Texts
Return to list | edit | delete | Create a new | history | Statistics | ? Help
Pelduoižen lohkon külät: (2) Simaništo, Vašakke, Sürd’e, Barduoiniemi, Lahti
Pelduoižen lohkon külät: (2) Simaništo, Vašakke, Sürd’e, Barduoiniemi, Lahti
Ludian
Southern Ludian (Svjatozero)
Siid
d’o se Siidniemes proidiu nu , еi ole pien’ on , nu puoli kilometrid olnou välit’ , Simaništo .
Simaništo tožo moine oli : kävüimme pruaznikuoile dai gostih toine toiželloh omad oli sigä ka .
Hüö tožo ruattih neččinä Kaškanah piäi Leppiselgäle .
Peldod oli pahat , Lepselgäle ruattih , kakskümen virstat küläspiäi , sinnä tožo rugište pidettih da ozrat .
Siit se külä tožo pruaznikal kävüd da gostid da oled .
Da iče saneltah net ol’d’ih omat ka kui el’etäh da kui oldah .
Kalat suadih , riäpüöit , verkoit pidettih , nuottat püuttih .
Da ongele kävüttih sügüzel .
Ku d’iä rodih il’l’end’iä siit ongitetah madehte , kalat sigä hienošte maimat pandah da madehte suadih .
Vot mugomat heil’ sigä püudöndäd da sügüzel d’o ku ruado se loppih ka azet heil’ .
Siid on Simaništon proidihui Vašakke .
Guba on suuri , kai gubaz eli sinnä suuren d’ärven guba on moine pitke , sigä Vašakaks kirgut’t’ih .
Siid oli Kohtpeldo , Kuare , tožo d’ärvirandaižes tožo muga eletäh .
Kengi bohatembi kengi köuhembi , köuhembe siid burlakuoiččou da bohatuoile ruadau da .
Siid oli d’o niemel sigä Vašakke lähti kaksailepiäi doro mi neče moine külä d’o suuren d’ärver’randa i Vašakan gubah .
Časoun oli niemel , pieni časounaine eisurde (eisurd’e ⊂ eisūri ), pruaznikuoittih tožo kevädel .
Kävüimme müögi , d’o miehell oldez olin , pruaznikuoil dai neidišš olin dai kai sii Vašakkah , kiriiii mefoniillo .
Nu siid d’o Suuri’d’ärvi se lopiškandeh tännä Pühärveh piäi .
Siid on su neče Sürd’e .
L’esničein’guba on l’esničesve oli sigä grežal , moine sadu lesniičestve kuz e pidi meččäd ottai libo midä , palstad net ka l’esničesvah kävüttih ottamah , libo parki leikkadammah libo halgot .
Ka lesničesvaz andettih bumak vot siid i kirguttih l’esničestve .
Sürd’ oli , Sürd’äs tožo muga kengi bohatte da kengi köuhe da kai köuhät burlakuoittih tožo , Trikun da siid nene Omosim da kai .
A ken oli bohatembe ka hüö kodid ruattih , da vie vierahid ruadot (ruadot ~ ruadajit ) pidet’t’ih , siit kazakkan da .
Omešan da Mišin da Gauruškinad net sigä bohatembat ka siit keuhid ruatutettih .
Nu siid d’o on kačo lähtöu se ...Sürd’e loppih , siid oli Barduoiniemi .
Barduoiniemi d’o pogostan d’ärven randas , se d’o d’ärvi loppih , om vie vezi mänöu ükse .
Ka siid on gubiden keskell on moine kaku suari keskučče Pühäsuar’ oli siit edes časounain oli pühän Pedrin .
Sih časounaižeh kävüttih , kuuzikko moine seižuoi suuri .
Vot Barduoiniemi siid oli sen d’ärverrandas , Pogostan d’ärvekse sanottih .
Suuri d’ärvi lopih , nečis Pogostan d’ärven randas .
Nu siid Barduoiniemi kiändäheze d’o pogostale , pogoste tožo Barduoiniem oli oigedal kädel , a pogoste oli hural kädel sigä Simaništos tuldes .
Se d’o pogoste nazivaiččeh oli : kirikk oli .
Se mägell elettih .
Nu a l’esničesvas sig oli vie guba heil moine , nu d’ärv’ oli ka kirguttih Podzanagd’e , Podzanagd’all eletäh .
Guba se moine , verkuoid ei pidettü , läpüöižikko ka ajetah venehit pidetäh da kai .
Siid oli Barduoiniemes piäi lähti Pogostan d’ärves moine [Salmi ].
D’ogekse kirguttih Salmi lähti Čarniemen küläh Taigin-lambil’e sinnä .
Taigin-lambiks kirguttih , lambi oli .
Siid oli d’o külä sigä Lahti .
Tožo taluoit kuus seiččei el’et’t’ih ken muga voit ed malta omad muat , külvetäh da kündetäh da kai ku oli , meččäd ruattih kaikin .
Nu siit on se oigedas kädes siid hurah kädeh tännä d’o se Čarniemi zavodiheze .
Öpät’ lähtöu Taigin-lambis sinnä oja , nu pieni d’ogud l’ähtöu Pelduoižen d’ärveh .
Elettih , ühtet čurall elettih salmit toižet toižell elettih .
Tožo kengi muga röbüöižen bohatat taluoit : siit i Kärpan siiten , Luas’s’ain , Borisat , ned voivalližed bohatat .
A muut köuhembe sigä Sepinäd da Romuoižen da , nene Lukin Van’ad da kai , net keuhembät tožo .
Siid d’o kačo zavodiheze Pelduoižen d’ärvi sinnä Pelduoižen suuri d’ärvi .
Nu a Pelduoižiz lähin siit tožo niemed ol’d’ih : Vierniemet , Pl’ekunniemet , Mualansuari , huras kädes se ajat pogostal’piäi .
Elettih d’ärvel .
Ei muut enämbi külät siid ül’en lähin iellu meil Pelduoižis .
– Nu miituine külä oli Siidniemi ?
Siidniemi oli sigä Suuren d’ärven n’okas , Suurel d’ärvel kirguttih , Simaništon d’ärvel sigä Siidniemi .
Pelduoižen lohkon külät: (2) Simaništo, Vašakke, Sürd’e, Barduoiniemi, Lahti
Ludian
Southern Ludian (Svjatozero)