Texts
Return to list | edit | delete | Create a new | history | Statistics | ? Help
El’et’t’ih muamo i kakši poigi̮a...
El’et’t’ih muamo i kakši poigi̮a...
Karelian Proper
Tolmachi
El’et’t’ih
muamo i kakši poigi̮a .
Yks’i poiga ol’i hajukaš , a toin’e ol’i howkka , howkka Iivan , vot .
Yks’i poiga l’äks’i ohottuolla , a toin’e poiga , howkkan’e , i šanow : „Davai , muamo , i mie l’ähen“ .
Muamo šanow : „Oh , howkka , kunne šie l’ähet , raz’i ši̮aw pywd’iä šiwla , mingo ?
Ei ši̮a , ei ši̮a pywd’iä !“.
A hiän šanow : „Ana , šanow , miwla kowkku da labie (ružji̮a ew : vahnembi poiga , vel’l’i , otti ružjan , toizella ew ), mie l’ähen kowkunke da labienke ".
Nu muamo ando kowkun da labien .
Hiän hyppäi , hyppäi : tulow hukka vaštah .
Hiän hukkua t’äd’ä labiella da kowkulla lohmai – i tappo .
Hyppäi kod’ih dai šanow : „Muamo , kačuo , mie tapoin , kuin koiran , harmuan , dai l’äks’iin , en tuonnun kod’ih ”.
– „Mid’iä šie et tuonnun , oh , howkka Iivan !
Ois’ ollun šiwlaššen tuluppa !”.
A hiän i šanow : „O , l’ähenžen tapan ”.
L’äks’i tappamah .
Tulow rebo vaštah .
Tul’i hiän , tuaš revon t’ämän tappo , tuaš i hyppiäw hyväl’l’ä miel’in .
Hyppiäw muamolluoh : ,,Šiel’ä , d’eskat’ , viel’ä tapoin !”.
Tul’i , šanow : „Tuašen kuin koirazen , ruškiezen , pörhäkkäzen tapoin ”.
I tuašen ihaštunnun tulow : „Tapoin ”.
Muamo šanow : „Mid’iä et tuonnun ?”.
– „O , l’ähenžen tuon !”.
L’äks’i tuomah .
Tulow jän’is’ vaštah .
Jän’iks’en t’ämän hiän tuaš tappo .
Tuaš hyppiäw .
Tuaš tulow : „Muamo , šanow , tapoin mie harmuazen , kuin kaz’izen , korvazet hörpäzet .
Tapoin dai l’äks’iin ".
A hiän šanow : ,,Mid’iä šie tapoit , a et tuonnun , ois’ ollun šuapka !”.
– ”O , l’ähenžen , šanow , tuon ”.
L’äks’i tuomah .
Tulow pappi vaštah .
A hiän pappie tuaš lohmai labiella da t’äl’l’ä , nu ožai , labiella da kowkulla – i tappo papin da tukista i taššiw hän’d’ä .
Tul’i ikkunalluoh , toi t’ämän papin dai šanow : „Muamo , ka toin , šanow , tulupan !”.
Muamoh šanow : ,,Mis’s’iä on , ožutua ?”.
A hiän šanow : „Ka , šanow , on krinčoin luoh pandu ”.
Muamoh tul’i , kačahti .
Kaččow : pappi !
Dai šanow : „Šie mid’ä ruavoit , howkka , šanow , Iivan !
Mäne peit’ä , šanow , ruvetah šilma t’äštä šyvin hawkkumah ”.
Hiän män’i kyl’yh palat’in alla tungi hänen , dai l’äks’i kyl’iä myöt’ kuččumah šuolua-l’eibiä šyömäh .
I šuarna kaikki .
El’et’t’ih muamo i kakši poigi̮a...
Karelian Proper
Tolmachi
Жили мать и два сына...
Russian
– «
– «
– «