VepKar :: Texts

Texts

Return to list | edit | delete | Create a new | history | Statistics | ? Help

Tin’t’un Vas’a

Tin’t’un Vas’a

Ludian
Southern Ludian (Svjatozero)
Nu a Troškovan?

Se, toižel vel’l’el?

Nu.

Nu, toižel Vas’a...

Nu hüö sit kačo d’ageitiheze.

Ka Vas’al tožo hänel neččidä, se hänel otettu St’opis’, kuol’ akke.

Nu, siid hänel d’iäi Ar’hippe, da siid Oks’en’n’, oli Präkäz miehel.

Ned ol’d’ih enziakan lapset, Maluoikse kirguttih.

St’opiz oli otettu, D’ešan sizär, vot.

Omas küläs, pordahiden t’üves počin, počinheinät, nu.

Siid hänel se, ku lapsed d’iädih, kuol’t’t’ih, siit, kunna öp’äd’ lapsed d’iädih da burlakuoita pidäu da olda ka.

Siid häi nai Matrosas otti St’opanounan, Ahuoin St’opanakse kirguttih.

Üks sizär oli Bohatterin Ol’eša-veikil, a toižen otti, Nad’an se, neč otti Troškovan Vas’a.

Nu, kolmais sizäres heill oli Sürd’äs Kapšinas.

Vot, sizärekset sii häi gostih vastai kävütäh, minä muštan eno hüvin.

Nu siid rodiih sille Vas’a-diädüškä, se muga siid eli da kai, siit kuoli.

Tožo entiä mi heil aperacii, mid liennou vačad vai entiä mid aperacaid azui.

Siid Ar’hippe d’iäi.

Oks’en’n’e mäni Präkkäh miehele, Präkäz ukko kuoli.

Siit häi tuli d’ärille Troškova otti se Vas’a-diädüška hänen.

Siid mäni Siidniemeh, D’äräm Mikitüle miehele, Oksen’n’e sigäi da vie nüg ongi hengis.

Heiden pokol’eenii se, poigan ker eläu se Oks’en’n’e nečis Priäžäz eläu, nu.

Nu a Vas’a-diädüška kuoli, Ar’hippe nai, otti Lahtes Or’t’uoin sizären - sen Ošan, nu, a siiten kačo, heil enzimäi zavodittih elädä.

Vähä oli laste sil nečil Ar’hipal, oli üks Katti, ainuoi tütär.

Muid ni kedä ni, ni oppinu suada ei, üks Kat’t’ oli.

A sil Nad’a-t’otkal d’iäi Vas’as, Maša d’iäi da Fed’a, se Vas’an tüttärit se.

Heile tulov vel’l’indämä da Arhipale nu da sizärile.

Nu a sit ku voine rodiiheze, häi, kačo, Ar’hipad d’o vahnad da kai akuirovaittiheze...

Katti mäni miehele Teren’t’eväh da kai, Maša se d’iäi sih elämäh omah küläh.

Da sigä kuni tuli akuacaispiäi, siihäi mäni...

Neče Bohatterin Ol’eša i L’uba-t’otka otti tüttärekse.

Ol’eša-diädüška kuoli, L’uba-t’otka tožo kuoli, sii häi Bohatterih, siid häi mäni Onuoin Griišale sille miehele se Maša.

Nu, Nad’a-t’otka se kuoli tožo.

A Fed’a voinal oli da eini tulnu sinnä.

Häntte ruanittih Ukrainas, vie sanou oli kird’ašt ainos Ukrainah mäni kodavävükse, sigäi eläugi Fed’a, nuorin poige.

A Maša Viidanal eläu, männü Viidanale miehele, mužikke kuoli, ülen hüvä kodi, elaige hüvä.

Vot eläu akke, ku hüvä se...

Nu, a Ar’hipan sen Katti lidnas eläu täss, Ter’en’t’eviz oli miehel.

Vot heiden sidi pokol’enii, kedägi kuoli kedägi hengiz eletäh, i nügügi seičaz eletäh.

Вася Тинтюн

Russian
Ну, а семья Трошкова?

Это у второго брата?

Ну.

Ну, у второго брата Васи...

Они тут, видишь ли, разделились.

У Васи жена была из семьи Стёпин, она умерла.

От нее остались Архип и Оксинья, Оксинья была в Прякке замужем.

Это были дети от первой жены, которую звали Малуой.


Она из семьи Стёпин была взята, сестра Деши взята.

Из своей деревни, у своего порога «трава-мокрица» была взята.

Тяжело жить с детьми [без матери], ведь надо и бурлачить и жить.

Вот он и женился в Матросах, взял Степановну, Степаном Ахуойн называли ее отца.

Одна ее сестра была замужем за Олешей-вейкки Богаттерин, а другую сестру Надю взял [замуж] Вася Трошков.

Третья ее сестра была замужем у Капшиных в Сюрде.

Сестры потом в гости ходили друг к другу, я помню очень хорошо.

Дядюшка Вася тут жил кое-как да все, потом умер.

Не знаю, что за болезнь у них была, какую-то операцию на животе ему сделали и он умер.

Остался Архип [один сын].

Оксинья еще при жизни отца вышла в Прякку замуж, в Прякке ее муж умер.

Она вернулась обратно, дядюшка Вася Трошков взял ее.

Потом Оксинья снова вышла замуж в Сигнаволок за Микиту Дярян и теперь жива.

Теперь Оксинья вместе с сыном в Пряже живет, продолжая свой род.

Когда дядюшка Вася умер, Архип женился, взял в Лахте сестру ОртюояОшу и начал с ней жить.

Детей у этого Архипа мало было, одна была Катти, единственная дочь.

Больше никого не было, одна Катти была.

А у тетки Нади остались от Васи Маша да Федяэто дети от Васи.

Он Архипу да сестрам будет неродной брат.

Когда война началась, этот Архип и все уже старые были, все они эвакуировались...

Катти вышла замуж к Терентьевым, Маша осталась тут жить в своей деревне.

Когда из эвакуации вернулась, она вышла...

Олеша Богаттерин и Люба-тетка удочерили ее.

Потом дядюшка Олеша умер, Люба-тетка умерла, а Маша вышла за Гришу Онуойн замуж.

Надя-тетка умерла тоже.

А Федя на войне был и не вернулся.

Его ранило на Украине, были письма все время, на Украине пошел в примаки, там и живет младший сын Федя.

А Маша в Виданах живет, вышла замуж в Виданы, мужик у нее умер, очень хороший дом, жизнь хорошая.

Вот живет баба, словно хорошая...

Катти [дочь] Архипа живет в городе, в семье Терентьевых была замужем.

Вот тут и все их поколение: кто умер, кто жив.