Texts
Return to list | edit | delete | Create a new | history | Statistics | ? Help
Lapšin kizat
Lapšin kizat
Karelian Proper
Dyorzha
Peitz’ih kizaim , i
my kizaim t’yt’z’et i poigrais’at , a šuwret jo ei kizat .Peit’l’ičim , ken vod’i meid ečči .A ken eižmän’ viid’iw , tulow täš mis’s’e vod’a : "Čur paločk viručil !", hänel’l’ tuaš vod’i .I ka peit’l’ičim kenen tanhušt ymbär’i , kenen šinčoh , a to puun’ašt ymbar’i .Vain jo kizaim täm , emm ollun šuwret , piän’emmät ol’im .
A vod’a ked’ä i viikon ei l’öwvä ?
I viikon ei l’öwvet .Hin täm kumban’ vod’iw , kun eččiw eččiw , a kun l’ähtöw toiz’eh päin ečmäh , a täm i viiruččiw : "Čur paločk viručil !"Nu peit’l’ičtäh št et i l’öwv , viikomman i vod’iw .
A myä t’yt’z’et kizaim , toož emm ollun šuwret , n’än’kyičim šiäl’ omi lapši , ka i ol’ joghiz’el lapš , jo ei piän’ lapš .Sobr’ičem kymnen lašt il’ šiäl’ äijäg , i istam lapšet hiät , r’et’kz’il’l’ , davai t’yt’zet r’et’kz’il’l’ kizumah !Istam , ka mi omuw lašt , toin’ i kolmaš , a ken i oštlow .Tulow : "Kuma kuma , - šanow ven’il’äkš , - kuma kuma pradai d’it’a !""Što daš ?" "Gol’ik ven’ik sto rubl’ei d’en’ik ". Nu vot saglas’acca , jes’l’ miwn r’et’ki i täm ken oštlow .Ymbär’ kruugašt l’äht’itäh hyppimäh .Jes’l’ täm kumban’ oštel’ tulow iäl’l’ä , hänen i l’iäw täm r’et’k , lapš .Ka my kizaim n’iin , ol’im n’än’kat .
Kizaim tuaš lapšet kazakz’ill .Nu jo i šuwr’et kizaim kazakz’illa .Kakš , kahen keš šeiz’učem , ka puar šeiz’učem , a kazak yks’ , iäl’l’ päin i šeiz’ow .Nu ka äijäg puaru šeiz’tah šiäl’ .Ka tagun i l’ähtöw yks’ šin hyppimäh a toin’ tänne , a kazak heid i tavottelow .Kumzen tavottaw , ženken hin i rubuw šeiz’mah , a kumban’ jiäw kazak i l’iäw .
A talvell myä lapšet kizaim kois’s’ .Kuin pihall ol’ vil , ei laškit meid pihall .Kois’s’ kizaim čokz’ill , ka yks’ čokkan’ , šil’mät hänel’d’ šivottu i pyär’iyw hfataiččow toiz’i .Toiz’et ei andučta hänel’l’ käz’ih , ka šeiz’ow tagun al’ kyykkyz’in .A kumbzen hfat’t’iw , šil’l’ i šivtah šil’mät , že l’iäw čokkan’ .Vain täd emm kizunnun Šuwrešš pyhäšš , en tiij mintokku , ušt r’iähk .
Lapšin kizat
Karelian Proper
Dyorzha