Texts
Return to list | edit | delete | Create a new | history | Statistics | ? Help
Piän’et lapšet, n’än’kat
Piän’et lapšet, n’än’kat
Karelian Proper
Dyorzha
Šanokkua
lapših n’äh , mint’äh staraidih väl’iämme ris’s’it’t’iä ?
Daa !Možbit’ lapš možiw zan’emožii i kualow , r’is’s’itmätt .Šilloin pah , r’iähk , i šilloin bajal’is’ varattih šti kuin .Männäh šes’ n’ed’el’ , mal’tun ottaw , lapšenken pijäw männ kir’ikköh .Ka i mänöw mal’ittu otmah , šes’ n’ed’el’ proid’iuw .
A ken view lapšen ris’s’it’t’ämäh kirikköh ?
A r’is’s’itmäh r’is’tmuam i r’is’tuatto .A muamo eij .Da .
Šanokkua , kuin ris’s’it’et’t’ih ?
Kuin r’is’t’ettih ?Nu r’is’t’ettih r’is’tmuamo da r’is’tuatto , pappi i r’is’s’it .Ka ol’ muan’ muan’ , kuin šanuw , kuupal’n , vett ol’ šiäl’ .I značit papp r’is’s’ittäw , ka okun’ittaw lapšen täh , vedeh , i andaw r’is’tuatoll .A r’is’tuatoll antah , oldih r’iizut nazvaččičettih šiäl’ , palat’enci il’i holstu tam dva metr il’i tr’i .R’is’tuatt pr’iimiw lapšen , r’is’tmuamoll i andaw .R’is’tmuamoll andaw , šid ka papp šiäl’ händäh astr’igivait äijäštäg lyw ed vahvazeh mid l’iw pril’eppiw .Ka šin’n’ i fur’n’iw .A šid’ ymbär’ ka pappi projid’iw täšt ka , kupal’ašt , i r’is’tuatt i r’is’tmuam ymbär’ projitah kolm kerdu .Da i r’is’s’ittäw i andaw n’imen lapšell .
A t’yt’t’öz’ie i brihaz’ie yht’eh rukah ris’s’it’et’t’ih ?
Da , yhteh luaduh .A täm kum mal’ittuo , mal’ittu , ka nu vot šes’ n’ed’el’ projid’iw , muam i l’ähtöw lapšenke mal’ittuu .Nu vot ka t’yt’t’en’ , kun poigan’ ka miwl oldih poigz’et , šin’n’ i mänöw .A t’yt’t’en’ , t’yt’zinke n’in ei .Ka mal’tun otat , šilloin i voit obidn’all käwv i .Vot kak .
A mint’än naizella ei voinun viikko kirikköh ?
En t’iiji , ka täd n’in en t’iäd’än .Yšt r’iähkin’ , gr’aznoi , šal’i .Il’i n’iin ol’i pr’in’eto .
A kuin n’imie pandih ?
A n’imi kum pannah , šiäl’ ka pabl’iže mytyt on n’imet šilloin .Pappi ič i pan’i .A ka n’ytten jo i ič täd , pannah , daa .A šilloin papp ka kaččow mis’t’ l’yw , mih l’yw bl’iži i panow .
Sväčis’t’ä ?
Daa , svjaccat .Daa .
Pavlova O .: Šanon ka kuin ol’ Bar’iškan Matr’oll i Košašn’ikan Mašall .Ran’š ol’ muan’ mod , il’i zakon ol’ muan’ , jesl’i doko naičč br’ih , ka muasl’enčaareš i šuureš pyhäšš pyhäl’l’ , pyhil’l’ ei männyn ei goveinun , to papp pan’i pahoi n’iml’öi .Meil’ kolm nais’t yhešš viijittih miähel’l’ i eižimän’vuaži jo hy Skorbjaššoikš šuadih .Načit yhel’l’ pan’i Fomakš , poigzen pappi , toiz’ell pan’i Jehremakš , a kolmannell pan’i Romnakš .Ka pappi i pan’i n’iml’öi pahoi , pidäis’ männ pyhil’l’ .
Avoiz’i , papp tämä , kai muamoll navern midäm buit’ šiänd , miwn Fjoklakš pan’i .
Viel’ä mit’yt’t’ä n’imie ol’i ?
Vot ka n’imi , vot šilloin pandih n’imil’öi , papill mis’s’ bl’iž i pandih .Daa .Podoid’iw mytyš n’im šiäl’ , Fjоkl il’ Okul’ i pannah .A n’yt’t’en jo takih , muaz’ii n’imil’öi eij ole .Iäl’l’ oldih n’imet Fjokl , Okul’ , Marfa , Luker’ja , Okki , praud oldih trudnoit n’imet .
T’ämä uroš ol’i ?
Ukk ol’ , ai , ol’ nain’e !A mužiki ol’ tož oldih , Fil’ip , Maks’im ol’ , ran’š oldih n’imet muaz’et gruboit .
Kuin kažvatettih lašta , pien’d’ä lašta ?
Kuin kažvtettii ?Iäl’l’ kažvtettii äijäl’d pahoin .Lapš ol’ pikkaran’ , ei ollun n’i boreškua , n’imid’ .I n’äčt’ettih l’eibii soskah , soskah ga n’äčy .L’ähtöw ruavoll , t’ämän soskan i panow lapšell , ka hin i imöw hän’d .Ka kuin kažvtettih .Nu miwmmat hot’ ei ei imet’ n’äid soski .I vot , a hy , ei n’ägit n’imid .Šilloin raz’ n’iin uhažval’ lapšis’t ymbär’ !Što tii !
A lapši toko kät’kyöššä ?
Kät’kyšš .A muwven tulow moržim , kät’kyšš lapš vönyw šiäl’ kačahtaw , kum mär’g on , per’mn’iuw , di tuaš kät’kyh .Šilloin akk kačahtaw l’ib ei , pok ruavoll olet .
A n’än’kät ket oldih ?
N’än’kuičč ka kun on akk moržimell muatk , že i n’än’kuičč , a kun eij ollun n’in n’än’koi palkul’dih .
Ked’ä otettih n’än’köih ?
N’än’koih t’yt’rais’koi .I miwl oi , ka ol’ miwl ol’ äijäg ?N’el’l’ n’än’kuu , kakš t’yt’rais’kua , kakš .T’yt’rais’at paremmiin kan’ešn , t’yt’rais’k lapšinken paremmiin .A jo akk , muwven akk lapšell ei šan šanais’t , tr’i goda lapš ei pais’s’un , vain juahuttel’i a-a .A n’yt’t’en jo tr’i god kačuu s’o pan’imajut , praud ?
A mil’l’ä šyöt’et’t’ih en’n’ein lapšie ?
Šyät’ettih ?Nu kooža , prošnoist pudrois’t , a šilloin n’äid et ollun mannoloida .Mih ol’ oštu ?Ei mih ollun oštu .Šilloin kel’l’ ol’ l’ehm maijoll , ka maidzell , ka mil’l’ šyät’ettih .A šid’ n’äčt’etäh l’eibi , ka mil’l’ .Nu mi hot’ en n’äčöttän , miwl ol’i l’ehmä , a šilloin n’äčt’ettih .A viäl’ ol’i tože , miwn šižrell ol’i lapšii äiji , kuwži , i hiän tož sosku ka and .
A ol’igo toko pien’il’l’ä lapšilla bobos’t’a , kizattihgo mih ?
Da što ti !Mityš bobon’ ?Mityš buit’ on čilan’ ka , bilo oi !Väh kel’l’ ol’ bobzii .Mih šii oššat bobzen kun joo , lapšell eij i boreškuu ei mih ollun oštuu .Ka kuin el’im .Što tii !I oldih ka pr’iän’ikz’et , ka n’äm kar’ičn’evoit , ei kar’ičn’evoit ruškizet i kukzet .Oššiin šilloin vil’ ka , Pogr’elovašš .Mi kerdzen i toin kukzen i ka hebzen ka i salduatzen .Vil’ miwl ol’ kuin eižmän’ täm poigrais’k .Ka tul’in , a miwšše istu , tuat ist i d’äd’ isstah , Pawl d’äd’ täm ka , isstah .Pawl d’iäd’ šanow : "Äijäg makš ka n’äm ?"A šilloin star’innije d’eng’i jo n’ikak šadam makš täm pr’iän’ikkän’ .A mi šanon : "Pawl d’i , täm makšaw kal’l’is’ ".A hin šan : "Nu täm hot’ on hebozen n’imi ".Hebzet oldih priän’ikäl’l’ .Da .A mi annoin poigrais’all , n’in sraz i hawkkai , jo n’äid pr’iän’ikz’ii !A tol’k šuuremmat oldih pahoin ennein .Hospod’i , mil’l’ ol’ oštu !Ei mil’l’ ollun oštuu , l’eibii ei hvatainun .
Piän’et lapšet, n’än’kat
Karelian Proper
Dyorzha