Texts

Return to list | edit | delete | Create a new | history | ? Help

Pövü

Corpus: Dialectal texts

Mikhailovskoye

Informant(s): Andreeva Ekaterina Efimevna, 1917, Sjurga (Sürd’), Olonecky Destrict, Republic of Karelia
recording place: Mikhailovsky, Olonecky Destrict, Republic of Karelia, year of recording: 1983
recorded: Баранцев Александр Павлович

Source: Образцы карельской речи. I. Говоры Республики Карелии, тихвинских и тверских карел, (1994), p. 428
audio archive of ILLH, KarRC RAS: №2751

Pövü
(Ludian)

Kui siättihe pövü pövüit?

Ka kut siättihe, lambahat ku l’eikataze villuon ke, nahkaažet siätaze. Libo siädho antaze, kem maltap ka siätaze iče. A ken ei malta ka andap siädoh ken maltap siga. A siid ombelzutap näma pövüt. Tošči omblijat kävel’t’ihe ombeltaze. Nu, a tošči mujal ol’ ombel’ta kem maltap. A eraz omblii ombl’ob da riičip kümn’e kierat. Vot pövüd ei d’ogahiin’e ombl’e. Nu, meil se ei olnu pövüit. Meid’en aiga d’o pövüid ei olnu ka. Kons osto pövüin’e ka laukaz libo mida osti näged narod a. Ej olnu. Nu fermal’e oli sie tuodut kolme n’el’ laukha ka fermal’e an’t’ihe brigadiruol’e. Ei ka ni d’äl’ges pövüid em olguo n’ähtut.

Vot ende ken maltuoi pestä, piesta nahkat?

Oi ka vahnat starikat mauttihe. Da kut siätihe entiä meid’en aig ei siatud d’o nahkuot. Muga va müö kuulim što nahkat siätihe ninkali. A nügü ei d’o siäkuo. A t’äss Ivanov milaa ot’t’ konz mila lambhad ol’d’ihe. Miä d’o d’äl’gimäi kolotiin lambhat ka: ”Anduo kolme nahkat milaa” - pokičči häin. Sap: ”Siäda tuoitan”, sap: ”Vien L’eningradaha”, a kuna häin viei en tieda mia. A ot’t’ milaa nahkat se ot’t’i. Sav: ”Vien L’eningradaha siädaho”. Ka vie hot’. Milie ei piä ka d’oudaze”. A n’ügüö nahkuod ni siäkuo nügü meil priimida nahkat. Kaik. I ve lambhan, i počin, i vazan, i l’ehman, kaik nahkat priimidav. N’ügüö ei ankuo vet siäta se. Ende siätihe kon’ešno i op’t’ihe možet eraset iče kaik hapatet’he eraset ed vet malta.