VepKar :: Texts

Texts

Return to list | edit | delete | Create a new | history | Statistics | ? Help

Karpat

Karpat

Ludian
Southern Ludian (Svjatozero)
Karpan miidne pereloimu oli?

Karpan taluois?

Karpaižekse kirguttih, Karpaižen muštan tožo starikam muštan.

Ülen oli pikkaraine kodi heil, volokovuoid ikkunaižed ol’d’ih pikkaraižet.

A siid d’o tämä kodi, kačo, rodittiheze poigad da nene kai da Ignuoi se ka siit sroittih pikkaraine kodiin, oli moižed ikkunaižet pienet Karpaižel.

Nu a entiä kuz on nainu, sidä em mušta.

A hänell oli, sil Karpaižel, Ignuoi poig oli, da sit tütär oli Nattu, toine Nastuoi.

Nattu mäni miehele, Čurkinaz oli.

Siit ku häi Čurkin se kuoli, siid häi mäni Viidanale miehele, vie hänel oli sigä tütär.

A Nastuoi mäni D’akun Timuoin, D’akun Timuoin Timuoile.

Vot Sorokinuoikse kirgutah niit, a ende D’akun Timuoiks kirguttih, sille Timuoile mäni.

A muštan, se Karpaižem muštan, eno hüvin pikkaraine oli starikaine, vai štaniid nostelou, vai entiä kuz oli nainu.

A siid Ignuoi, kačo, heil se oli üksei oligi poigegi Ignuoi.

Karpan Ignuoi, oli nainu Priäžäz Heras, kirguttih Matikse, Nat’t’i.

Vot siid heile d’o, kačo, rodittiheze lapset sih Natil da Ignuoil: oli Vas’a, siid oli Anni tütär, siid oli Peša-poige, siid oli Kosti-poige da Tan’a.

Enämbi ni ole ni kedä, ei poigit heil lapsit.

Nu hätken eli starikke, eli pošti sadan vuotte, vai sadan n’el’l’ vuotte liennou elänü.

Se Ignuoi, kačo, burlakuoičči ainos peräd ajuoi moin oli ku roža ku hüvä lopari.

Siit rubettih poigad ned elot suamah da suamah.

Da häi siiten eligi, poigad net, kačo, nügü kuol’t’t’ih Vas’a se kuo ei kuolnu häi, nu kuoli, otettih häntte, suureh ajoh sinn otettih nu.

Siit Peša tožo kuoli.

Tapuoi mužikan da siid häntte suudittih viiž vuotte türmäz ištui, da sit sinnäi tuli vie türmäspiäi dai kuoli.

Nu a Anni tožo mäni miehele Troškovan Iivile, Ar’hipan sille vel’l’el’e.

Iivi se voinile tapettih, Anni d’iäi siid, oli vie Mihkaliz miehel.

A siit, kačo, ku tüöttih heit kous kolhoznuoid žiivatad da viemäh.

Siih häi sinnäi kuoli Arxangel’skah se Anni.

A Tan’a kuoli n’eidižennü.

A Kosti vie on hengis, i nügü Priäžäz eläu, on naižiz, Dun’a on akal nimi.

Röbät’äh nai.

Da siiten nečida oli poige on oficer, toine on sl’ud’ankal ruadau mas’t’erinnu da eräz on armiiz da eräz on entiä kus sigä.

Vot siid eletäh, a tütär, tütär tožo ruadau sl’ud’änkal.

Üks ongi se Kostiine vie hengiz on kač müö ühtel aiga vie hänenker siit lapseštimme da kai.

Nu a siit Pešan se, kačo, oli naižis, akke kuoli, oli Riiselgäz otettu Ontoonouna.

Häi kuoli, kaks poigad d’iäi.

Poige voinan aiga kuoli, toine vie nüg on Anukses eletäh, tožo hengiz on, Fed’akse kučutah.

Vot sei heiden kai pereloimu siid.

A Pelduoižiz ole ni mid ei tožo heinäižet kazvetah heiden kodin sial, ken kunnagi.

Семейство Карпан

Russian
Каково было семейство у Карпан?

В доме Карпан?

Карпайне помню, старичок такой был, помню.


Дом у них был очень маленький, окна низенькие, волоковые.


А потом с сыном Игнуой построили [тоже] маленький домик, оконца тоже маленькие.


Не знаю, где он был женат, этого не помню.


У Карпайне был сын Игнуой и две дочери: Натту и Настуой.


Натту вышла замуж за Чуркина.

Когда Чуркин умер, она снова вышла замуж в Виданы, еще у нее там родилась дочь.


А Настуой вышла за Тимуоя Дякун, за Тимуоя Тимуойн Дякун.


Сорокиными зовут их, а раньше Тимуоем Дякун называли, за того Тимуоя она и вышла.


А Карпайне я помню очень хорошо: маленький был старичок, не знаю только, где был женат.


А сын у них был одинИгнуой, он был единственный сын.


Игнуой Карпан был женат в Пряже в семье Херан, ее звали Натти..., Натти, вот.


Потом у Натти и Игнуоя появились дети: сын Вася, затем дочь Анни, затем снова сын Пеша, потом были сын Кости и дочь Таня.


Больше и не было никого у них, ни сыновей ни детей (дочерей).


Старик долго жил, почти сто лет или сто четыре года.


Игнуой бурлачил и все время был на сплаве, был здоровый, лицо широкое, словно у лопаря хорошего.


Потом сыновья стали добро наживать да наживать.


Он и после жил, а сыновья, видишь ли, теперь умерли, Вася умер, вернее, не умер он, а попал в заключение.


Пеша тоже.


Он убил мужика и его осудили на пять лет, затем вернулся из тюрьмы и умер.


А дочь Анни вышла замуж за Ийви Трошкова, за брата Архипа.

Ийви на войне убили, Анни осталась одна, после была снова замужем в доме Михкали.


[Во время войны] ее послали сопровождать колхозный скот в эвакуацию.


Она там и умерла в Архангельской области.


Таня умерла еще девушкой.


А Кости жив и теперь, в Пряже живет, женат, жену Дуней зовут.


Она из деревни Рёбят.


Сынофицер, второй на слюдянке (слюдяная фабрика в Петрозаводске) работает мастером, третий сын в армии, не знаю, где он находится.


Все живы, а дочь работает тоже на слюдянке.


А с Костей мы, видишь ли, в одно время росли.


А Пеша был женат, жена Антоновна была из Ригсельги взята.

Она умерла, два сына осталось.


Один во время войны погиб, другой сейчас в Олонце живет, Федей зовут.


Вот их весь род тут.


А в Пелдоже нет никого, травушка растет на месте их дома.