Texts
Return to list | edit | delete | Create a new | history | Statistics | ? Help
L’iinua, pelvašta ta villua
L’iinua, pelvašta ta villua
Karelian Proper
Uhta
L’iinua ta
pelvašta kylvettih peltoh .Kašvettih n’in kum muuki olki .A šiitä ne kul leikattih ta vie nyhittih , ei leikattu .Taa , šiitä pantih likoh .Ta šiitä le… , l’ivotettih .
Missäpä l’ivotettih ?
Ka , he… , hettieššä , miššä ei tuul’i piekšä .Ta šiitä tuota vietih nurmella .Šielä ne kiänneltih n’iitä .Šiitä otettih pois ta kuivattih , ta loukutettih .Šiitä harjalla šel’itettih .Ta šiitä kesrättih .Kuvottih nuottua ta verkkuo , ta ryšyä , ta pellavahašta kuvottih pyyhel’iinua ta perinäm piällyštyä , ta vieläpä i hamehie , työhämehie mi… , missä töihe käyvä .
Noo , a pruazn’iekkahamehie mistäpä luajittih ?
Pruasn’iekkahamehie oššettih .Pohatat šilkkie ta villakankašta , tai myö .Noo .Ol’iham meilä .
Lampahie kun kašvattima , villua šaimma .Villašta luat’ima šukkua , kinnašta , pušeruo , no , väl’ipukšuja .Ta šiitä vielä i paikkua hamehie virkkasima talvie varoin .
Kuimpa työ lampahašta ne villat šaitta ?
Keriččimillä villat , keriččimä käsillä .Noo .
L’iinua, pelvašta ta villua
Karelian Proper
Uhta