Texts

Return to list | edit | delete | Create a new | history | ? Help

Emaguset

Corpus: Dialectal texts

Mikhailovskoye

Informant(s): Zavodova Evdokija Ivanovna, 1915, Njuhovo (Üličik d’erein’, Üličinkülä), Olonecky Destrict, Republic of Karelia
recording place: Mikhailovsky, Olonecky Destrict, Republic of Karelia, year of recording: 1983
recorded: Баранцев Александр Павлович

Source: Образцы карельской речи. I. Говоры Республики Карелии, тихвинских и тверских карел, (1994), p. 405-406

Emaguset
(Ludian)

L’eibät vit eri emändäl, emaguol’e eri l’eibat sinna paštettih?

Kutt eri?

Paštuoi. Paštettih eri l’eibat!

Nu l’eib l’eibaks paštihe emagus emaguseks. Siät’t’ihe kalitkuot, siät’t’ihe, kolobuot siättihe, skan’čuot. Konzgi midä. Sii olan’d’uod i kürzid, i kürziid i kagrašt d’auhot siädel’t’ihe ka karkaraižees d’auhos paštet’t’ihe. Čupukuoks tejen kiel’e kačupukuokš”, kürziid dai sul’čniid dai kaike luadittihe. Dai kuašuoid dai kuašan ke da kürziit süöd da.

Kui siädihe talkunat?

Talkunat? Hauttihe. Talkun haudup, hautta pidap. Paned vedehe, kiehutat haudut. A siit kuivdat. I talkun mäned d’auhod dai talkun siegluočet. Dai talkun, muga luaittihe talkun.

Minkera süödih se talkun?

Süödih, i voihe piekstihe dai muar’aha piekstihe, süödihe d’äl’gel’e. Ezmäi suppit süödä, siid süödäh. Talkunt pieksät, süöt voihe piekstaze i muar’ha, da süöt talkund da emaguseks kolobuohe, ščipanikuohe. Talkun kaikel’e pädi i nügü pädöp. I nügöi ve siadam kac kolobuod da ščipanikuot hot’ ous’ankuot, kus suad vähääžen ka siädad da paštad da tože. Süö paštlim hot’ duhofk om, ka s’oroun paštam povadinuzebad olem ka.

Kui paštettih kurnikkat?

Kurnikat muga päčiš paštihe. Luadid da paštihe dai. Kurnikat tožo päčišš paštihe. Dai nügü vet kurnikuod voib luad’ta. Kalad vežal’ om ka, da duhofka paned da sigai paštetahe. Vie mida?

Vie mida. Miittumat ščipanikad oldah?

Ka ščipanikad raznuot. Om suurim ščipanikuod, on talkunt voiv vie siäta i rahtus, i voib luatida i brosul i s’akuod voib luatida. Mihe tahtup, mittušt tahtuu, muga i nämit, se om i nügüö brosiid da dieluot tožo. Os’tad d, voib siäta kell om žalanii. Ken ei kiehta ka. Üht l’eibat vai süödäh, om nügüö raznuot. Ei kaik paškuo, nügü laukas ottaze da kaik.