Texts
Return to list | edit | delete | Create a new | history | Statistics | ? Help
Mokit
Mokit
Ludian
Southern Ludian (Svjatozero)
– Nu
kedä oli Mokil , Mokin taluois ?
Mokin taluoiz oli , muštamah minä suain häi , siit vastai ku müö elimme .
Minä vie olin nu n’eičükk siid omas kodis kazvuoin da kai .
Oli hänel Äšši-tütär vahnembe , ei vahnemb olnu , nuorembi oli da Okulin , muid ni ked ei olnu , nu vot .
Okulim mäni miehelе Timuoile ...ei Timuoile , nečile mäni D’urasovan Ol’ešale , Ondr’ain vel’l’ele mäni .
Siid Ondriin vel’l’i se lähti burlakakse D’uraasovan lidnah , a Okulin hänen kera lähtenü ei , da Mokki tüönnü ei .
Da sid hüö mugai d’agettiheze da igä ...Ondrii vai se Ol’eša tännä kuoli , lidnah burlakuoičči , burlakuoičči da kuoli .
A Okulin omas kodiz mugai eligi , eig olnu laste , eigo ni kedä .
A Äšši mäni mihele Timuoile .
Timuoi tuli heile kodavävü Šapniemespiäi .
Vot siid hüö se Äšših otettih Timuoi se miehele vai naimižih kodavävükse tuli .
Siit Timuoi tožo entiä kui vähäižen eli , siid läht’ iäres , Äšši kuoli ...
Äšši kuoli , Timuoi se lähti iäres , šäpniemiläine siit .
Oi , vie ende Timuoit ...Timuoi lähti ende iäres , Äšši vie sih d’iäi .
Tožo entiä kunna Šäpniemeh kunna , Mokk ei tüönnü sinnä tüttärid ni kunna burlakuoimah .
Siid mäni Bogdanou Mikko , Miitrii Petrovič Simaništos tuli , Äšših .
Siid Äšši vähäižen eli , siit kuoli sih .
Siit se Mikko , se d’iäi sih Miitri Petrovič Bogdanou , sii häi nai Sekos Dašan ot’t’i .
Siid davai siit heil elädä da elädä da olda da siiten , Mokki se vie hengiz oli .
Dai Mokk oli nainu Priäžäs , Trofimouna oli , Rodikse kirguttih , sig oli nainu nu .
Siit elädä , siit se diädin kuoli dai Okulin ...Okulin vie eli .
Sid diädö kuoli , käveli kosteliiden ker , nu a sid Äšši se , kai entiä midä kai heiden pereh muga mäni pahakse , kuol’t’ih da kai .
Nu a siit i Dašačii sinnä mäni davai heil elädä .
Siid vie tuodih hüö sogei akke , sill oli Miitrii Petrovičal muamo , Simaništos .
Sen tuoi pridaanuoikse .
A d’oli siit se pridanuoinnu , a muamo se Äšin aiga .
Nu a siit sih zavodittih elädä .
Nu siid Daša sit tožo siid zavodi elädä da sit hüö d’agettiheze Mokis , Mokki se kuoli , diädö pan’d’ih da Okulin , vai neče diädim muah .
Siid Okulin heiz d‘aguoiheze , siit Petrou se stroii kodiižen osobi Okulinan kodi sih d’iäi osobi .
Nu a siit Petrovale sille kačo rodittih poigat , tüttäret , üks tütär oligi , rodiiheze Vas’a , siid oli Van’a , D’akk oli siid oli Vas’a , D’akku se kuoli tiifah , siid oli Van’a da Paša n’eičükäine .
See kačo Van’a voinile tapettih , Paša kuoli lapsennu , a D’akku kuoli d’o , oli , briha täus , tiifah kuoli tožo .
A Vas’a tožo d’iäi siid vot heiden mugai elaige , eletäh vai siit .
Mokit
Ludian
Southern Ludian (Svjatozero)