Texts
Return to list | edit | delete | Create a new | history | Statistics | ? Help
Miikkula
Miikkula
Karelian Proper
Dyorzha
A
Miikkul ol’ äijäl’d’ miilosl’ivoi , hin ol’ bohatt i äijäl’d’ avutti bednoiloill , i viäl’ hin avutti dorgoil .Ken šiäl’ mis’s’ langiw il’i puwttuw , il’ hebon’ okl’eiččow .I Miikkul äijäl’d’ avutti nardal , i pruaznuijah händäh kakš kerduw , muajul d’evjatago vanhah luaduh i d’ekabr’all .Nastojaššoi pruazn’ik on muajull , a talvell hänen moššit per’nos’il’i toizeh koh .
Ken dorgah l’ähtöw i mal’ittu lugtah , pamagal dorgall .Nu i viäl’ avutti t’yt’löil’l’ , nu šiäl’ tuatot annettih vägeh t’yt’l’öi i duidih .A hin heidäh spasaič , hin šuar’ittel’ i andel’i .
Rahvaš šaneldihgo mid’ä hän’en abuh n’äh ?
Ka yhen keeran sluččič daž miwla , ol’iin miä šuatmašš svjatoill n’ed’l’ill , a suamoi ved’ lum šulaw , stancjall .I ka mi značit oman , ištiin hänen pol ad’innactow i l’äks’iin mi kod’ih ajmah .A jo pualen dorgu ajoin , jo kakštois’t čiäs’i .Šiirič kyl’äšt Al’eksandrofkoi , a šiäl’d’ i haiktah : "Ei ! Naiz’ut , ši kunn ajat ?Tämmuazeh aigah samojo kakštois’t čiäs’i i šiä šiirič mečäšt !".A miä s’oravno en kuwnellun i l’äks’iin .I kaiken mečän ajan i lawlan "Hr’istos vaskres ", lawlan i lawlan "Hr’istos vaskres ".A šid’ kun podjed’ii pellolla , mi en ruvennun lawlmah , nu jo mi en varaj !I vain kuin miä pelloll viijiin , a ed’hin i šeiz’ow valgilois’s’ , ka kun pil’veh šut’t’en !Kun šin’n’ i tän proid’iw !Miwl hebon’ kun dogad’ händäh i davai pys’t’kabi kočmah ed per’ičmäh .A miwl ol’ t’el’eškän’ , aha , per’ičmäh .A šid’ kun miwn pothfat’ , kat’t’i kat’t’i .A täm šuwr’ kun yht’eh kyl’geh toiz’eh kyl’geh žahn’iw [...].Ka mi kyl’äh šut’t’en jo täšš ič vid’eržičin t’el’eškäl’l’ .Kun mi podjed’iin aidah , täšš kukot i kr’ikn’ittih .Aha .I ka miwl podoid’ittih kakš brihuw , šiin’ i stajat : "Kuin šiä n’iin ruahiit ?My duwmaiččim št i Il’ja-prarok ajaw hebzell , n’iin l’et’t’iw i kol’essut muad ei šuad ".Ka hebon’ pöl’l’äšty .
A viäl’ kerd miwl toož šen’in sluččič , ol’iin vel’l’i šuatmašš , a jalgz’in ol’iin .Tož ol’iin svjatoill n’ed’l’ill šuatmašš i mečči myt’t’en .I šuatiin i solniškan’jo istučmah rubei .Meččäh tul’iin , jo äijäl’d’ pimiä .Mi tuaš davai Jumluw kumardelmah i tuahukšen toivtiin Miiklall .Doijiin ruwčallua , a täm mi hin ?Kun nirn’iw nirn’iw , i tuaš muašš , hyppiw muad myt’t’en .A alhun viäl’ jiähyt’ , mi kun pöl’l’äššyin , ruwččah val’ičiin i kurkuh šut’t’en !Mi kun šiäl’d’ viijiin , polspoškat furn’iin i davai jiähyt’t’ myt’t’en hyppimäh ed kaik Jumlu kumardelmah .I ka Miiklall toivtiin tuahukšen rubl’ašt .Kod’ih nas’il tul’iin .Ruvein t’otall roskazvaimah , a hin šanow : "Ken šilm , howkkan’ , täl’l’ yäl’l’ mečči myt’t’en ved’i ?Ken šiwl käšk aštua ?".A miä ka i tul’in , l’ind pöl’l’ät’ , moož l’ind a moož l’esovik , vet’ šanottih , št on mečän iz’än’d .
Miikkula
Karelian Proper
Dyorzha