Texts
Return to list | edit | delete | Create a new | history | Statistics | ? Help
Houkka poiga
Houkka poiga
Karelian Proper
Tolmachi
Šanon
mie šuarnazen .
Šuarnua -vuarnua ,
Lyngiä leppiä ,
Palavua šeppiä .
Elettih ennen eliässeh ukko , akka .Oli heilä kolme poigua .Kakši oldih hajukkahat , a kolmaš oli houkkane .Hyö oldih paimenissa .Paimenettii lambahie .Yhen kerran muamo työndi viemäh obiedua Ivanuška -duračkan .Paisto muamo olad’d’ua .Pani šinne maiduo , kukšinan maiduo .Pani liha rokkua i työndi houkan poijan viemäh .Luzikkua pani .
Läksi viemäh .Šiä ves’ma hyvä .Kuvahane jällesti aštuu Ivanuška -duračkalla .Hiän kačahtau oigieh kädeh .Kaččou – kuvahane .Hiän i šanou :
– Šie , houkkane , midä miula jällesti kopitat ?Šiula šyyvä min go pidäy ?
Ottau , luou luzikan .
Kodvazen aštuu , kačahtau – tuaš kuvahane hänellä jällesti .
– Šiula midä pidäy , houkkane ? Tulet miula jällesti .
Luou padazen maijonke na .
Kodvane tuaš luou rokan , liha rokan .Bronit lennetää , n’okitaa .Rebo hyppäi tuhjosta , maijot šöi .
Tuaš aštuu , purdilozen luou .Kaikki šubi luokši , luokši vakkazešta .Mäni šinne vellilöillyö .Vakkane tyhjäne , leibiä evle , olad’d’oida ev .Vellet kyžytää .
– Missä šiel ollaa ?
– A ka tämä houkkane miula jällesti tulou , mie kaikki šubi hänellä i luokšin .
Vellet i šanotaa :
– Nu paimenna .Myö lähemmä nyt obiedalla .
Jäi houkka poiga paimendamaa .Kaikki lambahat tukkuzeh keräi .Šai veiččyön kormanista , kaikki šilmät heildä kaivo .
Tuldii vellet obiedalda .Lambahat tukušša .Vellet kyžytää :
– Mintän ollah lambahat tukušša ?
– Hukka tuli .
– A mintäh heilä verdä tulou šilmistä ?
– Bronit n’okittii .
Ka i kaikki .
Houkka poiga
Karelian Proper
Tolmachi
–
–
–