Texts
Return to list | edit | delete | Create a new | history | Statistics | ? Help
Pelduoižen lohkon külät: (10) Suoluzmägi, Lohmuoi, Vidan
Pelduoižen lohkon külät: (10) Suoluzmägi, Lohmuoi, Vidan
Ludian
Southern Ludian (Svjatozero)
Nu
a sid d’o tännä lähted lidnad lähembä ka Suoluz mägi tuli .
Suoluz mägeh tulet siid d’o lidne .
Suoluz mägi , kačo , tožo kodid ol’d’ih vahnah luaduh , školat siid da kai ka vähäg oli .
Nu a siid d’o lähtet Suoluzmäges ka kuus kilometrid ielnu ni miitutte eläjäd ielnu .
Daže varaidat eig ole nenit .
Ajelit siit üksin dai art’t’eliz kai varaida : eiku tule nenit kedä midä sidä ... špijonuoid libo midätahto ...ei špijonuoit , a rikko vai humal’n’ikuoit libo midä .
A siid d’o tulet tännä , časounain oli kuus kilometriä nečiss Suoluzmägespiäi , siit časounaine siit zavodittiheze pajad da kai , d , lidne d’o zavodiiheze .
Petučilišše oli nečiz oli d’uuri se oi d’o mi se niglinkän randaz oli sih , pajad ol’d’ih , nu siid d’o sinnä kodit zavoditah da sit .
Magazinuoih laukuoih mänet sigä , ostad midä tahto da , oled da siid öpät’ kodih d’ärilleh – vot lidnaks sanottih .
Daže minä muštan lidnaz miittumad i kupsad ol’d’ih , tuled sigä lähted oli : Petr Timofeič , Onohinal eli .Siid oli Gord’ejou , Gerсеnäl elettih .
Daže kodin siat muštan kuz ol’d’ih magazinaižet pienet .
End ei d’engad ielnu ka vit’ i nene mast’erskuoid da kai sigä zaberitah kuukse .
A küläspiäi tulet ka pidi d’engah ostai .
Siid daže andetah dorogah čäjut pampuškaine kakskopeikkahine štobi toš kieral mänižit heil ostamah .
Nene ol’d’ih Gord’ejou ...da siit Onohinal Gord’ejovam magazin oli da siid neče Petr Timofeičan oli Gercenäl .
Siid Gord’ejovale müö vie tuled zarabotkah , halgod vedimme , piliimme , kolme hebot sügüzel .
Halgot pilittäi pidäu .
Mužikat kou kahtei mečäs koivut kuadetah kahtei vedetäh , kolmei pilimme , pinoh panemme .
Minä sidä em voi muštai neidiššü vie olin , kui häi čotaii meile .
Ka üliči dvoran panet pinot , pinot , pinot , pinot .
Hänel ku oli pekarn’at sii kodiz da kai ka kai lämmitettih .
Siit kai meit pil’ššiküöit kuččū emände d’uomah kuhn’ale .
D’uottau čäjul libo köfeil libo mid on sigä žuarittud eno hüvim muštan , kapustat panou , kartofeit panou , siid d’uomme da , süömme siid lähtedäh meččäh .
– Suolužmägel ked elettih , lüdiläižed vai ven’alaižet ?
A elettih ven’alaižed dai lüudiküöit elettih ken kuss .
Sih moužet’ tuli kodavävüks vai midä ka moužet i nene ol’d’ih .
L’üudiläižet vidančat navern oli da Koskespiä .
Nu suuri oli neče ka lidnaspiäi sih hüö .
– Ende Suolužmägen külät oligo Vilgan külä ?
Ei olnu , ej olnu ei , d’ogi vai oli üks .
Vilge se d’älgele sroittih .
D’ogi se oli , d’älgele se külä rodiiheze Vilgass .
Ei olnu ni miitutte külät .
Ed ni tiedäiš külit , ka nene ku Pokrovuoile kävüttih Viidanalpiäi da Koskespiäi ka net saneltah miittumat küläd oldah .
Daže minä Viidanall olin .
– Nu sanele miittumat küläd oldah Šuojun d’ogel , zavodimme tigä lidnaspiäi ?
Lidnaspiäi ?
Nu muštuoita miittumat küläd oldih Šuojun d’ogel , randuoil .
Lidnaspiäi enzimäižeks ol’d’ih küläd moižet oli : Solоmani , tämä loppih guba se On’esskuoin oz’eran guba loppih , Solomani lähtöu .
Siid oli sigä d’üri tuli Lohmuoižen , Loha-d’ärvekse kirguttih .
Minä mud en tiedäiš ka peränikät sanottih Lohmuoin oli .
Siid oli Lohmuoižen külä oli , siid oli külän proidihui sigä d’o neče ...Šuoju lähtöu .
Verhn’e Šuiskuoi i Pieni Šuoju se lähtöu Šuojun doged müöti , silde suuri Šuojuz oli .
Nu a siid nouzou ...
Minul ainoz mužikke mušteli sanou ku sroičanpäid on pruaznikad da kaika perä azetettih .
Nu sit hüö tännä Lohmuoižespiäi ku lähtedih .
Viidanall oli Sil’kin Vas’a da kai peränikät .
Kudamat ajettih kezäd üliči , vit’ se proidii suma Šuojund’oged müöti kezäd üliči proidii nu a siid elot pidi suada ka olet kezän kaiken peräll .
Nu , sanou , lähtedäh ku peränikät kai sroičanpäile .
Nu se d’o tägä Šuojun d’oged ülembä Lohmuoižes proidihui ..
Šuojun sildat ülembä , lähembä Viidanat .
Miitutt , Kipruškinan küläd vai kui siid minä niilüöid em voi muštai .
Muštin , a nügü en voi sanoda miittumat ol’d’ih külät .
Siid häi sigä d’ežuurii , sanou häi oli nene oldah kuss on nu heil lihad da kai kui heit sanotah , em voi sanoda kui sanotah .
On nečce plotte moine da neč on pertiine sigä produktad oldah .
Sanou , d’ežuriin d’ežuriin vähä alemba Šuojuz on se sanou ...tulou , sanou , mužikkat kaks kolme sanou , heitetäheze .
Nügü , sanou , näverno brihačču luadu olenka lükäitäh minut sanou d’ogeh vai en tiä midä sanou , libo kiškotah siit e priza pankuoiz on azuttu .
Parziz moine se plotte sigä oldah , nu ielo sanou ni kedä tul’d’ih ka .
Nu sanou : ”Ongo , sanou , sinul midä zakuskat ?
Anda meile , sanou , müö d’uomme viinat , sanou , täss ”.
Nu , sanou , minull oli sigä lihat , d’iädih kudamat peränikät lihad oli kattilas sanou , broskuaššat , heile vadih panin .
Süödih , d’uodih da vie sanou piäh täpütettih : ”Moločče , poige , sanou .Anduoit , sanou , ed varainnu ”.
Da d’uodih viinat , sanou , sigä butilkat kaks vai kolme da lähtedih , sanou , vie piäl täpütettih : ”Moločče , sanou , poige , sanou , meit hüvin gostitit ”.
Nu a siid d’o se ku Šuoju loppih , Ala-Šuoju da Ülä-Šuoju on se äi külät .
Siid d’o sigä lähtöu Vidan : Ülä-Viidan , Ala-Viidan , Kosken külä sigä lähtedäh .
Ala-Viidan se on d’uuri d’o Priäzähpiäi loppu .
Ülä-Viidan se on Šuojuhpiäi ...sinnä Kosken-külä ...Kosken külä se on ...koski matkadau Kosken-küläs siihäi kirgutah Koski , ”Koskilaižet Kosken küläspiäi olemme ”.
Vot Šuojun d’oged müöti net Ala-Viidanassuai proiditah .
Nu a siit , kačo se , nouzou se Ala-Viidan proidiu en t’iä kilometrit kolme vai mi enämbe kolmet , kuus seiččej on Šuojun d’ogi proidiu tagači Poštas .
Kai mänöu oigedan čuran lidnaspiäi oigedan kädem mänöu neče Pošte .
Kuuluu daže kosket kohištah ka Poštah kuului .
Nu i siit Poštas sigähäi prodii d’o ajat nenn ol’d’ih moižet del’ankat se nägüu kai .
Sigä on ku sadu seižou ülähän a ku d’ogi se nečiz alahan .
I Matrossassuai muga kuului , daže Tollin-kosked da kaj ol’d’ih Matrosas .
Oigedal čural proidii .
– Miittumat kosket ?
Tollin-kosked da kai kirguttih , pieni Tol’l’i , suuri Tol’l’i kosket .
Nu a siid d’o sinnä nouzou , kačo , Kutižmon niškas koski on Kutižmo heittäheze sih Šuojun d’ogeh .
Da siid d’o häi , kačo kiändäh , Matrosaspiäi oigedah kädeh entiä kunna kiändäheze Šuojun d’ogi , siidhäi Kindahah da kai sinnä kiändäh .
A siid d’o tännä Priäžäh hurah kädeh .
D’o ei kuulu .
Kilometrid , naverno , Matrosas seiččei kaheksa .
A Priäžäs tännä ei kuulu neččidä Šuojun d’ogi .
Vot mugomat külät sigä ol’d’ih .
– Nu a miittumat küläd oлdah tännä Suunun d’ogelepiäi ?
Suunun d’ogele ?
– Nu .
Ka Suunus sigä venän küläd ol’d’i .
Vie neče Petrouskuoiz rajonas sigä oli nečidä ...Lind’ärved da Päl’ärved .
Lind’ärvet , Päl’ärvet net Suunuh sinnä mändäh vai Šuojun d’ogel en tiä heitetäh ..Oi ej ei .
– Olidgo sigä ?
Olin .
Koikkarin külässuai ajelin , olin , olin .
Se d’o nügü täss oli dorogat , parembat siid olin .
Petrouskuolpiäi ajat ..on oi d’o Poveńčče se , kui sanotanneh ...Končozero .
Končozeraz d’ärved nägin , küläd nägin .
Siid on Paskuoi guban külä , tožo seižuoime sit Paskuoiz’gubas , mašina d’ärvenrandas eläu .
Nu sit ku Spaskuois siit lähtet palaižen , siid lähtöu hurah kädeh dorok .
Minä vie küzelin : ”Mibo neče doroguoid on ?”.
Se mänöu ...Vohtozerah , vot sinnä .
Nu a siit sinnä d’o Koikkarih mänet ka D’ürkän küläd da kai .
Siid müö lähtimme Koikkariz olimme .
Dai daaže olin nečis Girvazas , nägin sildat , kui vezi koskes heittäheze kai oli ende pidettih , kirbonou , ku nenid ruuslid müöti alah .
Tagemba en olnu Koikkarit , Girvazaz olin .
Pelduoižen lohkon külät: (10) Suoluzmägi, Lohmuoi, Vidan
Ludian
Southern Ludian (Svjatozero)
Деревни в окрестности Пелдожи: (10) Сулажгора, Логмозеро, Виданы
Russian
[
[
[