Texts
Return to list | edit | delete | Create a new | history | Statistics | ? Help
S’ežo ol’i pappi
S’ežo ol’i pappi
Karelian Proper
Vesyegonsk
S’ežo ol’i
pappi .
Papilla ol’i kazačiha .
Tul’i arbuzvanke myöja i raviz’ow : “Eigo pie arbuwzi̮a ?”
Pappi šanow : “Män’ekkö , mil’l’ä torguijah ?”
Kazačiha käi i šanow : “Torguijah arbuwzalla ...”.
A pappi šanow : “A mid’ä ri̮atah arbuwzalla ?”
Kazačiha šanow : “Voit ištuočie arbuwzan piäl’l’ä , n’in viid’iw varžan’e ”.
Pappi : “Män’e tuo ” – šanow .
Kazačiha toi .
Nu papad’ja šanow : ”Mie ištuočen arbuwzalla ”.
A pappi šanow : “S’ie rubiet aivis’ skokkimah , omie ri̮adoloida ri̮adamah ...
S’iwla ei ši̮a ištuo , mie iče ištuon , ein’in varžas’t’a ei l’ie ”.
Pappi pan’i vakkah arbuwzan i iče ištuoči arbuwzalla .
N’ed’el’in ištuw i toiz’en n’ed’el’in ištuw .
Pyhän’äpiän’ä ei li̮aji obied’n’a , ei jowvo , ištuw .
Naiz’et tuldih obied’n’alla : ”Mid’iä ewle obied’n’ia toin’e pyhäpäivä ?”
L’äht’eih kyz’ymäh .
Män’d’ih pappih , käz’yt’äh kazačihalda : ”Min’t’än ewle obied’n’ia , pappi ei sluwži ?”
Kazačiha šanow : ”Pappi ei jowvo , ištuw arbuwzalla varži̮a ”.
Naiz’et oldih boikoit .
Män’d’ih sarailla , otettih papin tukišta i vejet’äh : ”Min’t’än et sluwži , iššut ?”
Yks’i nain’e hvat’t’i arbuwzan vakašta .
(Oldih tagapordahat , pordahiin alla magai jän’is’ ).
Nain’e riehkäi arbuwzan tagapordahie vaš : jän’is’ pöl’l’äs’t’y , skokn’i da guomnoaidi̮a myöt pagoh .
A pappi dogad’i da jäl’l’es’t’i hyppiäw da kiruočow , naiz’ie kiruow : ”Et’t’ä andan vähäs’t’ä viel’ä ištuo , vows’o boikoi ol’iis’ rojin varža !”
Jän’is’ uid’i , tavotti̮a ei ši̮an .
Nu i kai .
S’ežo ol’i pappi
Karelian Proper
Vesyegonsk