Texts
Return to list | edit | delete | Create a new | history | Statistics | ? Help
Mišan D’akun pereh
Mišan D’akun pereh
Ludian
Southern Ludian (Svjatozero)
– Nu
a miituine prikol’enii oli Mišan D’akun taluois ?
Moine prikol’enii oli ...
Mišan D’akun poigat vaste minä sanuoin häi .
Iče D’akku d’oli ei moine laške , ka poigad rodittiheze laškat .
Kačo , nu , siid häi kačo oli nainnu Lauris .
Vot hüö kai oma ende naidih omanküläläižet : ”enämbal otettih , pordahint’üvis počinheinit kerädel’t’t’ih , loitton ei ruohti tuoda hebonheinit ”.
Bärän akaz lähti ku sana se .
”Hebonheine ” pah oli kei ruohtittu , pelduoižen brihad loitomba nai , ainos kerättih ”pordahiden t’üvis počin heinit ”.
Nu siid omas küläz oli nainu hänel Nastuoičii oli .
Heid oli kolme sizäreste : üks oli Mihailas , toine oli Il’l’an D’akun ...nečil Il’l’am Puavilall oli nu se , Lauren’t’ouna .
Siit heil , kačo , elettih muga siit vähäine da kaks vel’l’est ühtez da kai , da siid d’agettiheze ni Iivananker hüö , nu .
Siid Nastuoičiile sille rodiih ...
Siit , kačo , se Fed’a mäni kodavävükse .
Siid Miikkul rodiiheze kudai kodin pol’t’t’i .
Siit Pirduoi rodiiheze .
Pirduoi kuoli , voinile tapettih .
Da siid oli Tan’a da Nat’t’i , ned ol’d’ihgi .
Tan’a mäni Viidanale miehele , nu a Nat’t’i entiä tožo .
Käveli kus , siit kuharkuoičči da burlakuoičči da kai da kunna d’oudui kuoli vai entiä kunna mäni .
Da vie oli Oks’en’n’e-tütär .
Entiä , mi vuozid oli , sap’oorad ol’d’ih meiden küläs .
Vie müö kävüimme sinnä , nenid rogatkuoid azumah da siid vedämäh da zagražd’en’aid dai kai azumah .
En’t’iä miidne vuozi oli sidä minä em voi muštai .
Siid Oks’en’n’e mäni sap’oorale miehele , siit sap’ore hänen viei sinnä Leningrackuoih oblastih Van’akse kirguttih sinne .
Da nügü sanottih , buito D’urasovan (kun’ oli Outti hengis ) perepisivalis’ .
Oks’en’n’al ol’d’ih omat sigä lapsed , omat poigat kai , butto eli Leningradah häntte otti sigä poige .
Sen Oks’en’n’an poige vahnin L’eningradaz a n’üg entiä , kuss häi eli .
Muailmal ei sua tietä .
Van’kaks kučuttih sap’oore .
Nu , a siit zagražd’en’uoile kävüimme , ka siit tuli azutah da vai ištutah .
Ei ruatutannu ni midä Oks’en’n’ale .
A müö pidäu s’el’otkad da leibät suada palaine , ka vüöhesuai lumes .
Kus puun näget , sinnä sordat sigä pilal da sit čiistit azud rogatkuoid .
A mužikad ned vedetäh da regeh panemme .
Muga talven kaiken ruaduoimme Pelduoižiz , entiä midä rogatkuoit .
A siid hüö kevädel ku lähtedih net sap’orat iäre , siit se Oks’en’n’e sap’oorale d’älgeh lähti .
Ei tüönnüs se D’akku-diädüška da neče , Lauren’t’ovan , ka pageni lähti .
Ni mid ei ottanu , ühten otti šuntin piäle da siiten nečen uzlaižen kädeh da lähti sinnä sap’ooruoidenker .
Siid muga heiden se lopiiheze prikol’enii .
Mišan D’akun pereh
Ludian
Southern Ludian (Svjatozero)
Семья Дякку Мишан
Russian
«