Texts
Return to list | edit | delete | Create a new | history | Statistics | ? Help
Maijošt kaikki ruavamm
Maijošt kaikki ruavamm
Karelian Proper
Dyorzha
Šanokkua
maidoh n’äh , mid’ä voiččow maijošta luad’ie ?
Maijošt voit kaikki šub luad’i .Maijošt i pirošku pais’at i sulčinu pais’at .A maijott i kakrua et pais’ , i kakruu pais’at .Maijošt kan’ešn ruatah rahkua , kuaret .
Kuin luajitah rahkua ?
Rahkua kuin ?Ustiččow kr’ink , simit kuar’in , a patom šeiztat kiwguh .Hin šiäl’ keittyw , rahk , i illal vejat .Händäh ei pi viikku pidiä .Vejät i otl’eičet hänen , herašt , da marl’ašt l’äbi , herašt hänen .A patom i panet puizih ran’š pandih .Puiz’ut muaz’et oldih čistoit , vain rahkah varoin , i puiz’ušš ka talvekš i kopittih maiduw .Muigid maidu ruavettih .Ka i jäl’l’ičeštäh tuat muigid maidua , hiärot vejel’l’ i hl’ebaičet .Ken šuvaččow kartoškanken a ken n’iin , hl’ebaiččow .On vkusnoi i hyv .Maidu täd šotkitah r’iašall maijoll , šygžyl’l’ .
A hera toko kunne män’i ?
A her kunne ?Žiivtall , a patom vet’ herall nal’ivaidih , konži pandih lavdz’ii ed kiviä .A heral nal’eijah rahkat , a ostatkat žiivtall mändih , poččiloil .
A bul’uo toko šyöd’ih ?
Šyädih , i bul’uu šyädih .
A žiivatalla annettihgo bul’uo ?
A žiivtall bul’uu ei annett annettih herua .Žiivtall vain herua annettih .
Rieškua maiduo kuin šyöd’ih ?
A r’iaškuu maidu nal’eijah mal’l’ah di luz’ikoill hl’ebaijah .Kaikk per’eh yhešt mal’l’ašt .
Kiwguah šeizatettihgo ?
Maidu ?Šeiztettih , kuimb !Toppičmah toppiččow vet’ , maed on topit .Ken šuvaččow n’in paremb čem siroi maid .
Ka kuoriet kun keriät yht’eh koh ?
Kuaret , kuar’iin ker’iät , šeiztat padzen kiwguh kuar’inken .Šiit tämän heran sl’eičet , i mešaičet , kolawtat void .
Mil’l’ä toko kolawttija ?
Här’kimz’el’l’ , oldih här’kimz’et muaz’et pikkurzet , kolawttuu void .I ka kolawtat voin a šit topit voin .Topit voin , čagrah , pais’at zdobn’ikkua il’i piroškat zdobnoit .
Mis’s’ä toko voida piet’t’ih ?
Oldih muaz’et kr’inkat , šuuret kr’inkat , i n’äis’s’ kr’inkois’s’ .Nal’eičet kr’inkat , hin hyydyw voi , piäl’ičč šualu panet , štobi n’imytyš guada ei ožawduis’ .Daa , šualu .
Kuore mänöw voiks’i , n’im mid’ä viel’ä jiäw ših ?
Šiäl’d vii jiäw pettmaid , pettmaijošš täšš pais’ettih l’eibiä .I l’eibi pais’ettih a šuurešš pyhäšš ei šyäd , jätettih Svätoiks’ .Kuivtah zuuhkr’iks’ , a šid rokku keittäh kuar’inken , i ka zuuhkr’ia murtetah i kuar’ill zabl’itah i šywväh .A pettmaijošt on l’eib äijäl’d jo hyv .
Mih aštieh l’ypšijä ?
Doin’ikkoih , oldih muaz’et doin’ikzet , doin’ikzeh l’ypšät .
A mit’t’yn’än’e ol’i , doin’iekka ?
Ran’š oldih puuhzet doin’ikzet i törz’inken , daa , i törön’ ol’ , i kriškzet oldih heis’s’ .I ka n’äin doin’ikz’inken i poldn’ill käwdih i kois’s’ l’ypšettih .
Mon’iččigo päiväššä l’ypšet’äh l’ehmiä ?
Eižistäh , kuin kandaw n’in n’el’l’ kerdu päiväšš l’ypšät , a to i emämmän .A šiid jo kolmeh kerdah rubit , kolm kerdu l’ypšät .
L’ehmä kun verenken rubiew l’ypšämäh ?
Ver’el’l’ l’yps’äw , ran’š šanottih , št jesl’i toko l’ehmän all čirkkan’ prol’et’t’iw , to l’ehm rubuw ver’el’l’ l’ypšimäh .N’äm muaz’et oldih pr’imitat .Aa , a patom on viäl’ täš što kaa [...], šatattaw l’ehm , mečäšš i , ka paimentah , šatattaw udret i l’ehm možiw ver’el’l’ l’ypšiä .Nu ver’e’l’l’ poka l’ypšäw , kan’ešn täd maidua ei šywv , er’is’ i l’ypšetäh , muah händäh i l’ypšetäh , händäh yhteh ei l’ypšet .
A kuin hot’ l’ečit’t’ih šilloin ?
A kuin l’ečittih ?Ruavettih koivušt kol’čais’t , okšzen kattah koiv , i čer’es täd koivzešt kol’čzešt l’ypšettih .
Maijošt kaikki ruavamm
Karelian Proper
Dyorzha