Texts
Return to list | edit | delete | Create a new | history | Statistics | ? Help
Kanaine da kukki
Kanaine da kukki
Livvi
New written Livvic
Elettih
kanaine da kukki .Kanaine muni jäiččiä , kukkine jyväzii ečči , kanastu syötti .Kaivau jyväzen dai kuččuu kanastu :
– Ko-ko-ko , Kanaine , minä jyväzen lövvin !
Kerran kuavičči Kukkine suuren pavun ."Nengomua suurdu pavuu Kanaine minun ei voi lainota , iče syön ."Lainoi dai juutui . Pakui Kukkine , sorkat ylähpäi , ni hengitä ei .
– Mibo rodih , Pet’a ? Mindäh virut , et hengitä ?
– Avoi-voi , kärizöy Kukkine , – pabuzeh lökästyin .
– Milbo auttazin sinuu , Pet’a ? Kanaine kyzyy .
– Pidäy voidu suaha , keroi voijaldua .
– Kusbo ottazin voidu ?
– Ga lehmäl kyzy .
Juoksi Kanaine lehmän luokse :
– Lehmäine , anna voidu !
– Mihbo sinul pidäy voidu ?
– Kukkine viruu ei hengitä , pavuzeh juutui .
– Hyvä , sanoi lehmy . Annan sinul voidu .Vai ezmäi juokse niittäjien luo , kyzy heiniä .
Tuli Kanaine niittäjien luo :
– Niittäjät , andakkua heiniä !
– Mihbo sinul heiniä pidäy ?
– Heinät – lehmäl . Lehmy andau voidu .Voi – Kukkizel , eiga viruu ni hengittiä ei voi , pabuh juutui .
Niittäjät sanotah :
– Juokse leivän pastajan luokse , kyzy piiruadu .Myö piiruat syömmö , sit heiniägi niitämmö .
Tuli Kanaine leiväipastajan luo .
– Leivänpastai , anna piiruadu !
– Mihbo sinul piiruadu ?
– Piiruadu niittäjil pidäy . Niittäjät heiniä niitetäh .Heinät – lehmäl .Lehmy andau voidu .Voi – Kukkizel , eiga viruu ni hengittiä ei voi , pabuh juutui .
Leivänpastai sanou :
– Juokse meččäh , tuo halguo , ku olis mil päčči lämmäh panna .
Juoksi Kanaine meččäh , toi halguo .
Leivänpastai pastoi piiruadu .
Kanaine piiruat kandoi niittäjil .
Niittäjät syödih piiruat dai niitettih heiniä .
Kanaine heinät kandoi lehmäl .
Lehmy söi heinät dai andoi voidu .
Kanaine kandoi voit Kukkizel .
Kukkine voidi keroin voil dai lainoi pavuzen .
Lainoi dai rubei uvvessah kiekkumah kogo pihale :
– Kukkikiekuu !Mi hyvä on minun akkaine-kanaine !
Sih suarnu lopui .
Kanaine da kukki
Livvi
New written Livvic
–
–
–
–
–
–