Texts
Return to list | edit | delete | Create a new | history | Statistics | ? Help
Tütrindam
Tütrindam
Veps
Northern Veps
Ende
eletihe mamanke kaks' tütärt .Üks' tütär oli rodnį , a toine oli nerodnį tütär , mamm hänele oli emindam .
Necida hän ičeze tütren navedi , necida tütärt tošč ei navednu vous'o .
Nece akk ičeze rodnįjale tütrele sanub :
- Vögam händast randpertiižehe elämaha .
Necile tütrele sanub :
- Homen sina mä eriži elämaha .
Hän andei hänele samalt kuiduks kezerta , tuhkad ledes andei d'ouhoks , čuurud andei šonaks , pilad'ouhod andei suurmaks .
Händast vöd'he sinna pertiižehe elämaha ühttaze .
Nece ladi kožližen , samluden sidei , värtnäižen kädehe i kezerdaškanz' .
Kuulišt’ , ka kolotiže .
Mäni avaidamha .
Veräjän avaiž , ka koume hörmud-razboinikad .
– Neidihe , neidihe , lämbita kil'betiine .
Kil'betiižen lämbit’ , nened ukod , koume razboinikad , kil'betihe mänd'he .
Nece neidine pirgaižed ajaškanz' , kästtihe .
Hiirutt i hippäst’ :
– Neidihe , neidihe , anda touknašt’ tahthašt’ , pahal aigal liinen hivä .
Nece neidine andei toukunt tukun , tahthašt’ škläkun .
Hiirutt hiviš meliš läks’ kodaha .
Nene tuld'he hörmud kil'betišpei , ka söt't’ heid , d'ot't’ .
– Neidine , neidine , tuližid ku magatta ka .
Kukei čaigaht’ , mužikad kadotine , nece neičukaine ihastį .
Däi hänele dengįid koume sumkad .
Toižel ehtal möst kolotiže .
Nened-že hörmud möst kästtaze :
– Neidine , neidine , lämbita kil'betiine .
Kil'betihe mändhe , a nece neidine pirgaižed ajab .
Hiirutt i hippäst’ :
– Neidine , neidine , touknašt’ tahthašt’ , pahal aigal liinen silei hivä .
Nece neidine toukunt tukun , tahthašt’ andei škläkun .
Hiirutt hiviš meliš päčin alle kodaha .
Nene ukod tuld'he möst kil'betišpei , söt't’ , d'ot't’ nenid ukįid .
– Neidine , neidine , tuližid ku magatta .
– Vaitti , naku valikįižen pezen .
Necida neičukašt hiirutt vastan alle murdįižeks i muutalz’ .
Kukei čaigaht’ i nene mužikad möst kadotihe .
Mamm i sizar sanub :
– Lähkam otmaha , riktud oma d'o dai kolnu om siga , lähkam , hot'a togam lud-ne .
Mänd'he , ka hän siga kändleze ku papad’ hivä .
Toine sizar-se sanub :
– Kus , čikuško , olid , da kus otid neceverdan dengįid , openda mindei !
– Mä , - mamale sanub , – vö sinna elämaha ičeiž zdročonijad tütärt .
Kodihe tuld'he dengįideke , kanttihe edva koumen .
Toine sizar sanub :
– Mina lähten sinna .Openda mindei , čikuško .
Necen tütren sädatab , toižen , ičeze selgitab .
Ičeze tütrele andei töd ka kuidud kezerta , d'ouhod andei rugihišt’ , pirgįikš nižišt’ d'ouhod , šonad d'o hiväd andei , suurint andei , toukunt andei , kaiked andei ičeze tütrele .
Höbole ištut’ dai vei sinna .
Sizar-se opendab :
- Kacu , tuloba razboinikad , ka kil'bet’ lämbitada kästtaze , lämbita , pirgaižed aja , hiirutt tulob , pakičob touknašt’ tahthašt’ , ka sina hänele paina valikol .
Nece neičukaine d'o hiviš meliš ištub , kezerdab , tulnu dengįid samha .
Kuulišt’ , ka kolotiže , d'o tuloba .
Mäni , avaiž , ka möst razboinikad .
– Neidine , neidine , lämbitaskep kil'betiine , ajaskep pirgaižid .
Kil'betin lämbit’ , nene kil'betihe lähttihe .Nece neižne pirgaižid ajaškanz' .
Hiirutt i hippäst’ :
– Neidine , neidine , anda touknašt’ tahthašt’ , pahal aigal liinen hivä .
Hiirudele ku las’k valikol päha .
Hiirutt voivotesenke läks’ kodaha , ei völ kolnu .
Nene ukod kil'betišpei tuld'he , čai d'od'he , kaik pirgad söd'he .
– Neidine , neidine , tuližid ku magatta .
Hän magatta mäni , pekstihe , pekstihe , ka edva heng dättihe .
Nene ukod lähttihe , necile nimida dänu ei .
Nece neičukaine d'o pel'gastunu : «Tuloba , ka riktaze niguni mindei .»
Möst tuld'he , kolotiže .
– Neidine , neidine , lämbita kil'betiine , aja pirgaižed .
Lähttihe kil'betihe , möst pirgad ajaškanz' .
Hiirutt hippäst’ möst , ei , rouk , pannu pahaks , möst tulob .
– Neidine , neidine , andav touknašt’ tahthašt’ , pahal aigal hivä liinen .
Hän las’k hiirudele , hiirutt voivotesenke kodaha i läksiškanz' .
– Sina mindei rikeid da ed i sina päzu .
Iče kol’ , rouk .
Nene kil'betišpei tuloba , södaze , d'odaze .
– Neidine , neidine , tule magatta .
Neidine nece magatta mäni .
Necida pekstihe , pekstihe , d'ougad čaptihe , nižad čaptihe .Nene d'o pandud nižad iknale , d'ougad gardalijale d'o ripputet .
Nece mamin da tütär otmaha ajetaze , paral höbol tuloba otmaha .
– Kacu , nakka minun tütrudel bulkaižed vilugataze iknal .
Tuld'he , ka tütär d'o riktud .
Sihe langen’ mamm nece .
Luuhuded kaik kogoz’ mamm , kordh'a pani , kodihe ot't’ .
Kodihe tuld'he da necen tütrenke eläškat'he kahten .
Tegihe tütär hänele armaz .
Nuguni siga eletaze .
Enamba nimida .
Tütrindam
Veps
Northern Veps
-
-
–
–
–
–
–
–
-
–
Неродная дочь
Russian
–
–
–
–
–
-
–
–
–
–