Texts
Return to list | edit | delete | Create a new | history | Statistics | ? Help
El’iäs’s’eh n’äl’l’äšty yks’i hukka
El’iäs’s’eh n’äl’l’äšty yks’i hukka
Karelian Proper
Tolmachi
El’iäs’s’eh
n’äl’l’äšty yks’i hukka .
Ei t’iijä , mis’t’ä ottua ruogua .
Mid’ä hän’el’l’ä ruadua ?
L’äksi hiän Jyrgi-šyöt’t’iäl’l’yöh pakkuomah hän’el’d’ä miilos’t’ie .
Že šanow : ”Mäne , šanow , kävel’l’äh lovalla vahna hebo pikkarazenke varžazenke .
Hebo že , šanow , šie šyö , a varžan’e jät’ä , ana kažvaw , hres’t’uanalla ruadua hän’el’l’ä hyvä l’ienöw ”.
I hiän i l’äks’i murdamah .
Tul’i , kävel’l’äh , verno , hebo varžanke .
Hukka i šanow : ”Hebo , oi hebo , mie , šanow , šilma šyön !”.
– ”Šie , šanow , šyöt , a ongo šiwla pašporta ?“. – ”On !” – ”A kešt’ä ?”. – ”Jyrgi-šyöt’t’iäštä ”.
– ”A miwla on , šanow , Miikul-šyöt’t’iäštä , ka , šanow , kačaha vain , mie hän’n’än noššan ”.
Hebo hän’n’än nošti .
Hukka šuwn avai da i kaččow .
Hebo kuin potkuaw molemmilla jalloilla – hukka i l’en’d’i .
I uijittih hebo varžanke .
Hukka tuaš n’äl’gähin’e .
Proid’i n’ed’el’i .
Uwveštah l’äks’i Jyrgi-šyöt’t’iäl’l’yöh : ”Mil’l’ä , šanow , miwla hot’ šyöt’t’el’iečie ?”
”Mäne , šanow , goralla .
Kävel’öw , šanow , šuwr’i bokko .
Šie hän’en , šanow , i šyöt ”.
L’äks’i hyppiämäh .
Verno , on bokko .
Šanow : ”Bokko , oi bokko , mie , šanow , šiwn šyön !”
– ”Šyöt , n’iin , šanow , valda on šiwn oma , šie , šanow , olet hukka , mie vain bokko .
I ka , šanow , mid’ä mie šiwla pagizen hyvyt’t’ä : čem šiwla miwlda villoida sträs’s’ie hambahilla , da murennella luwloida , lomaija , lučče mie šiwla , šanow , käššen män’n’ä podgoru .
Šeizawvu , avua šuw , a mie , šanow , kun podgoru l’ähen hyppiämäh – kohaldi šuwh , yn’n’äh šiel’ä i l’ien’en ...”
Ka i l’äks’i (män’i šin’n’e hukka ), a bokko t’iäl’d’ä i l’äks’i l’en’d’ämäh .
L’end’i , l’end’i (hyppäi ), da ei šuwh , a kun oččua vaš šarviloilla poltaldaw – hukka i l’en’d’i !
Da uid’ii bokko .
Hukka tuaš jäi ven’ymäh ...
Nowz’i , viel’ä pahemmin n’äl’l’äšty .
Tuaš l’äks’i Jyrgi-šyöt’t’iäl’l’yöh .
Šanow : ”Mid’ä olgah ana viel’ä šywvä !”.
– ”Mäne , šanow , Pawlovskoilla ; l’äht’öw portnoi rawdazenke aršinanke .
Šie , šanow , hän’d’äh i šyö ”.
Hyppäi , tavottaw .
Aštuw portnoi : ”Ka , šanow , mid’ä , portnoi !“.– ”A mid’ä ?”. – ”Mie , šanow , šilma šyön !”. – ”A ken , šanow , šie olet ?”.
– ”Mie , šanow , t’iijän kaikkie rozmieroida , kaikkie škurua n’äin .
Dai , šanow , mittuan enžis’t’äh , šiin’d’ä i šyöt , bud’i kun olet hukka ”.
Ka i rubei mittual’emah : turvan mittai , šel’l’än mittai .
”Hukka , šanow , olet .
Ka vain hän’d’ä ew hukan .
Ka hän’n’äštä mittuan – da i gotovo !”.– ”Ladno !”
Vert’i , vert’i hän’n’äštä .
Aršinalla rubei ”mittuamah ”: kyl’gie vaš , turbua vaš – jogo kunne !
Že äijäl’d’i sorviečow ...
Hän’n’än sorvi da i uid’i .
Män’i meččäh hukka že (a portnoi l’äks’i aštumah kod’ih ).
Sober’i šiel’ä hukkie , tovar’issoida , kondien l’öwvet’t’ih poput’i , da i l’äht’iet’t’ih tavottelemah .
Tavotellah , tavotellah portnoida .
Že , čais’ , t’ied’äw : hukat puwh ei nowšša – puwh i nowz’i .
Ka tuldih t’äh , sovietaijah , kuin tavottua hän’d’ä .
Kondie šanow : ”Mie že tavottaz’in , no milma , šanow , ei košken , mie en rubie koškomah .
Ka , šanow , mie t’eil’ä n’iin šanon : mie laškiečen alah , a t’yö , toizet , šanow , kaikin miwn piäl’l’ä (t’eid’ä on äijä ).
A šie , šanow , hän’el’l’yöh mänet da i šyöt ”.
Ka i l’äht’iet’t’ih , ven’yt’t’iečet’t’ih .
L’äks’i nowžomah hukka , a portnoi tabakkua n’uwhaičči .
Otti tabakerkašta da i šanow : ”En’n’en šurmua n’uhn’ie , da i – gotovo !”.
Ka kun založi äijän šin’n’e , šiel’d’ä kun čihn’iw : ”Čih !”.
A hukka i duwmaičči : ”Šyön !”.
Da kun kočahtaw , da i uijittih .
T’äššä ših portnoit i jiäd’ih el’ämäh , eiga heid’ä ei ol’iis’ .Vs’o !
El’iäs’s’eh n’äl’l’äšty yks’i hukka
Karelian Proper
Tolmachi