Texts
Return to list | edit | delete | Create a new | history | Statistics | ? Help
Reboi da böböi
Reboi da böböi
Livvi
Syamozero
Elettih
reboi da böböi yhtes .Nu .Heil oli kolme puččii voidu .Böböi aiven päčil maguau , aiven päčil maguau .Reboi ikkunpieles kezriäw .Kezräi , kezräi ga hänele rodih näwgy .Nu , klokahuttaw häi kuožalii .Böböi sanow :
– Midäbo sie kolotitah ?
– Kolotitah – kuomakse minuw kučutah .
– Nu , kučutah ga , mene , mene .
Lähtöw kuomakse .Menöw aittah , syöw , syöw , syöw voidu pučis , rud’d’ow , syöw .Dai tulow pertih järilleh , kezriämäh .
Böböi :
– Nu , mibo rodih nimi ?
– Zavod’einii (Zavod’einii nimi on – zavodii pučin ).
Nu . Op’at’ kezräi , kezräi , kezräi , ga myöstin hälle näwgy rodiihezegi .Myös hyppäi sinne ikkunah .
– Midäbo sie kolotitah ?
– Ga myös kuomakse minuw kučutah .
– Mene myöstin kuomakse , mene !
Meni , söi , söi , puoleh puččih sah voidu rud’d’oi syvvä .Tuli pertih , istuih järilleh kezriämäh .
– Nu , midäbo ?
Mibo rodih nimi ?Mibo nimi rodih ?
– Keskowveinii .
(Reboi keski puččih sah söi ga Keskowveinii tulow .
Da .)
Dai häi myöstin kezräi , kezräi murjoi ga .(Myöstin kowme päiviä proijiwga , kowmei puččii menöw .) Myöstin ehty tulow ga , hällei näwgy roih , myös lähtöw syömäh .
Myös lähtöw , kolahuttaw :
– Nu midäbo myöstin kolotitah ?
– Ka myös minuw kuomakse kučutah .
– Nu , kučutah , ga mene !
Nu meni , söi , söi , söi mud’žoi , söi , – kaiken pučin loppi , jo on pučči tyhjy pohjassah .Tuli pertih , kolahutti kuožalih , kezriämäh rubei .
– Mibo rodih nygöi nimi ?
– Nygöi Lopowveinii (Nygöi jo loppiiheze pučči ).
Nu , hyvä .Toine päivy tulow .Myöstin , op’at’ mup rodiew : kuni pučis kestäw voidu , ga aiven pidäw syvvä .Myös Zavod’einii da Lopowveinii da Keskowveinii .Myöstin muga ruadaw .
Nu , hyvä .Kowme päiviä muga virui böböi šie päčil i kowme puččii reboi voidu šöi .I hän lähtöw päčil iäres , hänel on näwgy , böböil .Menöw aittah , menöw – ga puččilois voidu ewle .
– Vot puččilois ewle voidu nygöi , – sanow , – sinä voit söit kai !
Nu hyvä .
– En syönnyh , en syönnyh !
– Söit , söit , söit !
– Davai päčin lämmäh panemmo ! Davai päčin lämmäh panemmo !
Pannah päčči lämmäh , päčin edeh riehtil , i reboile sanow :
– Nu , nygöi pane sinä neččih päčin edeh riehtiläle perze , sinul razvat perzies ollah .
Dai panow , ga ei reboil valu perzies razvua , ei valu .
Nygöi sanow reboi :
– Pane sinä !
Nu pani .Hänel rubei valumah razvua perzies .Vot , riehtil täwzi valui .Nu vot , reboi söi voit , a böböi rodih viäry . Vot .
Talvi proidii , kevät tulow .Kagrat kylvettih dai kagrat kazvettih .(Suarnas terväh kazvetah .) Dai , nečida , riihi puijah hyö , Iabjua roih tukku , kagrua toine .
– Davai jaguo jagamah , – reboi sanow .
– Davai .
Javon juattih .Böböi labjotukkuh möhkähtih :
– Minä tämän tukun otan , suwremban !
A reboi kagrutukun .
Kodih kannettih : reboile puwtui hyvät , a kondiele puwtui pahat .Nu vot .
Nu , heil on nagrištu .Nagrehet lähtieh lestitäh .Lestitäh nagrehet , n’uattii ylen suwri tukku , a nagrištu on pienembi tukku .Nu hyvä , dai hyö juatah jaguo .
– Davai , reboi , davai nygöi myöstin javon juammo .
– Davai .
Dai reboi viivittäw , iče kaččow i sanow : "Minä jo nagrehet ottažin ga ".Böböi n’uattitukkuh röhkähtäh mennä .A reboile puwttuw myös nagrištukku .Hyvä !Dai net kodih reboi ylen hyväs mieles kandoi , dai paččoi pastaw , dai syöw .A böböi n’uatit päččih panow : ga paletah , ei rodei paččoi .Reboi böböillyö goštih pačoi juaššiekkažen kere , poimiččužen kere .
Menöwhäi sinne , ugostiw händy . Ugostimah rubiew ga :
– Avoi-voi , sinun pačoit midgo magied !A minul , näigös , ni midä ei rodei , minun vai paletah , pahat ollah !
(Näitgo , reboile puwtui parembat , ga reboil on parembii eliä .)
Nu nyvä .
Heil jo tawvi on , jo sie vetty dai kaikkie , jiäl on . Jo böböi voimattomuui , vaivui .
Reboi lähtöw viele .Lähtöw viele – mužikku ajaw . Ajaw mužikku .Mužikal kalua , riäppöi rozvali .Näidgo vai !Reboi vieröw dorogale , viglahtah .Viruw dorogal prispokoino : töllönnyh dai töllönnyh !Mužikku sanow :
– Kačo , gor’a , – sanow , — riäppöi sain , – sanow , – rozvalin , nygöi sain , – sanow , – reboin .
Reboin sen rozvalih , riäppölöih sinne od’d’ualan alle .I ajaw kodih hyväs mieles : "Nygöi akalluo menen : riäppöi sain rozvalin , reboin vien .Vot akku ihastuu kulleh "!
Meni kodih , kačahtihhäi tuaksepäi : ga reboidu da ni kaloi ewle !Reboi kalat dorogale l’ykii dai iče hyppäi , dai sihi jäi .Mužikku on pahas mieles : ewle reboidu da ni kaloi ewle .
Nu hyvä .
Reboi tuli kodih , toi kalua kodih .Böböi :
– Kuzbo sinä kalua otiit ?
– Minä kalua kuz otiin ?
Lähtieh hännän riputiin , händäh kalua tartui .Menevai sinä opi , dai sinä suat .
Dai böböi , tämä kondii , meni , meni kondii , ištuiheze lähtien rewnal .Ištuw , ištuw , ištuw , ištuw .Jiän kylmi , lähtien , a kalua ei tulluh .Akat viele tullah , a böböi ištuw lähtien rewnal .Nu hänel perze kywmi lähtien rewnah .Akat korendol perrettih .
Reboi juoksow randah :
– Mibo rodih šinule böböi-rukku !?Mibo rodih ?
– Mi rodih !
Kačo , mi rodih , – sanow .
Dai häi ottaw , böböi , lähtöw sinne astumah : vai veri valuw , vai veri valuw .A reboi sе viruttih :
– En voi minä , en voi minä , nikui en voi astuo !
Böböile rodih reboidu žiäli :
– Tule minule sewgäh !
Reboi böböile sewgäh .Böböi astuw , reboi vai ištuw selläs , da vie sanow :
– Voimatoi tervehty kandaw , voimatoi tervehty kandaw !– reboi se kirguw , näidgo !
Vot minul i suarnu loppih , enämbie ewle ni midä .
Reboi da böböi
Livvi
Syamozero
–
–
–
–
–
–
–
–
–
–
–
–
–
Лиса и медведь
Russian
–
–
–
–
–
–
–
–
–
–
–
–
–