Texts
Return to list | edit | delete | Create a new | history | Statistics | ? Help
Tin’t’un Iivan
Tin’t’un Iivan
Ludian
Southern Ludian (Svjatozero)
– A
Tin’t’ul miituine oli pereh ?
Tin’t’un pereh oli moine : hüö ol’d’ih kaks vel’l’este üks oli Vas’a , toin Iivan , Troškovuoikse hüö kirguttih , Troškovuoikse .
Siid hüö d’agettiheze .
Heill oli nastojaššuoi kodi , d’uuri n’okal , n’okas oli , sinnä diäi Agd’an St’opanan d’uuri randimaine kalmižmuahpiäi , a heiden oli toine .
A siid oli vie heil keskell oli Kondrihkan kodi oli , ku liäve .
Tožo net kai nu sih lahovuttih dai murettih .
Nu a siiten oli pieni kodiine enzimäi .
Se Troškou Iivan stroii pieni kodiine , oli nel’seinäine , a siid d’älgele sroittih d’o , net poigat ku rodittiheze da kai , viisseinäine hüvä kodi oli dai huonuksed uuded dai kai ol’d’ih nu .
A siid d’o , kačo ,voine da akuirovaiččih ka se kodi diäi , kai uuzi sroju seižomah sih .
Nu a siid e hüö sih pienes kodiižez d’o zavoditti , Vas’a se nai Lidžmil , en’t’iä miiččes taluois , Tan’akse kučuttih mučuoit .
A Pešase lähti , ei nainu , häi entiä bez vesti voinile vai kunna , bezvesti kuoli , ei ni tulnu .
A siit Timofjouna se , Iivanan akke se oli Čarniemez otettu .
Häi tožo kuoli , Timofjouna , nu .
A siit se , Vas’a kačo tožo otettih , a d’iäi se Tan’a .
Hälle d’iäi kaks laste d’iäi : An’n’i da Val’a .
D’iäi neičükäd Vas’as , kouz Vas’a se arestui ištutettih .
Nu a siit , kačo , akuirovaittiheze häi , se Tan’a lähti neičüküoiden ker .
Siit Tan’a sinnä sanottih kuoli akuacei .
A n’eičükäd n’ügü oldah ...
Üks mäni saldatale miehele entiä kuz eläu , vahnembe se Val’a .
A toine , Anni , täz on eläu , Petrouskuoil .
Vot kaks neičükkäd d’iäi .
Sinnä kai lopiiheze heideni elaige kai .
Tin’t’un Iivan
Ludian
Southern Ludian (Svjatozero)