Texts
Return to list | edit | delete | Create a new | history | Statistics | ? Help
Sv’atkina kuwndelomašša
Sv’atkina kuwndelomašša
Karelian Proper
Tolmachi
Kuwndelomah
kävimmägo ?..
Kuin Roštuo proid’iw , kiwguan l’ämmit’et’äh , kakkarua ruvetah paistamah , da l’änget piäh da ikkunašta i pid’äw kaččuo : keššä l’ienet miehel’l’ä , mon’igo talošša l’iew el’äjiä .
Ikkunašta šiel’äi n’ägyw .
A kakkarah luajittu lowkot , l’eikattu .
Šiid’ä tulow kaččomašta t’yt’t’ö .Ikkunašta muamoh kyžyw : „Mon’igo mieštä n’ägy ?“.
Šanow : “Viiz’i “, mis’s’a : ,,Kuwži “, mis’s’ä : „Šeiččimen ”, kel’l’ä mi ožuttuačow , pereh šuwrigo , da ...
L’ienöw ilda .
L’äht’iet’äh kuwndelomah kyl’yn , z’irkaloh kaččomah šulahas’t’a .
Šiel’ä n’ägywgo : kun šinä vuona mänet miehel’l’ä , n’iin n’ägyw šulahan’e ...
A viel’ä kyl’yššä kuaveht’iečow , viikon kuin kačot .
Ein’in männäh br’ihatten , ozoruijah : r’eppänäštä r’iwvun luwvah .
Šiel’d’ä kuin l’äht’iet’äh – hiw-hiw !– hyppiämäh kyl’yštä kyl’äh šuaten , da !
A n’ytten vet’ ei käwvä kuwndelomah .
N’iin n’ägyw heil’äh .
Mie omua ičet’t’äi šanon : ol’iin kaččomašša .
Mie t’äššä kyl’äššä el’än , olen tullun miehel’l’ä .
Ka miwla n’ägy z’irkalošša , ka mie t’änne i miehel’l’ä tul’iin .
T’äššä randua mie en ollun i vows’o , a z’irkalošša miwla n’ägy mužikka , šulahan’e .Da !
Ol’iin mie Kurginalla gost’is’s’a .
Oldih meid’ä ottamašša .
Illalla bes’owdašša ol’ima , Vas’l’eida vaš [14 I ] kävimä [jovella ]: „Aštukkua !L’ähemmä jovešta kivyt’t’ä šuamah : l’iewgo s’il’ien’ägö mužikka , al’i r’aboi l’ienöw ?“.
Jes’l’i s’il’ien’e kivyt popad’iw , n’iin l’ienöw šoma mužikka , ruhmukaš popad’iw – n’iin l’ienöw r’aboi , tuhma .
I män’imä za dva kilometra .
T’ämän , hiemuan , kuor’it t’äštä šuaten , yöl’l’ä avandoh kiän i panet kivyt’t’ä šuahešša .
Himottaw t’iet’ä , l’iewgo [mužikka ] šoma .
Šiel’d’ä tulemma : «Ožutua , šiwla miit’yš kivyt ?»– «O-o ! Šiwn kivyt min hyvehyt !»–«Kačuo miwn !» – «O-o ! Šiwn paha , tuhma šulahan’e !».
Šulahas’t’a kävimä kyžymäh , it’et’t’ämäh lašta kävimä .
Myö ol’ima boikoit .
Uvehta kuoržuttamah kävimä , šigua pagawttamah kävimä .
Šigua pagawttua on trudno !
Ših šijalla pid’äw äijä otviet’t’ie !
Vain ei šua otviet’t’ie – l’iew ploho d’ielat : jäl’l’es’t’i hyppiäw , kuin tuwr’ikka !
Ka ol’ima myö kuwndelomašša , šigua pagawttamašša .
Šiga kyžyw , šanow : „Äijägo on miwla šel’l’äššä šugahas’t’ä ?“.
A šijalla vaštah pid’äw otviet’t’ie : „A miwla tukas’t’a piäššä äijägo on ?“.
Šiga tuaš kyžyw : „Äijägo taivahašša t’ähyt’t’ä ?”.
– „Mi pellošša kivyt’t’ä , že taivahašša t’ähyt’t’ä !“.
– „Äijägo , šanow , mereššä peskus’t’a ?".
– „Mi koššošša lowkos’t’a , že mereššä peskus’t’a !“.
Ka pid’äw šigua kuin pagawttua !
Šiid’ä vaštai rubiew kuwlumah , mid’ä šiga šanow .
Šiga rubiew r’öhkämäh , šiga šanow , kel’l’ä miehel’l’ä [mänet ], kel’l’ä mid’ä [šanow ]...
Is’kiet’t’y šiga , kumbazen l’ihat ollah talvella ahavah r’iputettu , ka že šiga pagizomah rubiew .
Myö iče pagiz’ima šijanke .
N’iin vet’t’en i šiga pagizow .
Šiga kyžyw – pid’äw otviet’t’ie .
Sv’atkoina mänet pagawttamah , mänt’iijä , hen otviet’t’iw .
Šiga ei otviet’i , otviet’t’iw män t’iijä ken , vot .
N’ečistaja s’ila !..
Sv’atkina kuwndelomašša
Karelian Proper
Tolmachi