Texts
Return to list | edit | delete | Create a new | history | Statistics | ? Help
Svjatoill l’iakuttih ed kizattih
Svjatoill l’iakuttih ed kizattih
Karelian Proper
Dyorzha
Keviäl’l’ kun
svjatoi tulow , šilloin ei ruavet kogonzen n’ed’l’in .Ka t’yt’öt i br’ihat i viijtäh .Meil’ oldih , miän kyl’äšš ol’ kakš luugu , i nazvaiččettih Kidžuškan luugat , al’immazel luugall oldih ruavet r’el’kat ris’t’in rast’in , kozlat .Nuaran r’iptetah i täš t’yt’et ed br’ihat l’iaktah .Lawvan nuarih pannah , lawvall istučtah , a n’äm potkitah yhešt pualešt i toiz’ešt pualešt .Br’ihat enämmän potkittih , a t’yt’öt issuttih .
I monen keššä ?
Mon’ mon’ miäšt , miäšt n’el’l’ istuččow .Lawvan pannah pit’än , nuar on pakš .A nadoim , toiz’et smen’aičičtah .A viäl’ оl’ luug , žel’l’ luugal laptu äijäl’d’ kizattih toož .Šaran’ ol’ muan’ muštan’ , dubnat oldih l’ywv .Algetah kizat značit , nazvaiččič muatk ed buat’k , i tullah täh puarzet šiäl’ , arbz’ih luakšittih , täh art’l’ih , täh pualeh kymnen miäšt i täh pualeh kymnen miäšt .Ka arbzeh luwvah , ken šiäl’ vod’ij šaras’t tawtell , a ken tiäl’ pal’iw .Ka tämän i luwvah .A täš kun pal’tah i hypel’l’äh , hyptäh hyptäh i bačn’itah , značit toiz’en viäl’ bačnitah šarzel , i tämän part’in zamn’itah .Ei rubi pal’mah , l’ähtöw vod’mah šinn , a že part’i tulow tänpäin šarais’t pal’mah .
Ken kizai laptuh ?
Kizattiih ?I t’yt’et i br’ihat , i naiz’et nuaret kizattih .Šilloin vet’ ol’i nardu äij kyl’äšš .I nuaret moržimet svjatoil kizattih , nuaret urhot .A ka alottuč arg , viijittih miähel’l’ , a muas’l’enčan moldoit tullah gos’t’ih .Šilloin br’ihat paktah miäččy , značit täm väw andaw br’ihoill tämän miäčyn .Ei !D’engu andaw , hin andaw d’enguw viinah , a br’ihat antah tämän miäčyn .I vot kaiken muas’l’enčn’ed’l’in l’ipaijah , r’iktah miäččy .Vävyt br’ihoild miäččy ottah i l’eiktah .Hy ei annet miäččy , a kuin ei annet , hy heil’d šuapkat ottah vävyt .Muwvet i torah šuat , i šid’ tuwvah tuaš miäčyn .Raz’ napas’it !N’ed’l’in aloo miäččy kolm n’el’l’ l’eiktah .Do tavo l’ipaijah , št väw ottaw , l’ähtöw hyppimäh , kunnen’but’ furn’iw il’i r’ikkow tämän miäčyn .A br’ihoil žual’ .Ka täd i ruattih muas’l’enčan br’ihat ed vävyt nuaret .
A laptuh kizattih , šanon viäl’ , naiz’et moržimet .Yks’ nain’ ol’ jygihän’ i kizai , l’äks’ hyppimäh , hänen i ožattih , šarzell .A šantah : "Mid händäh ožuul’et !Hänešt l’iäw s’eičas kakš "!I nagrettih .
Svjatoill l’iakuttih ed kizattih
Karelian Proper
Dyorzha