Texts
Return to list | edit | delete | Create a new | history | Statistics | ? Help
Mid kažvaw mečäšš
Mid kažvaw mečäšš
Karelian Proper
Dyorzha
Mid’ä
kažvaw , mit’yt’t’ä gribua , mar’jua ?
D ka gribua tän vuaden äij ol’ .Borvikku ol’ , i glad’oškuw ol’ , ka šualais’t , ka mid s’eičas šöimm .Patom gruuz’d’i meil’ kažvaw , gruuz’d’i ol’ .Borvikku kuivtah , borvikku , koivgribua i huabgribua .N’äidä voit kuivat , nu mi vain borvikku kuivain .
A šuolata voiččow kumbaz’ie ?
A šualat glad’oškat , i n’äm , gruuz’d’it , voikot , vahvot , ka n’äm kaikki šub šualzeh männäh .Nu ka viäl’ ker’täh muwvennet ker’täh , ka n’ygyn meil’ duačn’ikat ajellah , ker’täh dun’kii .A myä heidä emm ot .
A mit’t’yn’äzet n’ämä ollah ?
Ollah muaz’et kar’ičn’evoit , pakšut muaz’et , my heidä emm ot , me emm ker’ii .My vain , ka i miwl on glad’oškat ed gruuz’d’it .
Kuin toko t’yö šuoluatta ?
Šualumm kuin ?Tuamm mečäšt , hiät perbr’imm , čugnoih panemm , nal’eičemm vejel’l’ , vilull , vilull .Ka hy yän veješš šeiz’tah , šit’ tämän vejen kumut .Viäl’ sviažoid vett nal’eičet i kiwguh šeiz’tat huamnekšell , kuin rubit l’ämmitmäh .Hy prakipjat šiäl’ , kiahutah šid’ jo jovel pežmäh , šiaglah kumut hiät i pežet .A šid šualut , kaikk , panet ukroppu , čosnokkua , lavrovoid l’istua .
Šuolua panetta äijängo ?
Šualu pidäw , mi on gribua .Da , jesl’i doko äij jon kan’ešn gribuu , emämmän šualu panet , a vähän’ , vähzen .
Nu a mar’jua mit’yt’t’ä t’iän mečis’s’ä on ?
Mar’juu meil’ on emämb vavarnu .Da , vavarnuw .Tän vuaden ol’ prawd i man’čikkua , da .
Kunne päin kävel’et’t’ä vavarnoh ?
Vavarnoh ?Ka kaikki meččä om meil’ vavarnošš , ka tanhuper’is’s’ miän , eij ol ed’hin .Ka ši aššuit Ivnowskoin dorgu myt’ , ka täd dorgu tän vuuden kaikin šub kävdih .Yhešš koh vain i oldih vavarnot .Ol’eksandrofkoi i S’emnowskoi i Mat’uugin i kaikki tän käydih .
Nu vavarnuo kuivuatta al’i kuin ?
Kuivuamma , kuivumm , da .Šiwl ei ow kuivattu ?On ?Kuivumm , var’en’ju keittäh muwvennet , nu mi en keit’ .Da , ka prostudašt händ hyv on .A mi en t’iji min tokku , kuin juan i zan’emoogin .Da , mi händ ka en äijäl’d’ .M’änvuaden en keittän i tänvuaden en keittän .Ka poll’itrovoin’ on bankan’ .Žal’eičen v slučai zan’emoogit .
Viel’ä mit’yt’t’ä mar’jua on ?
Bualuu on , karbluu on .Da .Ka karbloh hot’i šeičas män , on vil’ karblu on , šuall , šuall .Meil’ ka täss on rewnašš , nu hänešš jo n’ygyn ei ow n’imid , kaikki šub kerättih l’äšš .A ka käydih ka šinn ed’äh Ol’eksandrofkoill , šiäl’ on äij , i äijin taskaidih šiäl’d .
A karbalošta mid’ä toko luajitta ?
Karbalošt n’ygyn ruvettih kaik keitmäh var’en’ju .Var’en’ju keittäh i patom , i n’iin šywväh karblua , patamušt šantah hin on , kel’l’ on davl’en’je .
Kuin toko hran’itta karbaluo talven ?
Karblu ?Mi ka hran’iin t’ijät kuin ?Karblot puhaššan , jo kun hy ollah zr’elii , i patom halodnoi kipičonoi vodoi nal’ju .Bab Fjokl id’ot .I ka hin veješš i on , veješš i šeiz’ow .T’iijät , kuin vašt !N’e zavjan’it n’išto , kaiken talven n’i , ei homehu .
Nu mis’s’äigi s’inčošša il’i aitašša ?
Talvell ei voi šinčošš , vet hiän kyl’mähtäw , pidäw per’t’is’s’ , da , a šiäl’ lawčinall on vil per’t’is’s’ .
Mid kažvaw mečäšš
Karelian Proper
Dyorzha