Texts
Return to list | edit | delete | Create a new | history | Statistics | ? Help
Pelduoižen külän rodukundat
Pelduoižen külän rodukundat
Ludian
Southern Ludian (Svjatozero)
– Eigo sigä
Mualaz elänü moine ristittü Manuilof ?
Em voi sanoda sidä , em voi tietä .
Kudaintte em voi sanoda , k en tiedä .
Moužet’ eli , a siit ku minule muštoh ei tule .
Ka en tiedä .
– Nu a miittumad rodud enämbi eli Mualas ?
Gordin rodut .
Da Gordid oli , kač , Kondruoid daD’akud da Ar’hipal .
Ar’hippe se oli , ühte rodud , Gordin rodut .
A D’eremjevid ei kačo äijäd olnu .
Gordin rodud äj oli .
– A Sürd’äs kedä oli enämbi siit ?
Ka kui sanoda ?
Enämbe rodud oli , naverno ...Mikitün Teruoin rodud oli enämbe .
Kač , Trošid da Iivanad , da Ol’ešad da vikse Mikitün rodut , kui hüö sigä kus tul’d’ih ...
A vit’ ken oli vahne rahvas ka muštel’t’t’ih , oliš küzüdä .
A nenid ej olnu ni äijät , Sekuoit .
Mami ainos mušteli : Sekokse kirguttih , Ser’gii oli häi Bogdanovat .
Ser’gii Haudal , vot se oli , Sekko hänen vel’l’i , a siid oli se Sekko nainu Priäžäs Ar’hin rodu .
Ainoz mami mušteli Ar’hin rodu , kui sigä hüö mändih .
Kui oldih , sidä em voi minä muštai .
A siit ku , kačo , mamin Sekon akke se , Petrouna suai ...ei Petrouna suai , neče babi , Priäžäm babi hänen , Petrouna oli hänel ris’t’uoinu .
Siid häntte otettih , se hänen tütär ad’vuoih mamin suai dürginaiga neččih Sekkoh , siit se Sekon Petrouna da Sekko d’iätettih häntte tüttärekse mamid meiden .
Ser’gii se oli ...siit häi on se D’ohorihke , D’ermäin D’ohord’e da sit Ser’gi .
Bogdänovad , ühte rodut vot Ser’gäin Hilippe .
– A midä rodud oli sigä Haudas ?
Haudas ...
Vot siid i tulou , kač , Sekon se rodu miituin oli , nu , a Mišan D’akun rodu da Mihkalit , meiden tatin ol’d’ih , hüö pl’emännikät - Il’l’an poigat , kui hüö sit tul’d’ih ?
A tati еj ole häi Sekon rodut dai ni nečis , häi om muailmal tulnu , entiä kus .
– A kui hänel oli ezmäine familii ?
Keel ?
– Tatal ?
Tatil ?
Ignat’ei Rodivonič oli .
Kus häi , sigä ej olnu pannu , häi ku tuli Sekkoh sih kodih ka , sii häi mugai sanotti , Ignat’ei Rodivonič Sekkojeu .
Sen vähäižel muštan , Haudan babid em minä mušta , Dašačii ainoz mušteli .
A Priäžän tožo em mušta sidä , muštan vai ku mamin .
Sizärtte hänel oli , neče , Ar’hin , mamil oli Katti a se oli Ar’him Martte , Natuoi - oli hänen tütär .
Pikkaraine starikk oli .
A pert’t’ oli , ku külüine , volokovuoid ikkunaižet .
Vot , vot kui ende elettih : olnu ni mid ei , eigo Priäžäz , eigo Pelduoižis , eigo ni kus , ni iminkummaižet .
Entiä kui vie rahvaz elettih .
– A kedä kuulaa Nikitinän rodukundah ?
Kui ?
Se ...
– Nikitinät , Pelduoižis ?
Nu , ka net Teren’t’evät da , kač ,Borancovan da meiden se häi Nikitinän roduh kai kultah , muid ni ole ni kedä ei , Nikitinän roduh .
– A miittumid vie toižid roduid oli Pelduoižis ?
Nu ka rodud net , kačo , St’opin ned , omai rodu rodih Tinačovikse i , kačo Tinačovad midä hüö ol’d’ih Simaništos miičče Tinačovad tul’d’ih .
Gordin D’akuine oli nainu Simaništos , i Hilipäine St’opin oli tulnu Simaništoispiäi kodavävükse , St’opin Oudot’t’ah Tinačovispiä .
Vot heil sigä uuzi rodu se miituine Tinačovispiäi .
Gordin D’akku se vahne D’akku , poig oli D’akku dai tuatto D’akku , Tinačoviz oli Simaništoz nainu kuspiäi , i se Tinačovan oli ...
Hilippe tulnu kodavävükse St’oppih Pelduoižih , se vahnad rodut sigä .
– A Gordin rodu mugaže vahne on da ?
Ka vahne on .
Kondruoit sigä da kai kačo ühte häi .
Heid oli kolme vel’l’este oli : Kondruoit , D’akku , Kondruoi i Hutun D’oška .
A siid D’oška , kačo , vie oli sigä ...
D’akku rodiiheze vel’l’el sil .
D’oška Kondruoi , Gordin D’akuine pieni mužikkaine moin oli , ainoz ombeli külädmüöti käveli .
Nu se a siit , kačo , heil lähtedih poigad , nel’ poigad da D’akku sil Kondruoil tožo mi poigat , vot i rodu kai .
Arhipov se vel’l’i heill oli tožo , ka sil vähäi oligi Ar’hipal : üks Onuoi da Oša da Vas’a , kolme .
A toižil on , kačo , enz akaz da toižez akaz vid’ ükskai se Gordejevaks slovitaheze .
Neče sil Kondruoi oli enz akkat sidä mi ...da sid Madžuoižen rodut .
A siid vie , kačo , Fed’a nai ükskai Gordejou .
Mi heid Gordejovid rodiiheze .
Vot heil kaikil se neče naverno on prikolinii .
A meiden Nikitinüöit ei äijäd ni ole .
Ühtet kačo T’eren’t’evän ned mändih T’eren’t’eväkse .
Meiden ned Ol’oška Nikitinäks mäni .
Da oliiž meiden Nikitinäks mändü , a ned oldaižgi .
Da se oli sigä Ivan Teren’t’ič tožo Teruoin poige .
Siit ol’d’ih vel’l’ekset se Mikitün : Trošši , Teruoi i Ol’eša .
– A mikse Borancevad vajehtettih familii ?
Ka viks ei ...
– Hüö oldih tožo Nikitinät ?
Nikitinäd ol’d’ih , kous kirguttih .
Ka minä häi ven’caimmokseh Nikitinä .
Da sii häi , kačo , verno ei d’etka meiden l’uubinu midä Borancou , Borancou , Borancou , Borancou .
E il’uubinu poige lähti službah , Borancou .
Viks ei tahtonu olda Nikitinä , nu vid’ vajehtettih ka vajehtel’t’t’ih ende nimit .
Kač , miks ei oldu Märäkse , ka tožo vajehtettih .
Kelle kui nimi sit häi mändäh ka vot minä sanuoin zborššikke stuaroste tulou sigä sanotah : ”Nenga , oi , älä vel’l’im minule , nengošt nimet pane , pane vel’l’in sinä nenga , kir’uta ”.
- ”Nengago kir’uttai ?”
Sii hüö ičei kir’utetah muga , vot , ičei käsköü , mugai kir’uttau .
A siit , kačo , kous , vid’ ende pasportuoid ei olnu .
A siit ku rubettih pašportuoid andamah da kai ka , kelle midä ku spiskad otettih , kellegi vuotte ližättih , kellego puolettih kellegi midä , mahaittih andettih pasporta .
A nügü pidäu točno .
A siid vie ende , papid häi ristitel’t’t’ih da kai ka moužet’ , andetah nimi .
Erähäle , kačo , mugai tulou .
Hüö andetah , kahte nedälit , edele kahte nedälid d’älgele .
A vit’ se tožo opät’ dvigaeca sih kedätahto pandah , vot mugai nimet i nene pervoditteheze .
– Oligo toižit surtte rodud vie Pelduoižes sigä Haudal ?
Ka Haudal siid mugošte ül’en surtte ni olnu ei .
– Mualal ?
Mualas se Mišan rodu se kai F’odoroviden .
Se heil rodu siit , vel’l’est äi .
Nu a ižäd d emäl ej olnu ni kedä , poigad äi da .
Pešam Mišan rodud ni kedä ni olnu ei Fodorovit .
A siit poigat kačo suadih äi .
Ka Makarou liennou olnu heiden rodut .
Vot Makarovikse kirguttih , niitud heill oli , ühte Mit’uil d’agetut .
Vot lähted niituile , kui neččidä , mi vie F’odorovil Pešam Mišan , mugai Makarovil ühte d’agovuittid ol’d’ih , naverno siid Makarou olnu heiden .
Pelduoižen külän rodukundat
Ludian
Southern Ludian (Svjatozero)