Texts

Return to list | edit | delete | history | ? Help

Padan’iekka ol’i

Corpus: Dialectal texts

Tikhvin

Informant(s): Birjuchevskii Grigorii Ivanovich, 1892, Birjuchevo (Birčova), Boksitogorsky District, Leningrad Oblast
recording place: Birjuchevo (Birčova), Boksitogorsky District, Leningrad Oblast, year of recording: 1967
recorded: Рягоев Владимир Дмитриевич

Source: Образцы карельской речи. I. Говоры Республики Карелии, тихвинских и тверских карел, (1994), p. 200-201
audio archive of ILLH, KarRC RAS: №933

Padan’iekka ol’i
(Karelian Proper)

- Ol’igo iel’l’ä padan’iekkaa vai ei ollut?

Midä?

- Padan’iekkaa ol’igo?

Padan’iekka?

- Da, azuttihgo?

Padan’iekka ol’i, ol’i kyl’äššä, luajittii mium muistua. Padua luajittii.

- Täš Birčovalla luajittih?

Luajittii padua Birčovalla.

- Šie et n’ähnyn kuin luajitah padua?

N’äin. Kuin en nähny. N’än.

- Kuibo se laijah, muistadgo?
Sano vähäzel.

Ga padua too pidää šavie. Šavie tuuva. Šavi pidää, val’ittii, ga ei joga paikkua da. Še on hyvä šavi, šitkiembi, pehmie pidää šavi l’öydie tožo. Padoikši. Ka n’iin i. Vet k’iuguah n’i mistä puuttuh a, a padoih šie ečittii mistä to šuorannoista. Vrod’i s’in’in’e muon’e šavi. Šitkie. I ka tuvvaa, da šiit hänen tožo pehmitetää hyvin. Luajitaa što. Što tahaš, kah. Prosto. Što tahtahan luajitaa. I ka šidän šil’l’ ol’i, muon’e v’(j)ortuškat. Täl’l’ä v’(j)ortuškalla hänen pannaa tämää. I šiinä hän i zavod’uu. Pyör’yy. Pyör’yy tämä v’(j)ortuška. I jallalla händ-, pyörytti, jallal požalui. L’iččua, i häm pyör’yy. I ka šiinä i. Kohendeloo, šiinä tädä. Šiinä märgä ripakko hänel’l’ on, tädä, i srazu. S’il’ittää händä šinne. I kaikki, i luad’ieččoh. Ka pada. Ottaa, tuorehen ottaa, da noššaldaa pois’ tänne. Nu r’adaa kunne buit’ laavalla šinne. Mie näii kuim muissan, ku luad’i tämä, Rat’ičonka Vas’ka-d’ied’ö. Da ka, muissan. Kyl’äššä luajittii padoi. Šidän hät. K’iuguašša pidää. K’iuguah pandih, štob ägie. Šie zakal’iečetah hyö. Ei n’iin hyö, viikon ei kuiva. K’iuguašša kal’ittii heidä. A šidän hän viikon keštää. Ku hyvin zakal’iečetaah.