Texts

Return to list | edit | delete | Create a new | history | ? Help

Nägin kondijat

Corpus: Dialectal texts

Mikhailovskoye

Informant(s): Vdovina Fedosja Grigorjevna, 1901, Ustje (D’ogensuu), Olonecky Destrict, Republic of Karelia
recording place: Mikhailovsky, Olonecky Destrict, Republic of Karelia, year of recording: 1983
recorded: Баранцев Александр Павлович

Source: Образцы карельской речи. I. Говоры Республики Карелии, тихвинских и тверских карел, (1994), p. 391
audio archive of ILLH, KarRC RAS: №2744

Nägin kondijat
(Ludian)

Kävüigo kondii kagruoih?

Kävüi kävi, kävii. Mie vet’ sil’ei ehtal’ sanuin. Tuatt tüön’ž’ meit vel’l’enk, Iivo-vel’l’enke, n’üg om kuolnu, hänel’e liinop kaks vuottu. Mia üksin nügü d’iäin d’o. En’t’iä midä müö kodiš olim. Müöhä mänim sinne, d’o hämäriin’e. En’t’iä midä müö mänim minna. Midä häin, en’t’iä, olimek müö pruaznikal va en’t’iä kuz d’o müöhä mänim. Ruadol olnu em ka en mänim, ka tuatt se t’ägä meil tuohet naladinu, kaik naladinu. Sanop: ”ku mänet ka tuoda se, ieliiž ve. Kus dorogal libo kus ka čir’n’igat tuoheze dai lämüö dai häin uidip”.
Müö ku mänim, ka häin t’äs se stuanus ištup siga da kagrpeld om ka sinnepiä. Ninka kacub da ištup. Nu vie mil’l’e anduo batugan va en’t’iä min. Mia sab viritan da panen toižen tuohen. A siä heitata muad vaste libo batuga t’äta vaste. Da häin i läks’ irdal’e. Da müö davai lämüöt siäta sil’l’e siäl’e. Da kaik em ruoht’ kuni kunna l’ähta. Lämihiden siädim net kalud ol’d’ihe panim. Dai l’ämüö se palamaha rubež da siid äski. Mänim mečäs n’ämit puit tuomaha da ve panemaha sihe. Da siid oli laudut, pandut n’inkal’e. N’inkal’e laud oli pandut. T’äs puu t’äs toin’e. A batugal t’äs laudad vaste ninka heitatel’en. Da ei mie san n’ügü t’äss, lämüö om da kaik k ei tul’e. Da sit lämüö naladiihe da siid en’t’iä vott vai mida da.
Mie siid ištuim, ištuim da süim palaažen da äinoz laudad vaste vai heitatel’em, ezma üks’ magadav a siit toin’e. Da muga huomese sa olim. A elnu süönu, uid’nu oli. Olnov ende süönü. Hän mäni kačmaha, sanup: ”Vuota lähten kacun. Kugali om süönu libo mida”. Ka häim mäni kucui kucui mie ve lämüöt naladin. Ka end oli süönü а meid’en äiga ielnu sid süön’ü. Pölgatim ka uidi. Vot siemensit dai l’eip süödihe mečäs ei mužikal’e i doidiinu.