Texts

Return to list | edit | delete | Create a new | history | ? Help

Kui počči l’eikataze

Corpus: Dialectal texts

Mikhailovskoye

Informant(s): Andreeva Ekaterina Efimevna, 1917, Sjurga (Sürd’), Olonecky Destrict, Republic of Karelia
recording place: Mikhailovsky, Olonecky Destrict, Republic of Karelia, year of recording: 1983
recorded: Баранцев Александр Павлович

Source: Образцы карельской речи. I. Говоры Республики Карелии, тихвинских и тверских карел, (1994), p. 416
audio archive of ILLH, KarRC RAS: №2750

Kui počči l’eikataze
(Ludian)

Kui počči iškedäh?

A ku ken, kut maltap kengi ambub, da kengi iškob halgol da.

Kui sinä?

Mie han miä, milaa mužik iškel’, miä ičč en iškel’nu. Nu mužik iškel’. Eraz olii, ve počč oli Madrogas tuodut. Mustil da vauktil oli ka. Išk kolme kierad da ei poč langenu. Oli vägev häin, sangiet. Häin mida racil’e nouz’ da davai kurkut hüčetada racil. I eip ol’e kosken роčč. Kurkud hüčütab, hičütap siga, nu počil. Poč mäni d’o čupuižehe, ve miel’ unoht’ se häin kurkut. Iče sel’gas ot’t’i mec!
Nu rikuoi s’orovno. D’äred oli poč se. Ka lapsed ol’d’i, ka vet pidi midä ni but’. Ed ol’e muga. Süö kazvata lapsiid mugališto. I mie d’äl’ges ainos počin pidin, nügü l’ehmid iel’e, ka ni počiid, ei peze, iče süön lihat, ka d’oudav om.

Kous kurkun avaitah, kerättihgo veri?

Ei ottud müö. Müö em keratud void, veriid em em. A vot mie Br’anskaz olin tüttärennu ka. Siga počči l’eikataze. Hubain’e reiguin’e siätaze srazu. Siga ei iškuo poččit. D’auguoš tabataze počči. I srazu reiguin’e siätaze. Kolmei mužikat pidetä tämä роč. I kai tämä veri valututtaze kosr’ul’kah libo kunna irdal’e. Eini tikušt bazaril’e piäskuo vert. Siid müö tämä ve veri. Milaa tütär om ka ei süö häin ei süönü. A hüö siga ot’he t’äma veri. Keitta i t’äma veri ve entiä mida ruadaze. I süödaze. Süödä t’ämä veri. Ei piäskuo ni mittušt rikašt. A ku müö em olguo povadinat ka müö kact em voiguo. A musket tulov veri se must. Nu süödaze. I siid i l’eikata da. Siid i t’ädä špikkat se žuaridaze, siid i süödäze. Oi, miä em voi kacta, em voi. A siga роč l’eikatase pit’kin. Kaik ned роč tuodaze t’ähä sa hot’ kunna. Kalidorah libo kuuna stolal’e panoba. I siid l’eikata ninkomil’e l’entočkuol’e. Kaik piäs i tännä händhä sa kaik l’eikatah mugali. I mäntiä, kutt om d’elita. T’äss lihass, t’äma špik kaik, n’ämä l’entad irdal’e od’d’el’no. Siid nämid l’entuoil’eze. Muga, hot’ d’aššikah libo kuna kaikneze muga panoba. Siit suolal’e, suolat panoba sloja. Siit toin’e piäl’e i kaik muga. Suolataze n’ämät l’entad.