Texts
Return to list | edit | delete | Create a new | history | Statistics | ? Help
Redukaz Mašoi
Redukaz Mašoi
Veps
New written Veps
Konz
minä olin penikaižen neičukaižen , minai oli lujas mel’he öduda minun Val’a-baboil , ved’ nece oli muga čoma da melentartušt .Kaikuččel ehtal mö baboinke da dedoinke joim čajud , kislid vai hapanmaidod paštikoidenke da pagižim vaiše vepsäks .
A konz minä lähtlin magadamha , minun baboi veri minun rindale da starinoiči minei sarnoid , miččid hän iče meleti .Nene sarnad kaikuččen kerdan oliba mugoižed lämäd , miše minä jäl’ghe niid uinzin lujas hüvin .Tahtoižin starinoita üks’ niišpäi teile .
"Eliba-oliba baboi da dedoi .
Heil oli äi vunukoid , no läz kaik oliba jo aigvoččed , a koume oli völ pened : Mašoi , Juku da Arišoi .Mašoi oli kaikid penemb , da oli mugoine gagurakaz , ei navedind pestas .A vanhembad vel’l’ da sizar kaiken aigan napriba opeta Mašoid tehmahas puhthudennavedijan .
Kerdan kezal oli lujas läm’ da čoma sä .Kaik ümbri oli vihand , kirjav , mecoiš marjad jo küpsniba .Lapsile tuli idei mända järven randale , miše kül’ptas , päivitadas da väta vedes .Asttes dorogad möto , jo läz järved , lapsed nägištiba pallišton , miččel oli lujas äi mustikašt .A ved’ mustikaine om Mašoin armaz marj !Arišoi da Juku mäniba järvele , a Mašoi surel tahtol zavodi söta magukast marjad sil pallištol .Hän söi marjoid külläks , kaik hänen mod oli mustikaižen sinižes sokas .
Konz Arišoi da Juku nägištiba mugoižen redukahan Mašan , hö pätiba iloiteldas da sanuiba hänele :
– Ken sinä oled , neičukaine ?Mö em tekoi sindai .Mäne poiš !
– Ka ved’ minä olen Mašoi , teiden noremb sizar - vastsi Mašoi .
– Ei , – sanui Juku , – meiden sizarel ei olend siništ modod .
Hän ei ole mugoine redukaz .
Mašoi voikaškanzi , kacui järven vedehe , kut zirkloho da nägišti , miše hänen mod om redus da zavodi pesta sidä .I vaiše konz hän tegihe puhthaks , vel’l’ da sizar sanuiba :
– Nügüd’ mö el’gendam , miše sinä oled meiden sizar .A konz sinai oliba redukahad modpoliškod da su , mö ved’ pätim , miše sinä oled veraz neičukaine .Kacu , kut om tarbhašt pestas da olda puhthudennavedijan .
Siš aigaspäi Maša el’genzi , miše pestas om lujas tärged .Kaikuččel päiväl hän pezihe iče , vanhembiden johtutesita ."
Nügüd’ minä olen jo kaznu , no kaiken aigan lämänke südäimes minä muštištan nenid sarnoid , da ühtes baboinke mö paksus johtutam minun laps’aigad .
Redukaz Mašoi
Veps
New written Veps
–
–