VepKar :: Texts

Texts

Return to list | edit | delete | Create a new | history | Statistics | ? Help

Pidin l’ehmat

Pidin l’ehmat

Ludian
Mikhailovskoye
Pididgo l’ehmät?

L’ehmät pidin! N’ügü kahesa d’o vuott, navern ühesa ej ol’e l’ehmat. A d’o lapset mindaa rubettihe šumimaha, sanup: ”Mihe silie l’ehm?” damiä s’ä rikutuo?” Mie ol’en vet kaikkedgi kuss e oliiž hot’ t’äss üks milai l’ähemba, k en lähtiiž ni kuna. Ka iel’e ni keda kaik om milai edahan l’ähemba t’äss Vuažn’as. Vot.

L’ehmän ostit?

Ka.

Kouz oli sinul, pidit l’ehmän?

L’ehmäm müö souhozaz va kolhozass ostim, l’ähtmääžen hubaažen. I zavodim sida pida, sida pidim. Siit se mäni minuol’e, siid an’t’t’ihe. Tul’d’ihe finat meil’e, vokurat ol’d’ihe tuldut. N’ämat finat an’t’ihe l’ehm meil’e. Hüö, hüö i minat se pan’d’ihe. Heiden minuol’e männih, ka siit an’t’t’ihe meil’e l’ehm, sidä vähääžen pidim. Siit t’äma sovhozaha, ei kolhozah zdaim l’ehman i vazaažen. Sig an’t’t’he l’ehmaane. Sel l’ehmaažem mös kondii süi.

A kuibo se oli?

Ka vot meccas se meil, zades’at’ kilometrov kävütaze kezal. I sinna med’ved’ i süi t’äman l’ehmaažen. Siid miä oli diänu vazaan’e, härgään’e. Tämän härgääžen kazvatiin. Dvesti p’äis’at kilogram olii, siit t’äman miä, mös viin D’ogensuoh. D’ogensuis sig ol’d’ihe prijomšikat tuldut priimd’eh ende l’ehmit se da kaik. Siit hüö milie an’t’t’ihe sigä l’ehmaan’e. Šiid miä t’äl l’ehmaažel. I rubežin el’ämaha. Da siid d’o d’äl’gess omam mös vazaažen kazvatin da. Sil i l’ehmaan’e oli. Ka šen d’o siid d’o sousim zdaim. Vunukan kazvatin. T’äha se kahesa vuodes sa dai l’ehmaažen zdain. I nügü ni l’ehmit, ni lambhit, ni keda ij ol’e d’o. Lambhit se pidim ka praud. N’ügü d’o kolme vuott eij ol’e lambhiit, ei ka lambahat se pidin. A l’ähted gul’at’ ka ei ni keda!