Texts

Return to list | edit | delete | Create a new | history | ? Help

Omas elaigas

Corpus: Dialectal texts

Mikhailovskoye

Informant(s): Zavodova Evdokija Ivanovna, 1915, Njuhovo (Üličik d’erein’, Üličinkülä), Olonecky Destrict, Republic of Karelia
recording place: Mikhailovsky, Olonecky Destrict, Republic of Karelia, year of recording: 1983
recorded: Баранцев Александр Павлович

Source: Образцы карельской речи. I. Говоры Республики Карелии, тихвинских и тверских карел, (1994), p. 400-401

Omas elaigas
(Ludian)

Oligo sinun tuatol suuri pereh?

Tuatol minun pereht, miä tuatad ni mušta en. Minul tuat l’äks’ vet’ šesnacatom goduu voinha. Da sinnai d’oudui. Ni miä ni tuatad ni mušta en, pikkain’e diäin diedan ker, da buaban ker da elin, da muaman ke, koumei keskei. Nu, a siit tulin tännä, ka siit täga. Tännä d’o D’ogensuol’e elämäha elin kaikked elot. Puutui, puutui kaikket. Kävüim pilaamaha dai, dai kaiket pidi pilada, pidi, dai vedada pidi, dai splavua ajada pidi, dai. Nu, splaval nuostal’ta pidi nämit kaiket, kaiket elost el’än ol’en diän, ol’en. Tuatota el’ämäha, ka pienes saiten mušta et tuatat ka. Pikkarain’e l’äksin d’o vuott ükstošt oli, ka d’el’ankad da l’äksin ručkaha pilamaha meččaha. Ka seičmetoš vuot pilaamaha kävüin. Ka nügü kaikiš dieluožet kaikki pištaav dieluožet oli kaiket.

Kunna kävüitte pilaamaha?

Ka pilaamaha kävüimme Melkuoš, pilim Mečuoiniemes pilim. I Üliciš ol’d’ihe d’el’ankat, i pilim Mägräd’ärves pilimme, Suojogel piliimme. Kaikel’e kävüim pilaamaha. Splaval sie, omas Üličin ol’d’ihe splavad dai Il’l’inskuois splavuoil’e kävüim, dai Il’l’inskuoiš, ka nouštim, dai kaiked ruaduim sie. Pidi kaiked ruata pidii rigačut, tapta dai vedada dai kaikket pidi ruata. Nügüo om hüvä lapsiil’e kazvatada. Lapsiid nämit kazdaha, ka ei tiekuo nämid dieluoižid, ni mida vai kromi kird’aažet. Kir’utetaha da mida ruata da va školaha. Dai sidä on d’üget kävüda lapsiil’e. Kaiket, kaiket puutui, kaiket puutui ruata. Dai l’eikata dai kaiket. I skirduohe panda, dai kaguohe panda, dai kaiked om puutnu. N’ügü pidaaž el’äda nügü hüv oliiž el’äda, ka bol’eičen, bol’eičen. Bol’nii ol’en, saharnuoil diabetal bol’eičen daže. I henget bol’eičen.