Da kumarduačet dai lähet ”.
Mečänizän’d’iä miän tätä el’iäs’s’eh näg’i .
Ajo hiän Tver’is’tä hebozella , yöllä , jo ennen omua kyl’iä šuwr’i meččä ol’i .
I ka mečän proid’i , mečällä ei nähnyn , mečän proid’i .
Jäl’l’es’t’i kačahti , n’in kuin mužikka , n’in pit’embi puwloida žemmuon’e kopittaw hän’ellä jäl’l’es’t’i .No .
Tätä pölläšty : ”Mi on tämä , tämämmuon’e , el’iäs’s’eh tämämmuos’t’a mie en nähnyn ”.
”Otiin da , šanow , kiännyin hän’en päit’ da ka ruošalla i ris’s’iin kolme kerdua i , šanow , ka ših i kado .
Tul’iin kod’ih da i šanelen midä , kuin miwla ožuttuači še n’in ”.
A d’edo i šanow : ”Tämä , šanow , ol’i mečänizän’dä , šanow .
Hyvä , šanow , kekšiit , ka vielä šie , ris’s’iit šen’iin .
Ei n’iin , šanow , možet midä šie gor’ewtiit , šanow , hän’en .
Etgo ollun šolahtan mečällä midä , hot’ kužella , al’i midä šielä ?”
Ka hiän šanow : ”Gor’ewtiit , naverno , šiwn jäl’l’es’t’i , šanow , i läks’i .
Da ka hyvä vielä , kun kekšiit ris’t’ie , ei n’iin šiwla oldais’ pahat d’ielat .
Šie , šanow , piäz’iit hän’eštäh , ka kuin on d’ielat ”.
N’iin ka miän d’iedo i šanow : ”Hyvä što ka vielä ris’s’iit , ei n’in šiwla , šanow , ois’en vembel’en katannun da i šie , šanow , oiz’iit ka šihi i jiänyn , da kod’ih et doid’innun .
N’iin ka šin’n’e i tänne , i šeizo ka täššä i kačo hän’eh .
Ei n’in , možot , šanow , vielä i šiwn ois’en kuakistannun ”.
Ka on kuin mečänizännöinken .
Pidäw tože mahtua heinken .
A kun olet vielä nuor’i da kaikki et t’iijä , n’in et i duwmaiče ka tädä vardeil’iečie .Ka on !
- A vemmel’ tämä katkiew , n’iin ei jo n’imidä hän’enke ...
- Vemmel’ katkiew , n’in jo dal’še n’e pojedeš .
Jo i kaikki , jo i šeizo ka šez’iin’e , ei šua hebozella ved’iä jo , vemmel’ vet vain i vedäw , hiän pidäw , da .
Meččiä toko varatah kaikilla aigua , talvella dai kežällä , osobenno šygyžyllä da keviällä , konža vielä evle l’eht’ie puwloissa , žiivattoida ves’ma hiän pidäw .
Vain lašše blahosloven’n’atta žiivatta jo elä i vuota hyviä .
Ruaga meččä vain on , vielä evle hän’eššä l’eht’ie n’imidä .
I ka šillä aigua mečänizän’dä ves’ma žiivattoida hiän jättäw meččäh ...
Jo i ečit mon’iin n’ed’el’ilöin .
Meil’dä kun l’ehmä ol’i , tämä ol’i suššoi toži , ka sus’iedan l’ehmänkena , n’in kolme n’ed’el’ie eččimä .
I jäl’l’et ollah , kävel’emmä dorogaz’ie myöt’en , troppaz’ie myöt’en .
I duwmait , ka , možot , täššä läššä i on , jo i löwvämmä .
Myö nagole i kävelimmä N’inanke eččimäh .
Viikon myö eččimä , viikon yl’en .
Kado važa , kado važa , ei tule važa .
Kävelläh mečäššä , nähäh važua .
Kekšiw rist’ikanžan , n’in lähtöw n’in kuin d’iikoi zvier’i hyppiäw , i hän’däh i el’iäs’s’eh i pywd’iä ei šua .
I ka šen’iin hän’dä jäl’l’ičekši , no yhellä kohalla hiän bol’še elät’t’el’ieči .Jäl’l’ičekši jo ruvettih kaikin miän kylän’e käwmäh ka šes’tä važua pywdämäh .
Jo oldih i nuorat otettu keralla , štobi kui n’ibud’ hän’däh pywd’iä .
Männäh , vain kekšiw rist’ikanžan i kuin uid’iw , missä vain tuagiembi meččä , šin’n’e nagole i tungiečow , šin’n’e nagole i uid’iw .
I ših rukah rahvaš kaikki muokkuačettih šes’tä važua löwd’iässä .
A šidä jäl’l’ičekši šai pywd’iä , šai .
Ših rukah kolmen mužikat pywvet’t’ih nuoralla .
Tuhjoh tungieči , n’in ka mon’i kerdua , pit’kä nuora ol’i , ka tuhjošša ymbär’i hän’en ka kiär’it’t’ih , kiär’it’t’ih , da hän’en šielä šorkašta hvat’ittih dai vejet’t’ih tuhjošta .
N’iin kun oldih nällä d’iikozella , kumban’e otti važan , tämä , mečänizän’dä , n’in kuin oldih ripčit ka nämä kulmih kažvannut villat pität , n’in mänt’iijämin pidahuot oldih , hiän duwmait ewlun i važoin nägön’e , ol’i mänt’iijämin nägön’e i važa .
Kaikilla ol’i d’iiva ka šes’tä važua kaččuos’s’a .
N’in i važan is’kei .
Hiän rahvašta varai , i žiivattoida rubei varajamah , ei vain .
Ei ruvennun i štuadašša pižymäh .Jo i n’iin varattih , tuaš uid’iw , n’in ei šua i piäšt’iä .I ka ših rukah hiän kun ottaw käz’illä n’in on ruaduo hän’däh järelläh tuwva .
- A eigo ka mečänizän’dä ka i rist’ikanžua ved’i ?
- On . Oi , ol’i meilä iččiellä käz’issä tämä , kun myö läks’imä vavarnoh .Oi !
Vavarnoh läks’imä , keräimä , keräimä , a on nagole mečikölöidä myöt’en aššunda .
Troppazet jo i tuttavat oldih ...
No vs’o ravno tullešša kuin myö yökšymä .
Vedäw , vedäw mänt’iijä kuin toizeh i ilmah vedäw .
Menemmä , midä ?
Nagole on n’eznakomoi mesta .
Nu kunne tämä ?
Kiännymmä , järelläh toizeh randah lähemmä , kävel’emmä , kävel’emmä , pyör’immä , pyör’immä , tuaš järelläh šillä že mestalla popad’imma .
I ših rukah kuin muokkuačima myö , vaibuma , jo i päivän’e on laškiečemiz’iin , a vain päiväzen laššetešša pušša vielä hiän ved’elöw mečänizän’dä , vielä pušša ševottaw .
Hiän omah käd’eh kun ottaw , konža päivän’e laškiečow , jo i šuwri gor’a i l’iew .
Äijä mečäššä i muatah , yöllä vaštah vain jiähäh .
N’iin ka tože pidäw ka t’ietä , pidäw ka mol’itvoida , šil’mie ris’t’ie da mol’itvoida lugie , štobi hän’el’dä käz’is’tä piäššä äššen ...
Vejenizän’däh tože pidäw t’ied’iä...
Karelian Proper
Tolmachi
К хозяину воды тоже нужно знать...
Russian
-
”