Texts
Return to list | edit | delete | Create a new | history | Statistics | ? Help
Voimatoin mies
Voimatoin mies
Karelian Proper
Padany
Voimatoin
mies , libo ken , no značit , pid’äy käyvvä šoarella , sin ved’iä bokko .A bokko ved’iä miksi ?Aha , siel’ä pappi pajattau .Miula on äidi kuollun libo izä kuollun , niin papilla ved’iä , značit , že bokko sin .Libo l’ehmä ved’iä šoarella sinne .No , sin šoarella kun vijät , značit — myyvvää , ken oštau , ken andau kallehemman hinnan .No , a den’gad n’e tuldii kon’ešno kirkolla .Pappi hinnan šanou , enžimäžen hinnan .No , a toičči pappi ottau ičellä sen l’ehmän , a rahat sin panou .Viizi rubl’oa bokko makšo .Viistoista rubl’oa l’ehmä makšo , miun muištoo .Vot še Mahošoari i lujetaa , še duhovnii ostrof , kirkkuo siel’ä piet’t’ii .Sen otti , jesli ken ollou izänd’ä oštanun , ni hän otti kod’ii .Rahat makšau papilla i vs’o .
Pedrunpäivä , siel’ä käyd’ii , ku kirikoššä mi , aigoa mäni sluužba-aigaa , no šen aijan siel’ä oli .Sluuži kirikön , da šen kera tagazin ven’ehil’l’ä kod’ii , poiš .No siel’ä , kaksi čoassuo vain kolme , vain min .Sielä ven’eht’ä t’äyzi järvi .Kuunneldii sid’ä papin pajoloja .Ei kižattu .Šilložella aigoa ei kižattu .Kävel’dii tuuvalla Porarvešta šoaten , tuuvalla Rugarvešta šoa käyd’ii .Dai bokkuo tuodii libo bokon rahat tuodii .Sanomma , još hän ei ole t’erveh , ni andau hän luban , što vot Pedruna pid’äy käyvvä Mahošoaree .Znaačit , Sellin šoaree pid’äy käyvvä , ved’iä sin reähätte , štobi mie popravl’us’ .Kak butto še šoari oli douhturi rouno , ku l’eäkär’i .
Voimatoin mies
Karelian Proper
Padany