Texts
Return to list | edit | delete | Create a new | history | Statistics | ? Help
Tikkanen, Ulyana. Vai edehpäi!
Tikkanen, Ulyana
Vai edehpäi!
Livvi
New written Livvic
Mäile
nostes pidäy enzimäi vägi kodvu astuo mäis ymbäri .Minä kirmieh ennitin Mašan .Yläh jyrkiä rinnehtu myöte nostes näin , ku ymbäri on kirkastu da lämmiä valgiedu – muailmu muutui .Sentämän silmänlipahtuksen peräs muailmu tuaste muutui – rodih vilu da valpassinine .Taivahal nägyi kazvai Kuudamaine da taivahanrannan tuakse peittyjän Päiväzen lämmän valgien kaidaine junoine .
Maša nouzi minulluo 20 minuutan peräs .Myö olimmo kolmei – minä , Maša da Šum .Ymbäri oli hil´l´aine .
– Myö rounoku olemmo toizel planietal , Vottovuaran planietal .
Myö rubeimmo laskemahes alah , konzu čuasut ozutettih 19.30.Himol´an kylässäh on 22 kilometrii .Pakkaine yldyi , kuului kai , kui puut radžistah .Rodih pimei da enzimäi troppu hyvin nägyi Kuudamazen valgies , sit troppu kiändyi puuloin pimieh da myö saimmo valgiedu očas olijoin fonariloin vuoh .Minul rodih ylen hirvei mečän pimiedy da iänettömytty , ga minä alevutin varavon da ellendin , ku minä muailmah da luondoh .
Šum šuhizemattah juoksi meijän ies da ainos vuotti meidy .
Meččy oli hi´l´aine .Ku lienne azetunnet – korvat typpiäy .Se hil´l´ažus oli vägevembi kaikis kovimii iänilöi .
Myö olimmo Himol´as puoldu čuassuu myöhembä puoliyödy .Oli 25 gruadussii pakkastu , se oli kaikis vilujin kevätkuun yö .Šum juoksi mašinan peräh kylän agjassah , juoksis vikse iellehgi , ga pidi viizastua : annoimmo koirale jälgimäzen voileivän da kuni se söi , britvaimmo pagoh .
Petroskoih tulimmo seiččemendel čuasul huondestu .Meil se oli kaikis pitkejin päivy da konzu mostu rodieu , sinä varmah tiijät , ku sit päiväs on enämbi 24 čuassuu .
Vai edehpäi!
Livvi
New written Livvic