Texts
Return to list | edit | delete | Create a new | history | Statistics | ? Help
Tankoin vaštuanda
Tankoin vaštuanda
Karelian Proper
Tolmachi
Vojuičiin mie
äijän .
Äijän i rawdua kolot’ittih miwh .
Kahekšan oskolkua i n’yt on miwšša , pikkaraz’ie .
Že n’ičevo , možot nowššah hil’l’akkazeh , a jalga ei spruavieče .
L’iew dubinazenke kävel’l’ä .
I t’ämä n’ičevo , kävel’l’äh i kos’t’el’iloinke .
Zato i n’emčalla annoin ägied’ä .
Mie komanduičiin prot’ivotankovoilla orud’jalla .
Ennen šid’ä ol’iin minom’oččikkana .
Minom’oččikana pahembi , harvah konža n’iät äijängo mid’ä ruavoit , ed’ähäd’ä ammut .
A prot’ivotankovoista ammut i n’iät , kuin piet’t’yw .
A ei piet’y , n’in šid’äi kačo , što pägeillä talluaw .
Kerran šeizoma myö gorakulmazešša .
Ed’izeššä ei šuwr’ikkan’e goran’e , a taguana meččän’e .
Miän orud’ja hawdazešša tuhjon taguana .
Mečäššä , meis’t’ä voittuan oigieh randah , oldih pehot’incat .
N’emča t’ieži , što miän pehot’incat n’äil’l’ä paikoilla ollah , viel’ä šidä päiviä vaš hyö nastupaidih , da ottua ei šuannun .
Miän huavattih , što ras pehotalla ottua ei šua , n’in tankat t’yönnet’äh .
Vot myö varuz’iks’i ših i šeizawduma , vuotamma ,,gos’t’ie“ .
Viikon vuottima , äijän tabakkua poltima vuottuas’s’a , vdruk kuwlemma : jurissah gorazen taguana .
Tulla heil’ä ol’i yl’en udobno , goran taguada meil’ä heid’ä ambuo ei šua , a konža gorašta viijit , n’in joi ambuo , duwmaijah , ei l’ie konža , jes’l’i na polnom gazu furahuttua .
Hyö šen’iin duwmaidih dai myö n’iinže duwmaiččima .
N’iin hiän i viid’i .
A mie ennen huavain , što porasčotu ambuo t’äššä ew konža , pid’äw varuštuačie ambumah pr’am’oi navotkoi .
Omilla salduatoilla vakuššiin , štobi ruattais’ palavemma .
Hyviin ruattih !
Gulu l’ähenöw , lähenöw i ka toin’e toizella jäl’l’es’t’i virviečet’t’ih gorazen taguada kolme tankua , voittuan meis’t’ä šiiričči kohti meččäzeh , mis’s’ä pehotta ol’i .
Miän pehot’incoilla , naverno kawhie tul’i ših mänöh .
Meil’ä orud’ja ennen zar’ad’ittu , snar’uadat varuššettu , štobi ostanowhkua ei ol’iis’ .
Vuotella ew konža , šiin’ä ken ennät’t’äw .
Kuin vain ožuttuačettih , ka mie i alloin heid’ä pukšuttua .
Ei kerit’t’y meččäh doid’ie , kuin n’el’l’äl’l’ä snar’uadalla kaikki šibiin .
N’ämä , duwmait , viel’ä ei kerrit’t’y piet’t’yö , a jäl’l’ešt’i viel’ä kolme halguaw .
Kaikkiedah naverno heil’ä int’ervala ol’i puol’i virštua , vähiä en’ämbi .
N’ämä viel’ä metrow nasto l’ähembiäh viijit’t’ih i tuaš voittuan meih kyl’l’iin .
Mie i n’iid’ä napr’iin čabawttua .
I n’e ennen meččiä kaikki šibiin .
En kerrin ammundua piet’t’iä , ed’embiänä enžimäz’ie tankoida viel’ä kolme tankua viid’i .
Yhen i n’iis’t’ä vir’it’iin , a kakši meččäh kočahettih .
A šiel’ä ol’i prot’ivotankovoi ružja .
Ružjašta molemmat vir’it’et’t’ih .
Yhekšäštä n’i yht’ä ei piäššyn .
A miwn dol’ah šeiččimen .
Šiid’ä bojušta i ord’enan miwla annettih .
Tankoin vaštuanda
Karelian Proper
Tolmachi