Texts
Return to list | edit | delete | Create a new | history | Statistics | ? Help
Kui kangastu azetettih
Kui kangastu azetettih
Livvi
Vidlitsa
Sanel’e
, kui kangastu azetettih , kui sidä pidäü azettua ?
Kangaz gu langad ned laitah , sit kerinllavvat tuvvah net täh pertih .Kerinakku on täz üksi , sid nelli on laudaa , kaksi laudaa om pitkäd lavvat .Keskikohtal on täz loukkozet , sit sih loukkozih pannah sih kerinakku .Sit toukkuh keritäh seinäs net .Sid ned kai paazmad da kai lugietah , mi sie pidää , mi seinää pannah .Sit se paazmah niil’öi keritäh .Sit se kangaz luvvah seinäh .Sit seinäh gu kangaz luvvah , sit sie seinäz otetah , sit gu staavat tuvvah pertih da azettamah ruvetah .Enzimäi otetah käil niidü pirdah .Otetah , sit se käätäh käärindüpirdu kolodah .A kangas sinne roih toizeh puoleh , sit sih kolodah kääritäh , üksi käärii täs kolodaz , a toine tää , annettavat , toizez agjas pidää nenga rouno sidä .Sid gu kääritäh .
Läbi staavois .
Läbi staavois , se siä agd’u on .Agd’as siä pidää da käärii , a toizez agd’as tää tüöndää , kangas täs ku , krugom staavoi müöten , vot .Sid gu se kangas kääritäh , sid se pirdu otetah ääre , käärindüpirdu .Sid enzimäi otetah niizih , sid otetah pirdah .Sit sen vastakkai sivotah , da sie zavoditah kudua .Kačo kui kangastu laittih .Ei vie sih ni kaikil siä tiedämättömäl kangastu sidä saa laadia . Vot .A sit ku kačo , tožo saamoi , sidi kangahad poimittihgo , nečidä raadaa , valgial langal käzipaikkoi .Poimittihgo ruskial langal .Minägi iče valgial langal em poiminuh .Kangahan azuin käzipaikkukangahan gu pelvahaz eroitettii .Netäz d’üttümäl ruskial langal poimiin käzipaikkaa . Vot .Žaarum-čidži oli ülen’ n’erokas , van’hin .Häi meni , kučuin , "čidži , tulez minuleni poimimah käzipaikkaa "!Häi poimiu , minä täz nenga rouno , kačoin päälpäi .Sanon "laskes minuu ", sanou "vuota , vuota "!"Laske vai la minuu "! Häi nouzi , minä tilah istuldimmoh da allam poimie , vot .A nämmä jo , vie täz koiz olles , käzipaikkaa kuvoin ,kuzbo minul on se käzipaikku ?Pestüdhäi oli vie ?Olihai pestüü nečis paltinkäzipaikku ?
Oli , ga jurozet on vie .
Ga jurozil on üksikai .Se on vie täs koiz olles kuvottu , käzipaikku .Nečiä sobienke kamodaz naverno on .
Minä valgial langal poimin kaikkeh laaduh .A hüö ruskial , a minä valgial pühkimet poimiin .Kliečattah rouno pühkimed laajittih , ferezit .Ruskiedu kolmel suksel kuvottiih .
Kui kangastu azetettih
Livvi
Vidlitsa